ام اطفالي انا للاسف من اوكلاند واظن الاغلب هنا اوكلاند 

سلام عليكم
لااله الا الله
كيفك حالكم يابنات والله اني احس محيوسه ونفسيا اكثر من وضعي الآن عند اهلي
زوجي راح لنيوزلندا على اساس دوره ستة اشهر او تسعه ويرجع ومايسوى الشحططه والنقل
ويوم رااااح تغير الوضع وقدم على بعثه :44:يدرس سنه انجليزي
وبضمنا عنده
عندي كم سؤال لنيوزلنديات
وقت الحر حر ولا ربيعي بالنسبه لنا تعرفون جونا واطفالنا
والبرد وتقلبات الجو
وش طريقته بالنسبه لشقق المفروشه يأجرون على حسب عدد العايله
او لا
وش تنصحوني فيه
وهل صدق مااخذ معي ولاشي ابي آخذ معي مره او حلتيته لشمم خخخ اقصد الاشياء هذي لدوره وان كتب الله وحملت مثلا وش رايكم بالنسبه للحمل والولاده هناك وكيف مشت اموركم
والبنهايه وش تنصحوني فيه
ممكن اجي مع اخوي ان شالله بس المشكله تبعد22ساعه بالطياره وصعبه على الاطفال افكر اقسمها6ساعات ثم ارتاح يومين او ثلاثه ثم ست ساعات اخرى وش رايكم
عندي بنتين الكبيره ثلاث سنوات والصغيره سنه ونص

السلام عليكم
وش اهم شي اجيبه معي من السعوديه
غير المصحف واللاب توب والجوال والشاحن حق الجوال
والأمور الشخصيه
اقدر اجيب شوية تمر معي ؟؟
عندكم اللحين برررررد صح
يكفيني بالطو واحد
لازم جكيت او بلوفر معاه
اممم
عندي بنتين صغار اجيب لهن بالطوات كل وحده واحد
وبعد
كل شي ممكن احتاجه علموني
تفكون
اول مره اطلع برا السعوديه واتغرب

ممتى ممكن يدفا الجو
كم باقي ’’’

ايه نسيت بالنسبه للحجاب من خلال حياتكن وخبرتكن
ماهو الحجاب العملي وممكن صور
وكيف القماش
عشان فصل الصيف

بنوته حلوه اهلين فيك بجاوب اسئلتك الي اعرفه واقدر عليه واي شي تبينه ارسلي لي على الخاص لاني ما افتح المنتدى دايم عموما ابي اعرف اي بلد انتي عشان نعلمك على الجو و الوضع
اول سؤال الجو بارد بس بالبيوت دفا يحتاج تجيبين بالطوات لك ولعيالك و الجكيتات المتفخه ههههه ماعرفت شلون اسميها زينه عشان المطر وهي الي تدفي و يبيعون هنا واجد لاتكثرين 
الشقق انتي حره تختارين الشقه الي تبينها والحجم الي يناسبك بما ان معك طفلتين تكفيك غرفتين نوم تقريبا. واذا بتجين اوكلاند بدور لك بعمارتي ههههه
المره انا جبت معي وما خذوها بس لازم تغلفين حراري ويكون فيه تاريخ سويه عند اي مكتبه خدمة طالب يطبعون لك تاريخ انتهاء وتاريخ انتاج انتي حطيه من مخك

بالنسبه للرحله متعبه وطويله انا برضو مدري من اي بلد بتجين بس لو الرياض مثلا حلو تمسكينها من الرياض الى سنغافوره وانصحك بالخطوط السنغفوريه مريحه للي معهم اطفال و اطلبي لما تحجزين كراسي لبناتك اريح لك وانتبهي من هالنقطه انا طلبت كرسي ولما ركبنا الطياره اكتشتف ان المكتب ما حط لبنتي كرسي. المهم وقفي بسنغافوره ونامي بفندق المطار 12 ساعه وبعدها واصلي لاوكلند بدون توقف باستراليا لان اريح لك بكثيرررررر
جيبي تمر عادي مغلف حراري الافضل اخلاص من مصنع او زي محل التويجري
جيبي ادويه لعيالك هنا ما. فيه الا بندول اطفال والثاني البرتقالي نسيت اسمه انتي جيبي فيفادول و تحاميل الحراره و جيبي دواء كحه و دواء. زكام وكثري شوي و زيدي لي معك هههههه تورطت ما جبت الا على حبه ومع تغير الجو خلصو من كثر مامرضت بنتي
الحجاب عادي مافيه مشكله وفيه متلثمات زاجد بعد وعبايات ملونه والا بالطو كل واحد براحته
شكلي حجابات فيه نوع كويتي يجي قطن كويس يمسك
كل شي متوفر بدون مبالغه بس لو تحبين جيبي قهوه وهيل مع ان فيه بس يمكن الي بتجيبينه افضل شوي و لا تطحنينهم جيبي لسمون اسود مطحون الي يجي بالبقاله بعلب مصانع
جزم لعيالك انصحك جيبي الالوان الاساسيه هنا جزم الاطفال شوووي متعبه مو مره حلوه يعني فيه بس بالحظ لاتكثرين اغراض كل شي فييييه وياليت بتجين اوكلاند عشان اساعدك اكثر لو بغيتي
وبسسسس ً:)