يالغوالي..كل فترة رح انزل لكم روابط..اسأل الله ان تنفعكم وتسعدكم

http://www.sazoo-aq.org/

السلام عليكم ورحمة الله

بنــات تكساس

الله يعطيكم عافية على التجمع ويسعدكم فيه ويجعله منطلق خير وبركة

انا في أوستن تكساس

تقريبا في الدوان تاون

ذابحتني الغربـــــــــة ، وبتقتلني الوحـــدة

كل يوم ابكي عشرين مرة

معي اخوي اصغر مني وبيننا مساحة شاسعة في الفكر والأسلوب

ولا طلعة ولا روحـة جالسة في البيت طول الوقت مع همي

يقول لي دوري صديقات

دورت مالقيت ، اللي معي في المعهد كل وحدة مع زوجها ولازقة فيه طول الوقت كنه بيطير

يعني وش بسوي انـا ؟

اذا عندكـم حــل لمشكلتي يااااااليت تساعدوني
اذا فيه وحدة بتصير صديقتي ، انا ابي اصير اختها اللي ماجابتها امها

بس تكفون تعبت بروحي تعبت

دبدوبه ياقلبي انتي تعالي لي لو بالويك اند انا بسان انتونيو وزوجي يفرح اذا قلن بيجيني احد عشان ينطلللللللللللق بكل سرعته لاصدقاءه او للمكتبه يذاكر

انا مثلك مع انه عندي بزران الله يحفظهم بس احس اني بمووووووووت ابي اهلي
انا سكنت بسكن يقولون كله سعوديين واشوفهم يمرون بس ماعرفت احد منهم ولا دري كيف يجتمعون ولا شي
الله يسهل امرنا يارب

قبلة الخلق الله يسعدتس يابعدي على هالروابط قولي امييين

مووون لي
ليت قبولي جاء في سان انتونيو

كل العالم فيها
والله لو عندي سيارة كان كل يومين ناطة عندكم
ماصدق على الله احد يحاكيني يحسسني انه لسه فيه كائنات حية تتكلم بلغتي

بأتجنن بروحي

دبدوبه حبيبتي روحي للمسجد بمدينتكم وبتلقين عرب وااااااجد وحبوبين مره انا بنيوزلندا علاقتي مع العرب احسن من السعوديات

تصدقين انتي مثل بنتي ارحمها من جد تستانس اذا سمعت احد يتكلم عربي ياقلبي عليها كاسره خاطري والمشكله ماقدرت اتعرف على احد من السعوديين عنده بزران
خليها على ربك بس انا ويك اند وزهقاااااااااااااانه شكلي بروح اسوع بالسوق لو لحالي الشكوى لله

انتي تدرسين؟




قبلة الخلق وبنات سان انتونيو فيه مولات زي اللي عندنا بالسعوديه انا من جيت مارحت الا لاكنتيرا حلو بس ابي شي مغلق وفيه العاب للاطفال وزحمه وصجه مثل الراشد والظهران مول >>>>تتشرط بعد