كوبونات الراقية تسجيل الدخول

^إبتسامة أمل^
^إبتسامة أمل^ •
انامل ناعمة
لا يلعب بك الشيطان ويوسوس لك ويزيدك تخويف قولي بصوت علي انا متوكلة على ربي هو اعلم بحالي وماجايني الا اللي مكتوب لي صدقيني راح يطس الوسواس في حالة اهم شي صحتك وصحة النونو لانه على كلامك جالس وصعبه تكون طبعي الولادة الا اذا لف سبحان الله وتعدل بعدين ماتدرين يمكن مع الطلوق يتعدل وصير وضعه طبيعي الله على كل شي قدير انتي بس تفائلي بالخير واحسني الظن برب العباد والله لاخسر لك تعب وتقومين بالسلامة انتي والنونو
-أنامل ناعمه-
-أنامل ناعمه- •
^إبتسامة أمل^ ^إبتسامة أمل^ :
انامل ناعمة لا يلعب بك الشيطان ويوسوس لك ويزيدك تخويف قولي بصوت علي انا متوكلة على ربي هو اعلم بحالي وماجايني الا اللي مكتوب لي صدقيني راح يطس الوسواس في حالة اهم شي صحتك وصحة النونو لانه على كلامك جالس وصعبه تكون طبعي الولادة الا اذا لف سبحان الله وتعدل بعدين ماتدرين يمكن مع الطلوق يتعدل وصير وضعه طبيعي الله على كل شي قدير انتي بس تفائلي بالخير واحسني الظن برب العباد والله لاخسر لك تعب وتقومين بالسلامة انتي والنونو
انامل ناعمة لا يلعب بك الشيطان ويوسوس لك ويزيدك تخويف قولي بصوت علي انا متوكلة على ربي هو اعلم...
صادقه ياقلبي والله معك حق بكل كلمه
كل مره اقول مو انا اول وحده تولد قيصري
اصلا اختي تطلب القيصري من تدخل التاسع
وكل حريم اخواني ولاداتهم قيصري
بس غصب عني
لما اتذكر كيف زاد وزني
وكيف بيكون حجم بطني
وانا من النوع اللي مايبرى لحمي بسرعه
اخاف من الالتصاقات بجدار الرحم
بس يالله محد يدري وين الخيره فيه
بس والله غصب عني مااقدر امنع نفسي من الخوف
شي جديد علي وماخذه عنه فكره مرعبه
مو قادره اتخيل كيف بكون داخل هالدائره لحالي
** ديمي **
** ديمي ** •
اناااااامل // خليها على ربك الله يفرج لك ان شاء الله .. والحمدلله مب انتي اول وحده تجيها هالحاله
ادعي الله ان وضع جنينك يتعدل والله يسهل عليك وعلى كل حامل ..

--------------

بنااااااات حاولوا انكم ماتضيقون صدوركم تراه يأثر على الجنين وتقل حركته لانه يحس بالضيقه << كلام دكتوره
هلاهل
هلاهل •
كيفكم كروشات
أم ليان ولمار
أم ليان ولمار •
الســـــــــــــلام عليــــــــــــــــكم

صباحكم عســـــــــــــــــل

الله يبارك فيكم ويسهل لكم جميعاً وتقومون بالسلامه والله دعيت لكم وقت الولاده..

بكتب لكم قصتي عالسريع..

تذكرون لما قلت لكم يوم الثلاثاء اني احس بدف على تحت وكان معاه مغص خفيف..

نمت الساعه 9 ونص في الليل ورحمه من ربي اني نمت بدري

وعالساعه 2 ونص صحيت على دفه قويه لتحت خفت وطار النوم

وبعدها اختفى كل شيء بس حسيت انها بوادر ولاده

وعالساعه ثلاثه في الليل جات نفس الدفه هنا خفت اكثر..

وبعدها بربع ساعه بدأ الطلق وصار يجي كل ربع ساعه..

قمت توضيت وقرأت ورد الولاده وشربت موية زمزم وأكلت سبع تمرات..

والساعه خمسه الفجر عبيت البانيو مويه دافيه وجلست فيها ربع ساعه..

وتحممت عالسريع وخرجت ولبست وصليت الفجر وصحيت زوجي

ولما شافني قال وجهك مقلوب تحسين بألم قلت ايه

وراح صلى وجاء قالي امشي المستشفى قلت لا مو اللحين

ماابيهم يعذبوني بالكشف اهم شيء انت لاتداوم خلك عندي

عشان اذا شد علي الوجع توديني

المهم ابو الشباب حط راسه عالمخده ونام وانا اتوجع جمبه

حقدت عليه>>من يومك حاقده عليه

رحت وسويت لي حليب بالقرفه واخذت ملعقة عسل

وشميت حلتيته >> ياكرهني لها

ونقعت شويه منها كمان وشطفت فيه من تحت وحرقتني اااااااااح

وغسلتها على طول..

والساعه 8 صحيت ابو الشباب وقلت قوم خلاص الوجع صار كل خمس دقايق وقوي

ووصلنا المستشفى 8 ونص

اول مادخلت اعطوني علبه لتحليل البول واللبس حقهم اللي وجوده زي عدمه..

وركبولي التخطيط وقاسوا الضغط لقوه مرتفع قالت لي النيرس انتي خايفه

قلت ايوه قالت استرخي ضغط كلو فوق

وكشفوا من تحت وانا فرحانه قلت اللحين تقول 6 والا 7 سانتي

وتجني الصدمه قالت 3 سانتي وين الحلتيته والبانيو اللي تنقعت فيه خلاص جاني احباط

وجلست ادعي ربي لان التساهيل من الله

وعالساعه 10 جاني خفقان وصرت مااشوف زين

وقلت للدكتوره وعلى طول ركبولي اكسجين وفتحت المويه

ودخلت يدها جوا وجلست تحوس وانا اصيح وتقولي لازم اسوي لك تحريض عشان تولدين بسرعه

نقص الاكسجين بيأثر عالبيبي وبيتعب لازم نستعجل بالولاده..

ومن بعدها زاد الالم علي وصار يجي كل 3 دقايق

واعطتني ابره مسكن في العضل وليتني ماأخذتها مامنها فايده

جابتلي دوخه عالفاضي..

والساعه 11 وربع حسيت بالدفع وقلتلها وكشفت وقالت خلاص عشره سانتي دفي..

وادف وهي تقص الجلد بدون بنج الله يسامحها

وعالساعه 11 ونص طلعت احلى بنوته في الدنيا ونستني الالم بشوفتها وبصوتها وهي تبكي ياعمري

وخيطتني واعطوني بنتي ارضعها

رضعت شوي بعدين اخذوها الحضانه ووزنها طلع 2 كيلو و820 غرام

واللحين ابيكم تدعون لحبيبتي ان اشاعتها تطلع سليمه لانهم ماخرجوني للحين انا في المستشفى معاها طلبت زوجي يجيب لي الاب توب في المستشفى عشان اكتبلكم قصتي وتدعون لبنتي
لانهم قالوا في حاجه جمب الكلي ولازم يتطمنون ويعرفون ايش هي هم كانوا عارفين من السونار وانا حامل بس ماقالوا لي غير بعد الولاده والاشاعه مافي غير السبت لاني ولدت الاربعاء والخميس والجمعه مافي دوام

الله يطمني على حبيبتي وتطلع معي يوم السبت بالسلامه..