معليش اختي هدي اعصابك و لا تتمشكلين معاه ..
اذا رجع كلميه بهداوة و حبابه و خلي الشد عنك .

نصيحتي لاتروحين

روحي بكرة لموعدك وهدي الامور لاتكبرينها مدام تراجع بكلامه تعوذي من الشيطان


وربي يهديه لك ويسخر لك قلبه

بتسمعين كلام وحده تحبك وتبي لك انك تعيشين بسعاده في بيتك ومرتاحه مع زوجك !!
لما تكون تبين ترضين زوجك وتجلسين في بيتك مع ولدك يعني ماعندك كرامه !!

اللحين احنا نصحناك وقلنا لك لاتناقشينه ابدا لو جاء لان بيكون بحاله عصبيه
يا اختي اساليني لما الزوج يعصب من زوجته خلاص تقوم الشياطين كلهههههههها
ويصير الشيطان اللي فرق بينكم من اقرب الشياطين للراس المدبر الشيطان الكبير ..

لتفريق بين الزوجين من أعظم ما يفرح به أبليس عند بعثه سراياه كما أخبر به النبى صلى الله عليه وسلم فى الحديث الذى رواه الإِمام مسلم قال: «إِنَّ الشَّيْطَانَ يَضَعُ عَرْشَهُ عَلَى المَاءِ ثُمَّ يَبْعَثُ سَرَايَاهُ فِي النَّاسِ فَأَقْرَبُهُمْ عِنْدَهُ مَنْزِلَةً أَعْظَمُهُمْ عِنْدَهُ فِتْنَةً، يَجِيءُ أَحَدَهُمْ فَيَقُولُ مَا زِلْتُ بِفُلاَنٍ حَتَّى تَرَكْتُهُ وَهُوَ يَقُولُ كَذَا وَكَذَا. فَيَقُولَ إِبْلِيسُ لاَ وَاللَّهِ مَا صَنَعْتُ شَيْئاً. وَيَجِيءُ أَحَدُهُمْ فَيَقُولُ مَا تَرَكْتُهُ حَتَّى فَرَّقْتُ بَـيْنَهُ وَبَـيْنَ أَهْلِهِ. قَالَ فَيُقَرِّبُهُ وَيُدْنِيهِ (ويلتزمه) وَيَقُولُ نِعَمَ أَنْتَ»


يا اختي تكفين اسمعيني اللحين قال لك ..
روحي شهرين ثلاثه شهور هذا معناته انه مال منك ومن مشاكلك والسوالف والهذره ..
اسكتي اسكتي ترى والله لو ما الحرمه تسكت وتعدي وتسلك لزوجها كان كل وحده في بيت
اهلها مطلقه ..

بكره الصباح سوي له الفطور قبل الدوام وحطيه له عالطاوله ولاتقابلينه ..
الغداء سوي له احلى غدا ولاتجلسين معه ابدا خلي ولده معه ..
العشا كذلك ..
خليه يومين ثلاثه اسبوع عشره قومي بكل واجباتك بس تحاشيةةةةةةةةةةةة ..
خليه يحس ولا كانك موجوده بالبيت بس من غير ماينقصه شي !!
بيحس صدقيني لما تكلم منك تكلمي بهدوء قولي انا راحتي في بيتي صح اهلي
يبوني وامنيتهم اني اجيهم بس ماقدر على فراقك وفراق بيتي .. ولاودي اضيق صدر اهلي
بمشاكلي ..
وخلني بعد ثلاث شهورانا رايحه رايحه لنفاسي وانت ساعتها بترتاح شوي ..
الوحده المفروض تغير من اسلوبها وتشوف الشي اللي يحبه زوجها ويريحه
ويبعد عنهم المشاكل والصراخ و و و
وحرام ولدك لايعيش بنفسيه دمار بسبب المشاكل بينكم ..

رحتي لاهلك بالنفاس بكيفك ساعتها بتشوفين هل تغير وراغب برجعتك !!
خلي يوعدك وعد انه ماعاد يطردك من بيتك وان هو المفروض اللي يطلع
مو انتي البيت لعيالك وبيتك ..

موعدك بالمستشفى ارسليه مسج من بدري اكتبي ::
الله يعافيك موعدي بالمستشفى الساعه كذا وكذا اذا ماعليك كلافه
ابيك توديني له ي الغالي ..
وصدقيني بيوديك :) ..


الله يسهل امرك ويريح بالك وطمنيني عليك ..

الله يسعدكم جميعاً ..
أم العنآء ..

الله يسعدك ع النصايح انا ماابي اطلع من بيتي
حتي نفاسي راح يكون في بيتي
بس والله يااختي كلمتة وربي احرقتني وزي الجمرة بقلبي
وهو والله ماهمة وهو من النوع اللي مايعتذر يعتبرها اهانة له او ضعف مدري شسميية
كلمتة لما يقول انا حاجزلك وراح تطلعين بالطيب والا والله لااطلعك وقدام اختك بالقوه وقد اعذر من انذر !!!؟؟؟
بالله فية وحدة بتتحمل هالكلام ؟؟؟؟
والله ماابي مشاكل ولا ابي اغث احد بمشاكلي واهلي مو ناقصين ابوي تعبان عندة القلب وامى مو ناقصة وجع راس
الله يفرجها من عندة .....................

الله يفرج همك