صباح الخير بنات وجمعه خير على الجميع
شو وين مختفيين وليش هيك المنتدى صار باااارد وممل والله من قبل كان قلوبكن على بعض اكتر
والقديمات وينهن بلو سكاي وموني وامل الوطن وحتى ام نور وجيزانيه كنتوا تدخلوا اكتر
الظاهر رح ارجع اختفي مع المختفيات


بس قبل هيك بدي استشيركن بنات اذا حدا حاطط حجاب لبنته في الغربه او بيعرف ايمتا ممكن تبداو فيه
والله انه اننا بنعرف الله وبنعرف الدين كتير كويس من بلادنا وقبل ما نجي على المانيا وفيه ناس تدينو على كبر والان بيتشدقوا بالدين والمشكله انه بيطفشوا حتى الدينين في اسلوبهم الركيك والمفضوح جدا
ومااابدي احكي اكتر من هيك

أهلين وأهلين كيف حبيباتي وأولادهم الحلوين إن شاء الله الكل عمل الواجب بغيابي والكل شطورين هههه
إشتقت لكم بس آه منه الشغل اللي مايخلص بس الصراحه كل ماأخلص شي وبيطلع حلو بيروح التعب وأكيد بيت أكبر يعني وقت أطول للتنظيف
نبدأ بسم الله ألومة أكيد المأجر له حق يزورك لو كان شاكك إنكم ساكنين أكثر من اللي في العقد والله أعلم لكن لو كانوا ضيوفك كثار وبيناموا عندك كمان ماله دخل أبد أبد لأنه بيتك المهم في صندوق البريد مو مكتوب إسمهم الغسيل لو كنتي تنشري في الكيلر وهالكيلر لكل سكان العمارة فمن حقهم إنك بس تعملي معاهم جدول يعني ماتملي المكان دايما لازم هما كمان يكون لهم مكان وين ينشرون أما لو كنتي تغسلي وتنشري في بلكونتك ولو كل ساعتين مالحد دخل بس في الكيلر لا إسألي وإعملوا جدول يعني لك ساكن يوم بالأسبوع أو كده أنا كنت عامله كده مع جاراتي واللي ماعندها غسيل تمرر ايوم للي ودها مثلا لما يكون عندي غسيل زيادة بسأل هل باد يوم وحدة وهكدا
الفينترجارتن شوفي دايما لازم تهويها ضرووووووري عشان تكتل الماء يروح وإشتري هايتسونج لو مافيه بالمكان دفاية عشان كل ماتجلسوا فيها تفتحيه لأنكم لما تجلسوا ونفسكم راح يسوي مصايب في تكتل الماء ودايما وأهم شي تفحي الشبابيك وفي الليل ياريت لو تخليها مفتوح بس مو كله بس كده مايل أول شي شوفي هالطريقه ولو وقف الماء إفرشيها لو لا خلاص بلاها وأنا متأكدة بينفع معك
على فكرة البامبرز لو كنتي بترميها في الزبالة المخصصه له ولو تكوني كل يوم بتخصي كرتون مالهم دخل فيكي إنتي بس تكوني على النظام والكمية مالهم دخل فيها ولا تهتزي قدام المأجر لو شافك كده بيلعب عليكي العشرة
كلارا شوفي حبيبتي <<حسيت من قصتك قلبك طيب كثييييييير
نصيحتي عامليها معاملة ألمانيه مسلمه بقولك كيف وبحكيكي من تجربة لو عاملتيها مثلنا العرب إحنا كيف ماكان بتلاقي شوية دم بس هما لا لو كانوا فلتانين يبقى خلاص الست داخله شي جديد عليها إسلام و معاملة مع العرب فإنتي لما عاملتيها كده فكرت إنه شي عادي لأنها ممكن تقولي أمية في معاملة العرب فلازم تبيني لها إنه كيف معاملتنا بس كمان حدودنا ومن المعاملة الألمانيه كمان لأني بحس الألمان ماعندهم حكاية بشيل لها هادي جميلة فوق راسي وهيك ولو عملت لي معروف برده لها معروف هما يمكن ضد المثل إن كان حبيبك عسل هما لا بيلحسوه كله وعادي ماهو اللي قدم نفسه وماإشتكى فبقولك لو ماعجبك شي عادي صارحيها قولي كده وكده ممكن تزعل أو حتى تروح بس إنتي مع نفسك ماراح تندمي لأنك ماأخطأتي ماراح تحملي نفسك فوق طاقتها أطفالك وبيتك أهم
ياربي حكيت كثير بس المصيبة لو ماكان الكلام نافع خخخخخ بس يالله بينحسب رد ههههه

