السلام عليكم ورحمة الله وبركاتة
انا ترددت كثر اني اكتب قصتي واليوم حبيت اكتبها وافضفض عن نفسي شوي
انا بنت عمري 26 سنه ..تقدم لي عريس وهو اول واحد يتقدم لي من عائلة كويسة
واول ماجات الشوفة الشرعية وشفتة بسراحة ماااااارتحت لة لأسباب كان اولها انه كان يستخدم عكاز
وخبرونا انة صار له حادث قبل اربع سنوات وقالوا ان الحادث اثر على رجلة ويدة والنطق عندة وكمان قالوا انه حامل لمرض الكبد الوبائي ...واقنعونا انة في طور العلاج وان حالتة كويسة وتسمح لة يتزوج ...المهم راحو وانا استخرت وانا اساساً مو مرتاحة ومو مقتنعة ابداً ..
وشي مهم لازم تعرفونة ((اولاً البيت اللي انا عاايشة فية الحمد لله ع كل حال بيت فقر وابوى ماديتة جداً ضعيفة وابسط الاشياء اللي تتمنها أي بنت ماكنت احصلها وماتوفقت في الجامعة بسبب المادة بحكم اني انتساب فكانت الملازم على واناا محد يعطيني وابوى من وين يعطيني يعني حالتنا صعبة فأول ماجاء هالعريس كان الكل يقولي خذية وماراح يجيكي مثلة وانتي ماراح تاخذي الا مطلق او متزوج او شايب وانتي من ياخذك طالعي شكلك ..الحمد لله الله اللي خلقني وماعندي اعتراض على خلقة الله وعندي مشكلة بسيطة في النطق ..بس لما يجيك مثل هالكلام من اقرب الناس لك ودك تروحي لو مع اقرب واحد وتفتكي من هالعيشة ....وهذا بالفعل اللي صار ....
المهم..عطيناهم رد بالرفض ..
وبعدها جونا ناس يخطبون بس كانو يتشرطون الحمد لله ..اللي يبون مدرسة واللي يبون بيضاء واللي يبون ويبون ووووالخ ..واول مايشوفوني ينسحبون بدون كلام اللهم لك الحمد من قبل ومن بعد...
جلست سنه وتفاجئت انهم رجعو بعد السنه ...ومررة كانو متمسكين فيني ...
واتصلو فينا وجاء ابوه وهو وتكلمو مع الوالد ..واهلى مره ضغطو علية وافقي وافقي انتي مين ياخذك وانتي فيك وفيك احمدي ربك ان هذا جاك ....!
المهم وافقت على مضض وحددو الملكة وقدمو مبلغ من المهر ..
جاء يوم الملكة وكتبنا الكتاب وكملو المهر وهدايا ... وراحو..
المهم بعد اسبوع جاء وجلسنا مع بعض وتكلمنا بعدين قالي اسمعي ترا بقولك شي ماقلناه لكم ..
ترا جاني حادث وانا صغير
((يعني صار حادثين مو حادث واحد))
وشوي وشال الشماغ وشفت راسة وربي يرووووع مفتووووح فتحة كبيرة قد البرتقالة
انا خفت ...وقال انو ابوه السبب مااهتم فية وهو صغير نط من الشباك والسيارة ماشيةبالشارع وطاح ...
المهم ..راح ورحت عند اخوي وقلتلة روح اسئل عنة >>انا عارفة ان السؤال المفروض يكون قبل الملكة لاكن اللي عندي مايفهمون تعبت نفسياً معاهم
الزبدة اخوى وابوى ماسئلو ولا اهتمو ولا كنى بنتهم ولا كانه زواج ولاااااا شي حتى الشيخ اللي كتب كتابنا عرفت بعدين انة مصدوم يقول لخالي ليش وافقتو علية البنت فيها شي وقال خالي ابد مافيها شي ......
لاحظت انو ابداً مايعرف شي اسمه رومانسية وحركات المخطوبين اوقات الملكة ولا رسايل ولا كلام حلو ابد اذا تكلم ومره مره يبي يقول كلام حلو يقولى احبك في الله ..! مدرى اضحك مدرى ابكي ....
المهم قلت ماهي مشكلة انا راح اعلمة وتزين امورنا بس اطلع من هالبيت
كان يجيب كلام غريب وكنت اتحمل عشان ابي اطلع واعيش حياه مثل الخلق وامى دايم تسمعني هالاسطوانة تزوجي روحي فكينا من كلام الناس << وانا وش على من كلام الناس ..!
وبعدين صار الزواج سريع ...طبعاً ماكان فية شهر عسل بحكم انة مايقدر يسوق مسافات طويلة جلسنا في نفس المنطقة واسئأجرنا شقة مؤقتة واول اسبوع كان حلو بالرغم من اكثر وقتة معاي ساكت بس قلت يمكن يستحى
بعد الاسبوع بالضبط بدئت معانتي بدء يتلفظ بكلام مشين ومايعبرني ولاحظت علية اشياء غريبة واشياء ماأقدر اكتبها من فضاعتها...
