انا بخير ياللومه

اهم شي لا تقطعينا

صباح الخير

صباح الخير بنات

السلام عليكم , اتمنى انه الكل يكون بخير
سامحوني اطلت عليكم وخاصه للي اهتموا بالموضوع . بس عبين ما رتبت افكاري
ومع هيك محتاره من وين بدي ابدا .
تعرفت على وحده المانيه مسلمه وبطبعي حبيت انه اعاملها بشكل منيح لتاخد فكره جيده عن الاسلام وخاصه عندها زميله ارتدت وفيه بعض العرب اللي حوليها مو منيحين ابدااا
لكن حسيت انه هالمعرفه صارت شوي شوي عبء علي مع انه فترتها قصيره واكتشفت كذبها على بعدة اشياء وانا هذا اللي بموت منه. في البدايه ما صارحتها باني اكتشفت كذبها لكن لما تكرر الامر لمحتلهااني اكتشفت كذبها
وبدأت تعتذر
هذا امر .الامر التاني كل فتره بتاخد مني فلوس ومبلغ مو صغير مع انه معها مصاري والله فاتح على زوجها ومع ذلك بتدين مبالغ كبيره( مشكلتها صريفه كتير وكل شى بتستحليه لازم تشتريه لو دين ) وصرت اخجل كل مره اقول لزوجي اعطيني ادين صاحبتي
المشكله التالته انه عندها بيبي وبيمرض كتير طبعا لو نحن كنا ما طلعنا من البيت لكن هي كل يوم بره بيتها لو ثلج والبيبي عمره اشهر فطبعا صار رايح جاي عالمشفىومو هون المشكله المشكله عنها ولدين غيره وانا قلت حرام خلي اولادك عندي فطبعا صارت تحطهم وتروح حتى تلفون ما ترن تتطمن عليهم .امها وابوها عايشيين في الريف وصعب تحط الاولاد عندهم وبعد بيوم شفت الجده وقالتي انها ساكنه في منطقه قريبه من بيت بنتها بس هي راسها بيوجعا من الاولاد ومو مضطره تحطهم عندها
طبعا انا اولادي في المدرسه تاثرواتراجعوا لانو بطل عندي وقت ادرسهم والبيت صار مورستان وماعدا بكي الليل والنهار وعلى كلمه بدي اروح عند ماما
خلصت الازمه التانيه والتالته وبالاخر صار بدها تترك الرضيع عندي طبعا رفضت لانه من غير شي بيمرض ومسؤليه كبيره علي
وهلأا يا جماعه كل يوم بيرن التلفون وكل يوم بتطلب طلب ولا بتيأس وصرت احيانا اقول ماشى واحيانا ارفض لانه الطلب بيكون فوق طاقتي ومستحيل اعمله
شو رايكن افيدوني انا كنت لطيفه معها وحبيت تاخد فكره عن الاسلام وبدي اوقف هالمهزله بدون ما ينتهي الامر بزعل
اكيد كل وحده من خلال تجاربها بالغربه عدا عليها اعطوني نصائحكم اذا سمحتم واتمنى انه انه توضعوا انفسكم مكاني
واعدكم اني ساتقبل نصائحكم بصدر رحب

السلام عليكم يا حلوين فردا فردا وبدون ذكر اسماء مشان ماحد يزعل علي
الام الحنونه يعطيكي الف عافيه حاسه فيكي والله بس فتره وتعدي بعدها رح ترتاحي

الالام العراقيه تنور بيكوم فيكي وبكل الزوار
بالنسبه للبيت لازم تحكي لصاحب البيت يعملك اياه ويصلحوه
ماتجيبي شي وتحطيه فيه قبل ماتزبطي الخلل
تتهنوا ان شاء الله

عزيزتي كلارا
كيفككككككككك
الله يكون بعونك
حبيبتي مو يعني انها دخلت الاسلام انها رح تكون فاضله
اعرف وحده اسلمت وتحجبت ولكن تصرفاتها سيئه لدرجة انو البيت اللي كانت تدخلو الا ماتسرق منو شي
واخر شي كملتها وارتدت
اكيد عامليها بالمنيح ولكن على طريقة الالمان
لانو الالمان تعاملهم متل اخلاق المسلمين الحقيقيه ماعندهم غش وخداع
لكن هاي بين عليها انها اخلاقها بدها تزبيط خخخخخ
وطريقتها باستغلالك مبين انو انها مو منيحه حتى لو انها اسلمت
وانت اكيد عاملتيها بالحسنى بما فيها الكفايه بس لازم تحطيلها حد
احكيلها بصراحه وبدون زعل
انو انك بتحبيها واحترمتيها اكثر انها صارت مسلمه
وانك على استعداد لمساعدتها في كل شي ولكن بحدود
وانك انت كمان عندك ولاد وبدك تهتمي فيهم وما عندك وقت لولادها
طيب هي لما تتدين منك ترجعلك والا لا
اذا لا خلص شتوب على قولة الالمان احكيلها انو زوجك بعيد الشر يمر في ضائقه ماليه
او انكم تعملو مشروع ومحتاجين للفلوس او اي حجه يتلاقيها مناسبه
او لما تكوني قاعده معها شي نهار بلشي اتشكوني انو الراتب ماعد يكفي بلكي زائت على نفسها هههههههه وفهمت

واتمنى البنات التانيين يفيدوكي او من مرت بنفس تجربتك تحكيلك
وضلك طمنينا عنك
الله يكون بعونك
طمنينا على اهلك يا كلارا ان شاء الله امورهم منيحه