السلام عليكم اخواتي جميعا
اهلا وسهلا بيهايند وينك كل هالغيبه ان شاء الله بتكوني افضل
بيهايند استعيني حبيبتي بالقرآن هو افضل علاج من الاكتئاب ( الا بذكر الله تطمئن القلوب) افضل من الادويه انا عني نفسي ما بنصح فيها
بالنسبه لصاحبتك اغلب البنات جاوبو لكن انت بدك انو فيما لو تزوجها قريبها هون لهيك اذا بدو يجي وبتزوجها بشكل رسمي وعند الالمان لازم تحصل على الطلاق الاول اعتقد انو ما بمشي انها تحصل على الطلاق في بلادها بما انها مقيمه هون حتى لو تم الطلاق في بلدها لازم هون توخد الاجراءات وقتها
وفيما لو حصل الطلاق وبدها تجيبو لازم تعملو لم شمل وهاي الها اجراءات بتوخد بين شهرين لأربع شهور وهاد بعتمد طبعا على امتحان اللغه اذا اجتازو زوجها من اول مره
ممكن لو تزوجت افضل يجي بفيزا ويعمل لجوء يتزوجو اسلامي وبعدها تتزوجو عند الالمان وهيك بوفر فحص اللغه لأنو كثير ما بنجحو فيه
لكن مثل ما ذكرو الاخوات بيهايند اذا فيكي تنصحيها انها تصبر عليه وتحاول تحل الخلافات افضل بكون لأنه بينهم اولاد ولأنها امهم بدها تصبر عشانهم لأنهم فعلا حرام بضيعو والله يختار الها الافضل يارب

الاخوات الغاليات جميعا ام نور جيزانو نور سمايل وسلوى وفرقان
والغاليات الي زمان ما بينو مون وبلو وكلارا وربوش والام الحنون ويافاويه ودموع يارب الكل بخير ويجيو يطمنونا عليهم
واعذروني اذا نسيت حدا ما باقي للسفر وراسي في الف شغله وشغله المشكله الي شهرين بسألهم بتوصو على شي بدكم شي وهم لا ما بدنا الا سلامتكم ونشوفكم وهلا على اخر ايام اتذكرو انهم بدهم شي مع اني انهيت السوق بس لازم اروح بكرا اجيب الي وصوني عليه عشان بعدها ابدا اوضب الشنط لأنه اذا الله راد يوم الجمعه ان شاء الله السفر
دعواتكم

اختي سمايل مون ربي يهدي البال ببلدك العزيز اليمن وان شاء الله تنبسطي بالرحله بين الاهل
امل وطن اسمك بيذكرني بابن خالتي سما ابنو وطن
ماقصرتي بارك الله فيكي والهدايا ما بتخلص ابدا
بس انتبهي للوزن انا سمعت انو كل شركات السفر حطو قانون انو ممنوع اكتر من 23 كيلو للشخص والحكي لكل اللي بدهم يسافروا اسالو بالموضوع قبل ما تتورطو
تروحي وترجعي بالف سلامه وسلميلنا عالبرد بالاردن خخخخخخخ سمعنا عم تتلج هناك بس شوببببببببب

الله يحفظلك ابن خالتك وابنو يارب
يا ام نور هو في بعدو الوطن الله يرجعنا لأوطانا يارب
عن الشنط صح يا ام نور مسموح بس 23 كيلو بس وقت شرينا التذاكر كانت اللوفتهانزا عامله عرض لكل واحد مسموحله 2 شنطه 23 كيلو وهاندباج 8 كيلو المجموع 54 كيلو والله يعينا في نقلهم لفرانكفورت لأنو تذاكرنا اخدناهم مع القطار من كولن
هههههه وعن ثلج الاردن الله يعين والله سمعت خصوصا جاي رمضان الله بعين

السلام عليكم
يابنات اليوم ودعت اعز اصدقائي تركت المانيا ورجعت لبلدها
وكل شوي ببكي ماني متخيلة المانيا بدونها كنا صحبة كتير وولادها بعمر ولادي ومشاورينا مع بعض وطلعاتنا وروحاتنا ضلينا نرن لبعض لحتى سكرت مبايلها بالطيارة وانا رايحة جاية على الشباك المطار قريب علي واطلع على السما حسيت قلبي راح معها
يااااارب تعينا على غربتنا وتاجرنا وتعوضنا خير
والله قلبي داب اشتقت لاهلي ومافي سفر
ادعولي اتغلب على هالفترة والله بكتبلكن وعيوني مانشفت
سلامي للكل
اسفة بس حبيت افضفض

امل ووطن ..الله يعينك على التجهييز وان شااء الله تروحي و ترجعي بالسلامه
ام نوور تسلمين على الدعووه الحلووه .. الله يسعدك ياارب
الفرقاان .. الغربه فعلا صعبه ..بس الواحد لازم يشووف الشي الايجاابي فيها.. مثل الامن و الامان..اذا كانت دولتك تعاني من مشاكل امنيه.وتقدري تتكلمي مع اهلك صوت وصوره عبر الماسنجر الحمدلله النت بيقرب البعيد و نفس الشي مع صااحبتك خليكي متوواصله معاها عبر النت و وسائل الاتصال...و ان شااء بتتعرفي على واحده ثاانيه و تنسمجي معااها ...االان ركزي على االاشياء الايجاابيه في حيااتك و احمدي الله عليها لان تذكر نعم الله علينا تجعلنا نحس بالرضا .الله يهوون عليكي يا رب