السلام عليكم ورحمة الله وبركاتة


اهلين أخواتي الفاضلات


أنا سعودية وساكنة بمدينة نانجينغ لي تقريباً سبعة أشهر


اختي ترف بالنسبة لليزر فما عندي خلفية غير أني قد تعالجت


عند دكتورة جلدية لشهرين والصراحة علاجها ماجاب نتيجة معاي


و اختي evoon لاتوجد مدارس عربية وانما مدارس أجنبيـة


وبالنسبة للحجاب فهو عادي جداً سواء كان أسود او ملون


وأي أستفسار أنا حاضرة

جزاكي الله خير ياشجن ماقصرتي ماعليش بتعبك بأسألتي طيب اللي عندها اولاد يدرسون اول متوسط وثالث ابتدائي كيف تسوي بالنسبه لدراستهم اذا الله كتب والعلم عند الله ممكن زوجي تجيه دراسه سنه في نانجينغ ومادري مشكلتي ياغاليه بس الدراسه الله يسعدك اذاممكن تفيديني ياغاليه 

وبالنسبه للسكن ايش سويتوا عندكم وبكم اسعار الشقق وكيف نظامهم ماعليش استحملوني يااخواتي الله يبارك فيكم

اهلين عزيزتي


أتوقع انهم يأخذوون مناهجهم معاهم ويختبرون في السفارة في بكين او أحد من السفارة يجي يختبرهم عشان ينتقلون


للمرحلة الي بعدها اذا رجعتوا السعودية بأذن الله والأفضل انكم تسألوون في السفارة


والله انا ماعندي خلفية واسعـة في هالمجال لأن أطفالي صغار


بس أنا قلت لك كذا بناء على تجربة وحدة من صديقاتي كانوا في كوريا وتقريباً سو معاهم نفس الشي


بالنسبة للسكن أسعاره تترواح في الشهر مابين 3000 الى 6000 ريال سعودي على حسب حجم الشقة

وأغلبية السكن في نانجينغ يكون بمجمعات سكنية تلقون فيها أجانب وصينيين واغلبها عليها حراس أمن

وحبيت أفيدك أن المواد الغذائية الي تحتاجينها مو كلها تتوفر واذا توفرت بتكون غالية جداً لاتشحنيين شي


جيبي لك شنطه أو ثنتين وخصصيها للمواد الي بتكفيك مدة إقامتك وأهمها بهارتك قهوتك


نصيحة لك لاننا أحنا شحنا وع حساب الشركة الي يشتغل فيها زوجي والله ماوصل الشحن


طلبوا مبلغ هائل لان الصين شوي معقدة بهالامور حتى الرز بس البعض دخلووه بشناطهم ولا دروا عنهم


وأي أستفسار أنا حاضرة

جزاكي الله خير الله يوفقك ويسعدك ياغاليه ماقصرتي