وضحى اخت وطفا :

أم تالا وفارس .. بقولك عالأشياء اللي رحتها .. وهي متحف الشمع للشخصيات السياسيه والفنيه وصرااااحه مو ذاك الزود يعني مااستانسنا فيه .. التايم سكوير حلو لازم تمرين عليه ناطحات سحاب وعليها شاشات كبيييييييييره جدا بس حلووو المكان وعادة يكون زحمه .. السنترال بارك هذا حلوووو خاصة للأطفال وتاخذين فيه يومين عشان تشوفينه كامل فيه مراجيح واماكن للعب بالرمل ونصيحه مني اذا بتروحين له لاتكشخين عيالك <<<<بنتي تقطع بنطلونها وتوسخت ملابسهم وفيه في السنترال بارك قسم فيه ملاهي الصراحه ماقد جيتها بس يقولون حلوه وناويتها ان شاءالله في اقرب وقت .. وتقدرين تاخذين لفه كامله على نيويورك بالباصات المكشوفه وتقضون فيه يوم كااامل تروحون الصباح وتاخذون الباص مااذكر سعره بس اتوقع في حدود 40 دولار للشخص والأطفال مااذكر <<مومتأكده من الأسعار .. وتركبين الباص واذا اعجبك مكان معين تقدرين تنزلين وتروحين المول او تدخلين مطعم واذا خلصتي وتبين تكملين بالباص بس وقفي عند اماكن توقفه وانتظري اي باص ثاني واركبي بس تطلعين لهم تذكرتك يعني ماتدفعين من جديد <<<<ان شاءالله اكون وضحت لك .. الأماكن اللي يمدحونها وان شاء الله ناويه اروح لها .. الملاهي اللي في السنترال بارك Natural History Museum هذا متحف لتاريخ الطبيعه يمدحووووووونه جدا وخاصة للأطفال ويقولون انه ياخذ يوم كامل .. الأسواق والمولات للأسف مااعرف عنها شي ان شاءالله باقي البنات يفيدونك اكثر .. فيه مول مقابل للسنترال بارك كله ماركات عالميه .. واهم نقطه في الموضوع كله لاتتنازلين عن جزمة الرياضه وانتو بكرامه لأن نيويورك كلها مشي في مشي وحلاتها بزحمة الناس <<اقصد الزحمه المعقوله .. رحله موفقه ان شاءالله

أم تالا وفارس .. بقولك عالأشياء اللي رحتها .. وهي متحف الشمع للشخصيات السياسيه والفنيه...