وه جيزون أنا جيت وإنتي مالك مزاج تهيء تهيء

بنات ودي أسألم بنتي جمانة كان جاتها حرارة بعدين صار لها حبوب حولين الفم ثم حبوب في منطقة البامبرز وكبيرة جدا والحين بدأت تتوزع على الجسم بس بنتي عادية تلعب تاكل كل شي عادي وهي فايت جايتها الشوكي أو العنقز هدا اللي يكون حبوبه مليانين ماء هدا جاها بس هالحبوب كمان كبيره ومليانه مثل الأصفر أو بس أحمر ياريت اللي تعرف تفيدني لأني جديده هنا ولازم أدور طبيب فقلت تفيدوني على ماأروح طبيب

´

تئبشيني أبوشة يا كلاراااا بس والله قرات من امبارحة كتابتك بس مافضيت اردلك اليوم فقت فطرت وتذكرتك قلت عيب
هلا بتزعلي وانا اللي سالتك شو القصة بس اعذريني رايح راسي بالنقلة بدي افهم بني ادم اديش عندو كراكيب واغراض ياربيييييييي:angry:
المهم ياستي مابدها شي بتعرفي فيش التلفون ... اشمطيه من اساسه :)
وبالاحرى القلب الطيب بدو شمط !! انا هلا تعبانة بنقلتي ومافي حدا جنبي يساعدني مع اني رفقاتي كنت اساعدهن بنقلاتهن واحمي وش واشلف حالي هن بتصلوا بقلولولي لو بدك مساعدة خبرينا الا من رحم ربي :icon33: والله زعلانة على حالي بس الواحد بتمنى الاجر والعوض على الله
جد عبحكي معك انا معلول قلبي بهيك مواقف لحتى صرت اقسي قلبي واطنش
الناس مابتصدق تشوف واحد قلبوا طيب بدهن يركبوا عليه ويدلدلو رجيلهن كمان :icon33:
بس في حل جربي شي يوم حطي ولادك عندها وروحي شي مشوار اذا بتامني معها
واذا زبطت وما رفضت معناها اعتبريها الله بعتلك اياها تحطي ولادك عندها وبالمقابل رح تعمل هي نفس الشي
بس طبعا بحدود مو كل يوم والتاني
بعدين مازال عبترجعلك المصاري اطمني فيها الخير بس طبع الالمان هيك مابخجلوا بطلباتهن انا كانت تجيني وحدة مسلمة كمان تقعد عندي بالساعااااااااااااااات اطق انا وانعس بدي انام وهي مبلطة لا وتقلي انا نابقدر اعتبرك صديقتي هههه لكا ليش عبتجي لعندي وتبلطي من هداك اليوم طنشتها وماعاد علاقتي فيها متل اول

بس متل ماقلتلك جربي هالحل وشوفي شو رح ترد عليكي وكمان جربي اطلبي مصاري صديقني لو فيها خير وقلبها طيب رح تعاملك بالمثل معلش طولي بالك عليها شوي لحتى تتاكدي من اخلاقها
بعدين مافيها شي علميها اطباعنا وعادتنا الاسلامية وضلي احكيلها انو المسلم لازم يكون خفيف الظل باسلوبك الحلو
والله يكفيك شرها ويبعتلك خيرها

وبالنسبة للحجاب
انا رفيقتي عندها بنتين حطوا الحجاب سوا بعد كم سنة وحدة شالتو وصارت تصبغ شعرها ماخلت لون واعمارهن بالعشرينات تقريبا وامها ملتزمة وزعلت منها وماتحكي معها ومانفع معها شي لسى شايلته لحد علمي
ورفيقة تانية بناتها من وحدة صف خامس لبسته والتانية كانت رابع لما شافت اختها الا بدها تلبسوا ولبسوه سوا وهلا صاروا سابع وتامن ولسى الحمدلله لابسينو
لذلك انا بشوف هي هداية من الله ونفس الوقت نحن لازم من صغرهن شوي شوي يتعودوا عليه لحتى يكبروا
انا ماعندي بنوتات اخواتي بقلولي احمدي ربك انت ببلاد الكفر ماعندك بنات ههههه بس انا بدي بنت حدا يوصيلي على وحدة
الحمدلله على كل حال

بعدين وين تختفي ماصدقنا رجعتي انا كلهن كم يوم غبتهن وان شاء الله رح اضل اطلطل عليكن
سلامات