كلارا
تسلمي خجلتيني والله تعي شوفيني احمريت :biggrinloبتعرفي مين اللي بيحمر !!؟؟
وبالنسبة للسباحة الله يعين هو كلو وماتدخل المدرسة باللباس بسيطة رفيقتي بنتها صف تالت تصوري معملة السباحة بدها لما تعمل دوش تكون بدون شي على الخالص قال شو مشان النظافة لازم الجسم كلو يصلوا مي تفاهة والله
الله يحفظ هالبنات وانت جربي لبسيها شورط تبع السباحة تحت المايو او فوقه وفي منو تنورة اذا بتعرفي حدا رايح على مصر يجبلك منو عندهن شي اسمه مايو شرعي !!!!
والله قلبي ملهوف على بنت بس شكللكن بدكن تغيروا رأيي !!!!


نور
ماشاء الله عليكن حلوة هيك جمعات تتهنوا ان شاء الله

ام نور
مابعرفك دكتاتورية ههههههههه
ماشاء الله عليك هيك الامهات ولا بلاش نو يعني نو
الله يحميلك اياهان

بس رح اقلك فكرة لا تعصبي علي
مابعرف لو صرت بموقفك يمكن كان اشتريتلها واحد تلبسوا بالبيت شوي بتكون مشتهية وبعدين بتنسى
او لو عندك مجال لمسبح تبع البيت ممكن تلبسوا لما تسبح فيه
انا حاطة واحد على البرندا وبشلحن بالمايو الصبياني طبعا هههه وبلعبوا وياويلهن لو يشلحوا برا هيك لاتخافي كمان انا دكتاتورية لكن سورية على الفاضي:wink2:

اهلا وسهلا فيكي
ماتخافي لافي مضايقات ولاشي وفي كتير منقبات عادي صار معروف
احلى شي ممكن تاخديه ياستي طاقية ولا شال فرو شتوي مشان لما ترجعي على السعودية تتذكري البرد اللي عنا
:lookaroun
في كتير شغلات حلوة ان شاء الله تكون سفرة ميسرة وتنبسطي

صباح الخير

جدّات الثوّار

أحلى نهفات سمعتهن عن تيتات كتير مهضومات

الأولى بدرعا .. شافت الجندي عم يبرم كوع بالدبابة وعم يخبط بالبيوت عن جنب وطرف وهي قاعدة عم تتفرج باندهاش ... وبعد ما نزل الجندي قالتو .. طيب يا خالتي ما بتعرف تسوق .. ليش عم تسوق دبابة!!

التانية بدير الزور ... حطو حاجز جنب بيتها .. طلعت لعند الجنود وأخدتلهن معاها غدا غير شكل وابريق مي وابريق عيران .. وبعد شوي جابتلهن التحلاية .. وبعدها الفواكه المشكلة .. وبعدها العصير والشاي
وآخر شي وبعد ما شكروها قالتلهن ... وهلأ يا خالتي .. ما بدكن تنشقو؟؟؟!!

الثالثة بدرعا فات الامن ع الجدة وقالوا وين ابنك يا خالتي نحنا صحابه قالت والله مابعرف وينه بس معي رقم جواله طلعت رقم جواله من جزدان بصدرها وقالولها خدي احكي معه خليه يجي مشان نسلم عليه حكت معه وقالتلو يما ياعلي الامن عندي بالبيت عم دور عليك بوجهك ع حلب يما...

الرابعة بحمص وقفوها قناة الدنيا سألوها : شو يا حجة ****لله ما اتضررتي . قالت لا والله البيت انسرق .. قالوا : مين ؟ ، قالت : العصابات الإرهابية المسلحة ، فرحوا كتير بالجواب وسألوها : لوين رايحة هلق يا حجة ؟ قالت رايحة جيب دهان .. ، ليش ؟ ، قالت : يخرب بيتهن هالعصابات مو تاركين محل بالبيت إلى وكاتبين عليه .. الأسد أو لا أحد !

ما احلاهن امهات الابطال

ربي يخلي هالجدات ويطول في عمرهن ويحرر سوريا يارب ويعيش اهله بسلام