السلام عليكم ورحمة الله وبركاته
صـــــــــباح الخير ياالغــــــــــــــــــــــاليات
كيف حال الأخوات الأمورات والموظفات المجتهدات يارب تكونوا بخير وصحة وعافية وسعادة .
المهم أبي أعلمكم إن الأنترنت تعبني أمس كتبت إلين تعبت ولا يرسل حتى دب اليأس في نفسي رغم إنه ماهي من عوايدي اليأس
ياهلا بهنادي وياهلا بطلتك الحلوة , الله يعينك ويقويك يارب , وأسأل الله العظيم أن يسبل عليكم الأمن عاجلا غير آجل ..
فطوووم حبيبتي إن شاء الله إنا مداومين على الأذكار والورد والصلاة , وجزاك الله خير على التذكــــــــــير ,, أما تنظيف المطبخ ضروري جدا يوميا ومن سياساتي مع المطبخ شفتو كيف حتى المطبخ يبغاله سياسه , إني ماأطلع منه إلا وهو يلمع من النظافة تمسيح رخام والطاولة والسراميك والفرن وغسل المغسلة باالكلوركس والخل وأي بقعه ولا نقطة ماء على الدولاب لازم تنمسح على طول صــــــــــــــراحة ماأتهاون أبدا في تنظيف المطبخ ..
أنثى كيوت : وين ياغالية عطيتينا خبر عاجل وماشفنا التفاصيل
دلوعة الغيم : طمعانين في مشــــــــاركتك معانا لا .. لا.. لا.. للصمت ترانا موظفات ومتعودين على الصجة والرجة , شوفيني أنا متابعة من زمان بــــصمت ولكن هذا أنا أشارك معاكم ..
أم ريان : بارك الله فيك فعلا جزاها الله خير أختنا رمز الإخلاص على جهودها وأسأل الله العظيم أن يرزقها من حيث لاتحتسب.
وين أم ذكـــــــــرى وبسكوتـــــــــــي أذلك وأم ميس وراقية بأسلوبي ...وكل الأخوات
طـــــــــيبة الله يحييك معانا وينك من بعد ذيك الطلة ننتظرك يالغالية .
إنجـــــــــــــازتي ليوم أمس :
الحمدلله خلصت الدور الأرضي من مجالس وصالة وممرات ودورات مياه وبخرتها وارتحت , أخذت مني مجهود جبـــــــــــــــار .
اليــــــــــــــوم :
من يوم صحيت الصباح نظفت الثلاجة والفريزر لأنها عندي في الجدول اليوم وعندي جبن أبيض قطعته في علب وحده حطيت معاها زيت زيتون وحبة البركة وحدة حطيت معاها زيتون حار مخلل باالزيت والباقي سويت فيه ( مـــــــــــــش )
وقطعت الجوافة وحطيتها بالفريزر ..
سويت الفطور والشاي والقهوة للباشه ..
ولساع باقيلي من شغل اليوم تنظيف المنور وكوي الملابس , أبرتاح شوية وبعدين أكمل شغل لأن ظهري ورجولي مرة متعبتني اليوم
وسلامتكم ..

ممـــــــا راق لي وأعجبني من قرائتي عن الوقــــــــــــت
لجون سي . ماكسويل
إن الوقت متوفر لكل الناس بقدر متساو , ولكن كيفية تعاملنا مع الوقت تختلف
فالوقت يشبه كتلة من الرخام . أعط كتلة الرخام لشخص عادي فسينتهي بك الأمر أمام .. كتلة من الرخام !!!
وأعطها إلى نحات بارع وراقب النتائج ! فالنحات ينظرإليها بعين الفنان فهو أولا , يتخذ قررات حول ماستكون عليه هذه الكتلة الرخامية ثم يمارس أصول صنعته حتى يحول الحجر الجامد إلى تحفة فنية .. إنني أؤمن أنني وأياك يمكن أن نصبح مثل هذا الفنان فيمكننا أن نتعلم كيف نصبح صانعين بارعين لا للأحـــجار بل لحــــــــــياتنا ..!!!!

انا جديده في الملف ومبسوطه مره انه فيه احد يشاركني همومي

طبعا صحيت الصباح الخميس وبديت بالمطبخ وبالتحديد الفرن

شلت العيون كلها وحطيتها في سطل مويه كبير واضفت عليهم خل ، ملح الليمون ، بيكربونات الصوديوم

ورجعت للفرن وفككته من جوا ونظفته والغطاء والجوانب وكل شئ

وطلعت بصل مقطع من الفريزر وطماطم مطحونه من الفريزر و دجاج عشان يذوب واسوي سليق للعائلة

وحطيت الغسيل في الغسالة الاوتوماتيك

والحين جالسه اشرب الكوفي حقي واشوف وش تسوون في الملف وبرجع بعد شوي اكمل شغلي

والله يكون بعوننا جميعا

بس نصيحه يابنات لا تنسون سبحان الله ، والحمدلله ، والله اكبر 33 مره والله والله والله مفيده ومجربتها بنفسي

ياهلا بالتاجرة الصغيرة ،والله يقويك يارب خليك معانا على طول وراح تنبسطين إن شاء الله وجزاك الله خير·

مشكورة اختي ثمار المدينه
وحلووووووووة مرررررة المعلومه اللي جبتيها عن الوقت
بس ودي اسأل الحين احنا نحتسب الأجر في اعمالنا
لو فكرت اني انزل يومياتي مو يضيع اجري لأني اقول سويت كذا وكذا
على فكرة ترو يومياتي مثلكم بستثناء ان الغسيل عندي ثلاث مرات بالاسبوع اسهل واخف واروق بدال جلسه وحدة ويوم واحد يمكن لأن غسالتي صغيرة
اذا شريت اوماتيك يمكن اخليه الله يسهل بس واشتري .... لي حول السنه وانا اليوم والا بكره محتارة مدري اش افضل شركه
اللي تعرف تقولي الله يجزاها خير ....