السلام عليكم ..

بنات ما أقدر أدخل بيوزري وتسلفت يوزر زميلتي عذبة ,,

أبي أسألكم عن مجلور شفته قريب من الدوتا .. وش يفرق عن الدوتا في البضاعة أو السعر ؟؟

الله يرضى عليكم ردوا علي في أقرب فرصة .. أنتظركم .

بنات حبايبي ... ابي منكم مسااعده ضروريه .. انا ساكنه بالرياض .. وزواجي ان شاء الله بشهر 1 .. وبعد الزواج بشهر
باذن الله راح اطلع انا وزوجي للدراسه بنيوزلندا .. وانا اللحين لازم اجهز وابيكم تساعدوني بالاشياء الضروريه اللي اخذها معي بالسفر .. بليز بنات احكولي عن الجو هناك .. يعني ايش الملابس اللي اكثر منها .. وخاصه داخل البيت بررد مرره والا عادي
والعبايه .. ايش رايكم ايش اللون اللي تنصحوني فيه والقمااش .. واذا عندكم صور او موديل ياليت تفيدوني .. ايوه واي وحده منكم انصدمت بشيء او واجهت صعوبات هناك . ياليت تحكيلي اياها .. ورااح اكون ممنووونه لكم كثيير

ياقلبي كأنك تتكلمي عنى ..
الى استفدتو من البنات ان الجو مررررة برد بالصيف والشتاء
وانت اطلعي ع الملف بالصفحات الماضية والصفحه 1 فيها كل التفاصيل من عبايات وحجاب
والله يكون بعوني وعونك ويصبرنا ع الغربة ومفارق الاهل

واتنمي اكون افدتك بشي :)

يعطيك العافيه حبيبتي .. انا اطلعت على الصفحات ومشاء الله مبدعين البنات وفيها اشياء مفيده
بس انا حبيت استفيد اكثر من خبرات بعض البنات .. من جميع النواحي هناك ومن تجاربهم
وتسلمين ياعمري ع الدعوه الحلوه ربي يستجيب منك اامين .. ويوفقنا واياك يارب ..

هلا والله ياسكر زياده رح تنورين نيوزيلاندا بانسبه للعبايات جيبي عبايات ملونه مثل بني والالوان الترابيه وجيبي حجابات ملونه مع انها صارت منتشره هنا كثير وفيه هنا البنات يجيبون معاهم لثمات تكون نفس العبايه يعني يفصلونها وكمان عادي تلبسين عبايه سودا عاديه انا عني ماجبت ملون ومره مرتاحه اهم شي الحجاب يكون غير وعلى فكره نيوزيلندا صارت مليانه سعوديين واحس صارت العبايه شي عادي اتعود عليه الناس ماصارو يستغربون وايش كمان ايوه اذا كنتي تحبين القهوه جيبي معك هو فيه هنا بس مافي احلا من قهوتنا وجيبي دكشنري مره ضروري طبعا وبنسبه للبرد هو عكس السعوديه يعني في شهر واحد يكون حر وبردها شوي قوي بس اوكلند مافيها ثلوج يعني عادي تتعودين اما داخل البيت تلبسين في البرد زي ماتلبسين في الرياض مع التدفئه طبعا يمكن هنا ابرد شوي وجيبي واقي شمس عشان في الصيف شمسهم الله لايوريك حريقه وبس كل شي موجود اهم شي العبايات جيبي كثير