استناكم

قبوله فديتس ابدي يابعدي

بالنسبه للمكان احولت عيوني وانا ادور عنه فعلا طلع كهف بس شكله رحلات وفيه تور للعوايل بس مستحيل اروح بنتي تخاف الحين من جيت ابي اروح للملاهي بس مارحت كله منه هالدبا (امحق دبا) يختي تهبل بنا تبي تركب حتى حقات الكبار خخخخخخ


بالنسبه للبدي كير ماجربت للحين بس الاسعار نفس اسعار مشاغل الشرقيه (ترا الرياض اغلى) وبصراحه متردده مدري عن تعقيمهم اخاف من الامراض الله يستر

انا نفسي اسوي واكس كل امس امطط بهالحلاوه والنتيجه بقع زرقاء خخخخخخ

الله يخلي لك دبتك ماشاءالله
اللعبة الي مسموح تركبها ركبيها فيها..قوي قلبها

خلاص ببدا في الموضوع..ولو انك اعطيتينا تجربة مختصرة
شوي وراجعتلكم باذن الله

الله ياحلوووو النظاااافة ههه
أحب شكل الأظافر مقلمة ونظيفة ..أحسه مراية لها

http://www.avalonnailsalon.com/index.asp
هذي وحدة من صالوناتهم
تفاجئت والله من كثر الصالونات الخاصة بالأظافر فقط
طبعا بعضها صالون متكامل
وعادة الي تكون خاصة تجي أرخص
اما الي تكون متكامل ننمن توصل 55$..للرجل واليد وممن وحدة منهم
المسميات بينا وبينهم مختلفة
احنا نسمي البديكير لتنظيف وبرد ومساج ان وجد القدم واليد
هما لا البدي كير Pedicures
للقدم والساق لين الركبة(على حسب الرغبة)من تنظيف وبرد ودعك ومساج وسكراب و ان حبيتي لون.>>احنا نقول مناكير..هما يسمونه لون
أهم حاجة تروحين راااايقة وماوراك شئ لأنهم ممكن يجلسون ساعة..ولاتنسين كرسي المساج الي يجلسونك عليه كل شوي حطيه على وضعية
اما بالنسبة لليد يسمونها مناكير
Manicures
تشمل برد وتنظيف ولون لو حبيتي
احب اروح لهم مرة كل شهر تقريباً
أنظف يدي ورجلي
اما في الشتاء لا..يمدحون القلفز و الشرابات والأبوات ههه
استغرب اقبال الرجال وحبهم لها>>ناس رايقة هههه
من تجربتي الامريكان فاشلين بهالشغلة!!
الآسيوين هم أهلها ..
يجونك عادة فيتناميين او كوريين..ويشتغلون بذمة
لي تجربة سيئة سبق وذكرتها في احد ردود القسم
كان باقي على سفري للسعودية يوم واظافيري مكسرة وحالتهم حالة!!
المهم رحت للصالون على انه بديكير ومناكير
وعيني على الأظلفر التركيب
المهم طلبت منها أشوف
واحترت بأي لون..وحسيت ان اللون مقيد..تعرفون الواحد من ثاني يوم العزايم..ولا ابغا أتقيد بلون
قلت لها فيه شفاف..قالت هذا
وفرحت فيه ..قلت يالله ابغاه ..وتجلس ساعة تبرد وتشيل وتحط بأجهزة كهربائية..و انا مصدومة كل هاذ تركيب!!
حسبت الدعوة صمغ وقضينا..
وتحط لي مادة مخلوطة (مويا وبودرة)
بعد ساعة او اكثر خلصت وركبت الظفر ..المهم طلع يجنننننننن
بعد مارجعت للسعودية بـ5 كنت ابغا اصلي ومفكرة اعتمر!!
واروح للصالون احاول ويحاولون..مااش لحمو لي الظفر على ظفري بمادة اكريلك>>اظن اسمها كذا
وهو ما ينشال لين ينمو الظفر وكل فترة ينبرد زي الظفر
انا لو ادري كان ماحطيته ..ووقتها سألت الفيتنامية عنه ماعرفت تحكي زين لغتها مكسرة!!
طبعا ماخليته كنت كل اسبوع ابرده وأغمسه في مويا مغلية ..علشان ارتاح بصلاتي وابغا كنت اعتمر ..والحمدلله بعد مانظفت اظافيري .حصلت لي عمرة في نهار رمضان..الله يتقبلها
بس من جد توووووووبة
طعت على صاون رخيص ييسوي المناكير(اليد) لاتخربطون هه بــ10$..مع الفرنش بــ3$..الفرنش الي هو اللون الأبيض الي في طرف الظفر
في الرياض الأسعر برضو على حسب الصاون يبتدي من 15 ريال ويوصل لحد 100 ريال

مفكرة أشتري أدوات الأظافر..علشان التعقيم والأمراض
http://www.sephora.com/browse/section.jhtml?view=all&categoryId=S3100

وبالذات هاذي

بامكانك تقولين لهم لا يستخدمونها..وهو الأفضل

ممممممم
ايش بعد باقي ماقلته
خخخخ
يالله ياحلوات نشوف ردودكم ونصايحكم..
بنخلي الموضوع 3 ايام..وان حبيتو اسبوع لأن بكرة ويك اند
====
بالتأكيد الاستفسارات الخاصة بتكساس ما رح ننساها

قبوله انتي تتعاملين مع صالون معين؟ وكيف الوضع يعني معزول والا كل من مر يشوف سيقاني (سيقان سلوى عاد)

وكم سعر اللي تعاملتي معهم؟

انا شفت كم واحد بس مااعجبتني طريقتهم صافين كراسي جمب بعض والواجه حقت المحل قزاز وكل من مر يشوف