كوبونات الراقية تسجيل الدخول

رااويه
رااويه •
^^
^^^

تموميا

الحمدلله على السلامه نورت سان دييقو


ياختي لو ادري انك جايه سان دييقو كان وصيتك على اغراض خخخخخخخ

المهم الحمدلله على السلامه و ان شاء الله تنبسطي انتي و عيالك

فعلا الناس هنا طيبين كثير و يحبو المساعده ,,

عاد الحين بتبداء الاجازه فرصه تمشي و انبسطي انتي و العيال

روحو البحر و السيي وورد و حديقة الحيوان يقولو اكبر حديقه بامريكا > بس مارحت لها لسا

و الجوو حلوو كثيير مافي بررد ثقيل
,,

و الله مشكلتنا بشركات الشحن بالسعوديه مالها حل ..

ابي اغراض من السعوديه .. يمكن يطلع وزنها بحدود 15 كيلو او اكثر شوي > من راسي الوزن

المهـم
احس اني محتاره بشركات الشحن .. ابي شركه تكون مضمونه و مو غاليه

و مواقعهم ماتعطي جواب شافي ,,

دورت بموقع البريد السعودي طلع علي بــ 600 ريال ,, حسيته غالي شوي

ابي شي ارخص من كذا

--------

احس فيه بنات كثير مختفيات .. و ينكم ؟؟!!
دندون والاسم دانه
دندون والاسم دانه •
تموميا تموميا :
السلام عليكم ورحمه الله وبركاته اخباركم يابنات وكيف البرد معكم انا قبل فتره كنت اسالكم واليوم الحمدلله انا معكم وصلت قبل كم يوم انا في ولايه كاليفورنيا مدينه سان دييغو الاوضاع الحمدلله طيبه جيت لحالي مع العيال على نيويورك تعاملهم بالمطار رائع مافيه اي مشاكل رحت بعدين على لوس انجلوس وبعدين سان دييغو منقبه ولله الحمد مافيه عنصريه ابد بالعكس يمشون ويبتسمون وهااااااااي على طول بالنسبه للاخت ام بدر الطيار والمؤيد والشركات هذي فعلا موقفين الشحن عشان المشكله هذي البريد السعودي يشحن 30 كيلو بــ 900 ريال وكل الشركات السريعه انا كلمتهم كانوا غالييين الا شركه UPS مسويين عرض الى اخر ديسمبر واللي تبي اي شي انا بالخدمه وشكرا للي ساعدونا من قبل
السلام عليكم ورحمه الله وبركاته اخباركم يابنات وكيف البرد معكم انا قبل فتره كنت اسالكم واليوم...
اولاً الحمد لله على سلامتك
ثانياً قلبي انتي قلتي شركة UPS مسوين عرض طيب انا ابشحن مثلا 60 كيلو بكم وكيف اتواصل معهم شحنتي لها شهر معلقه في الرياض تكفين انقذيني ربي يفرجها عليك البرد دخل وملابسي ماجت
أم أحلى بدر
أم أحلى بدر •
دندون والاسم دانه دندون والاسم دانه :
اولاً الحمد لله على سلامتك ثانياً قلبي انتي قلتي شركة UPS مسوين عرض طيب انا ابشحن مثلا 60 كيلو بكم وكيف اتواصل معهم شحنتي لها شهر معلقه في الرياض تكفين انقذيني ربي يفرجها عليك البرد دخل وملابسي ماجت
اولاً الحمد لله على سلامتك ثانياً قلبي انتي قلتي شركة UPS مسوين عرض طيب انا ابشحن مثلا 60 كيلو...
الحمد لله على سلامتك أختي ..

الله يسهل عليكم غربتكم .. و تكون أيام حلوة لكم ..

و مشكور أختي على ردك بالنسبة للشحن ..

مرة متوهقة على هالسالفة ..

طيب تدرين كم أسعار UPS و كم التخفيض ..
أغراضي فوق 100 كيلو ..
أنا كنت مخففة على نفسي بالطيارة عشان الحوسة مع العيال في المطار .. لأننا ناخذ عربيتين للشنط .. و عربية الطفل .. يعني شغلة ..
فأغراضي كلها قلت خليها في الشحن ..
بس صارت هذي السالفة ألحين و توهقت :(

الله يسهل عالجميع ..


من جد البريد السعودي مررة غالي ..

الله يعينا و يسهل على الجميع ..




نفس الحالة ..
ملابسي و ملابس عيالي ...

و قهوووووتي و أغراضها ... و التمر و كل شييي ..

الله يفرجها من عنده .. :44:
رااويه
رااويه •
^^

جربو عن طريق المطار ,, الخطوط السعوديه الشحن الجوي

يوصل لاقرب مطار دولي عندك ..

اقل شي 40 كيلو .. اظن بـ 500

حتى لو كان اقل من 40 كيلو يحسبونها 40 كيلو

اول شحننت عن طريقهم

جربو و ان شاء الله مايطلع غالي ..
أم أحلى بدر
أم أحلى بدر •
خواتي معليش تحملوني عندي بعض الأسئلة >>>> توها جت الإجازة و صححت شوي ..

بالنسبة لصوص السلطات (التتبيلة ) عندهم هنا بالهبل .. و أنا بصراحة أموت بالسلطات ..

بس خايفة من مسألة الحلال ..

بالدقة أكثر : هل الخل عندهم زي حقنا .. و لا في نسبة كحول زيادة .. ؟؟؟
هل في حرج من شراء : الخل الأبيض ، التفاح ، البلسمك ، العنب .....
و الصوصات : الرانش ، الفرنسي ، الإيطالي ، السيزر ،
المخللات ؟؟

أنا شككت في الموضوع لأنهم يكتبون أحياناً : white wine vinger ، red wine vinger ...؟؟


و سؤالي الثاني : أيش معنى كلمة أنزيم لما أشوفها في المحتويات .. هل هو شي يجيبونه من الخنزير مثلاً ؟
لأن كثير من المواد الغذائية فيها أنزيم و أنا أذكر مرة قرأت أن فيه شي بس مو متذكرة ؟؟

أي معلومة بهالموضوع راح أكون شاكرة و مقدرة ؟؟
و إذا في موضوع هنا تكلمتوا فيه عن الأكل الحلال في أمريكا ياليت أحد يحط لي الرابط .... أحس إني متلخبطة شوي ؟
لما كنت في بريطانيا كان كل شي مكتوب عليه إذا يناسب النباتيين أو لا ، فكنت أعرف أنه مافي شي حيواني ، يبقى علينا بس نشيك الكحول ... هنا مافي هالشغلة ؟؟؟

بارك الله فيكم و وفقكم و أنار دربكم ..