على كيفي ..

يارب يشفي لك عيالك ويرزقك برهم وتشوفيهم قدامك شباب مثل الورده ..

عندي لك نصحتين بس لاتزعلي مني ..
اختي الشفاء بيد الله والناس اسباب فقط فلا تعلقي كل املك بالمستشفى فقط ولاتعتقدي ان افضل مستشفى بالعالم ممكن يشفيهم بالعكس ممكن تلقي علاجهم عند اقل طبيب انا عارفه انك عارفه هالكلام بس حاولي تجعلي ثقتك بالله فقط اسالي عن افضل مستشفى وروحي له وادعي ان ربي يشفيهم وبس لكن لانشتتي نفسك بين اكثر من 4 مستشفيات حتسيري ماانتي مرتاحه واي شي راح يسير حتى لو تاخر بسيط بتقولي لو رحت المستشفى الفلاني كان احسن ومن هالكلام خلاص اقري على اثنين وراسليهم وروحي واللي الله كاتبه بيسير فقط انتي حاولي ,,

الله يشفي لك اولادك يارب ..

ثاني شي :
انا في مدينة ناشفيل فيها مستشفى اسمه (vanderbilt children hosptal) طبعا مو معروف ولافي شي عنه بس انا اروح له ويعجبني وفي له فيديو في اليوتيوب باسمه للحالات اللي تعالجت عنده وشفيت باذن الله شوفيه والله يختار لك اللي فيه الخير يارب ..

سامحيني انا عارفه ان من حبك لاطفالك تتمنى تختاري لهم الافضل .. الله يشفيهم يارب ويحقق لك كل ماتتمنين..

الله الله الله متي فتحتي البيت ياحلوة
اعطيني بوسه اديني بوسه
مبروك عليكم
والله يشفي كل مريض

على كيفي وكل اللي عندهم عيال تعبانين .. الله يشفيهم ويعافيهم ويرزقكم برهم ولا يحرمكم الأجر ...

مبروووووووك التجمع الجديد .... منورين بنات امريكا ... بس ليش مامعايا أحد بمدينه لونق بيتش بكالفورنيا جنب لوس انجلوس أبغى وحدة نتونس أنا وياها هنا ونفلها شويه
وكمان بسألكم عن محل يبيع جاكتات طويلة لين الركبه بس تكون رخيصة لاني لقيت بسيمز بس غاليه
أذكر مره تقولون عن موقع أظن اسمه برنغلتون تكلمتو عنه انه رخيص يبيع جاكتات اشكال والوان بس ضيعت الموقع حقه

سلاااام ياقمااااري
مبرووووك الملف الجديد جعله عامر بالفايده
تسلمين ام احلى ملاك بالضيافه

هههههههههههههههههههههااااااي عايشه صورتك معبرررره
الله يسعدك ياشيخه وين ماتروحين ويفرحك بشوفة عيالك في اعلى المناصب يااااارب


اهلييييين حنونه شخبارك؟؟
شوفي ياقلبي اهم شي خلصي شغلك قبل مايجون عشان تنبسطين بالجلسه وماتقضينها كلها بالمطبخ
حلى القهود سويته يوم جوني البنات انجنوا علييييييه
بسكوت اوريو تفتحينه نصين تطلعين الابيض اللفي فيه وتحطين حبه في ورق الكب كيك ماكان عنددي الورق رصيت الاوريو بصينيه
وفي الخلاط علبه حليب نستله (جاموس( وسته حبات جبنه كيري انا حطيت سته ملاعق فلادلفيا
واخلطه وحطي ملعقه على كل قطعة اوريو لين تنتهي الكميه حطيه في الفرن من فوق لين يصفر لونه شوي وطلعيه
بعدين الطبقه الاخيره جيبي اي نوع تشوكلت نسيت اسم اللي جبته انا جبت اثنين من البار << حجمه وحطيته بحمام مائي مررررره سهل اول مرره اسويه وحطي عليه ربع اصباع زبده
ولمن يسيح ارفعيه عن النار وحطي عليه علبه قشطه واخلطيه مزبووووط وحطي ملعقه فوق اللي سويتيها الاوريو والحليب والجبنه وحطي بالفريزر او الثلاجه لين وقت التقديم وبصراحه رااااااااااااااائع الحلى ذا والله الكل سألنه عنه والخلطه اللي فوق يحسبوني شاريه موس وحطيته اتعب وانا اقول لذيييذ

والعشا سوي كبسه ومعاه سلطه اما لبن او خضرا او ذي السلطه
باذنجان مقطع مربعات ومقلي بطاطس مربعات ومقليه وفوقهم شوية بصل اخضر وبقدونس وكزبره مقطعه وملخبطه مع بعض وحطي عليهم هذا الصوص علبه لبن زبادي ملعقه مايونيز ملعقه طحينه شويه ملح وفلفل اسود ليمون وخل وحطيها فوقها وحطي اخر شي خبز مقلي لذييييييييييذه بقوووووه سوي كميه لأنها بتخلص على طوووول

سوي ساندوتشات بالتورتيلا او عيش صامولي مقطع حلقات حطي فوق صدور دجاج مع خضار) بصل فلفل رومي جزر بقدونس كزبره( تحمسينها وبعد ماتطفين عليها حطي ثلاث ملاعق جبنة فلادلفيا وقلبيها مزبوووط وعلى طول فوق الخبز وقبل التقديم حطيها في الفرن من فوق شوي وطلعيها
وووبس

والله ياعمري مااملك لك غير الدعاء الله يجبر بخاطرك ياااااااااارب وبدك على الخير لك انتي وعيالك ويبعد عنكم كللللل شر الله يسخر لكم العباااده ياااااااااارب