سراحة ...وطول الايام كذا واذا طلبت منه شي بمكان عام يمد يدة على قدام الناس ..ولسانة متبرى منه وكلام وصخ
ويلعن ...واستمر حالنا هذا يوم يصير وش حليلة وعشرة كانة شيطان مايعرف يقول ولا كلمة حلوة ونفسيتة خايسة ولا ياخذ رائ بشي مهمشني تماماً ماكنى زوجتة كانى اختة بس لما يبى الفراش يصير زين وغيرة شيطااااان
ولا يشوف اغراض للبيت يجي عندي ويتكلم كلام يسم البدن وانتي فيك وفيك وراح يشكي لأمة اني مااسوي له اكل ؟؟ من وين اسوي له البيت خالي واذا قلتلة قال لي قولي لعمك يقصد ابوه يجيب اغراض للبيت ؟؟!
طبعاً هو متقاعد وراتبة 4 الاف والصباح يوصل ركاب والليل يكمل دراستة ليلي ...
يعني اغلب الوقت اجلس لحالي ..
امه صارت تزن ع راسى انتي ماعرفتي تتعاملى معاه وانتي وانتي ! سبحاااان الله صار الغلط على انا ؟؟!!
وولدها اغلب الوقت برا البيت يجي بس ينام وان طلبتة شي او اغراض او اكل تبدء لسانة ترمى السم والكلام اللي مايرضى الله ولا رسولة.. واذا ناقشتة يعصب ويتكلم عليه ويفقل على الباب واجلس ربع ساعة اترجاه يفتح اروح المطبخ يقفل على الباب وعلى هالحال !!
ولا يعرف ان الحرمة تجيها دورة لما تكون على يقوم يضربني يقول قومي صلى اقولة ماعندى صلاة يقوم يعصب ويلعن مررره مايعرف شي من هالامور تعبت معااااه...
المهم يوم من الايام صحيت من النوم تعبانة ونفسيتي تعبانة وجاء عندي معصب سوى فطور والبيت اساساً خالى قلتلة مافية فطور روح جيب اغرض ..قال والله مااجيب وقومي سوى فطور يا ....
من وين اسوي ؟؟
رحت المطبخ طلعت اللي بالثلاجة من العشاء مسوية كوسة سخنتها له وحطيت جبنة وزيتون وشاي وطلعتة له وافطر بعدها بساعة نادني الغرفة وصار اللي صار بدون نفس ومعامله خشنة ويضرب وقت العلاقة وبعد العلاقة مايغتسل من الجنابة ! ..رحت خذيت حمام وجاني يسوي فيها يمزح ويدفني ويضرب ويضحك زي المجنون انا خلااااص دمي فاار وطلع وقفل على الباب وجلست ادق الباب اقولة افتح بصلى وهو بس يضحك ؟!
وبعدها فتح الباب ورحت الغرفة قام قفل الباب وطفى الكهرباء وجلست اقولة شغل النور وافتح الباب خايفة يسكر الباب ويروح عادي عندة يسويها ..
المهم اتصلت على امه وقلتلها قالت عطيني فلان عطيتة الجوال ...
بعدها هو طلع معصب وانا كلمت امى ماعاد تحملت امي وابوي جو عندى ورحت معاهم بعدها...
لما رحت بيت اهلى كلمنى وقالي كلام حلو وقالي ارجعي ..
وهذ مو اول مرة يسوي هالطريقة كذا مرة يسويها وبعدها يقلب شيطان ..
انا رفضت قال اذا مارجعتي انتي طالق ...
جلست اسبوع وارسل رسالة فيها كلام حلو واخرها اذا مارجعتي انتى طالق !
وكل رسايلة اللي بعدها كذا انت طالق وانتي طالق ...طلقني اكثر من خمس مرات
حاولو الاهل من الجهتين يصلحون بس مااااااااااااااااش وضعة ابداً ماينفع احد يعيش معاه
انا اللي عشت معاه 6 شهور وربى محد يتحملة ابداً ابداً وكثر خير صبرت 6 شهور لو حدة غيرى كان من اول اسبوع وهي عند اهلها ..
لاكن انا كنت اهرب من وضع اهلى طحت في وضع اردى واردى الحمد لله على كل حال ...
الحين لى تقريباً سنة ونفس الوضع ماتغير شي لا اهلى اللي خلصوني منه ولا هو اللي جاب الورقة وش اسوى بحظي ....
الحين وش اسوي كيف اخلص نفسي منه ...لااهل ينشد فيهم الظهر ولا احد يواسيني ....لو عندي فلوس كان رجعت له المهر وخلعتة بس من وين وابوي اساساً اخذ نص مهري قايلتلكم عايشة بفقرررر الحمد لله على كل حال
مالى الا انت ياربي ...
غموض الزمان @ghmod_alzman
عضوة جديدة
يلزم عليك تسجيل الدخول أولًا لكتابة تعليق.
الله يساعدك يارب ويكون بعونك ربي معك بأذن الله ادعى وارفعى امرك لربك وربك يحلها الله وياك...
الصفحة الأخيرة
مالك الا الخلع اخلعيه
والله يرزقك باحسن منه