♥OoO♥ بلجيكا ♥OoO♥

هلا باختي في بلجيكا , وين عن ايام بلجيكا , وين ساكنه وكم لك هناك

هلا وغلا والله لاتقولي لي في بلجيكا ترا بجي وادق بابك ومعي قهوتي خخخخ وحده ماصدقت لامن جد انتي وينك اقصد وين ساكنه انا في مدينه لياج لي تقريبا 4شهور

في لييج بعيده شوي , كان زين لو قريبه منك , انا في قطر بس كنت في بلجيكا سبع سنين
المهم كيف تقضين وقتك , تدرسين لو انا منك كان درست ثراها فرصة , هي بس ولا يهمك انتي ادرسي انجليزي او حتى دخلي كورسات في جامعتهم , اذكر وحده ادرست في جامعة للييج , او ادرسي فرنسي
لا تقعدين فاضيه , والله انك قطعتي قلبي كنت وقتها مثلك اكلم الطيور الطايره

ههههههههههه هلا فيك اختي والله انا اتكلم انجليزي لكن الشعب مثل ما شفتيه بس فرنسي والدراسه وين عندي بنتين الاولى هينه لكن الثانيه 9 شهور بس انتي وين كنتي سكنه وعلميني عن الاماكن اللي رحتيها اذا امكن وغيره المطاعم تكفين

غاليتي انا كنت ساكنه في بروكسل , بس ما ضلت منطقه ما رحتها كل احد ناخذ الخريطه ونروح مدينه من المدن ونتغداء هناك ونتفرج على الطبيعه , الصراحه انا كنت دخلت معهد ودرست فرنسي ونفعني في حياتي , اما المناطق الي ما تتفوت عند لاروش منطقه جبليه حلوة , ومدينه ثانيه ناسيه اسمها سفاري تعجب الصغار فيها عنيزات وغزلان وحمير الله يكرمك .

غير على البحر عندك اوستند الشاطيء حلو , ومدينه على الحدود بين هولندا وبلجيكا

وعندك بريطانيا تروحين بالهوفر كرفت نصف ساعه بالبحر

طبعا ميزة بلجيكا موقغها في وسط اوروبا , كولون قريبه ممكن بالقطار ساعه ونصف تروحين الصبح وترجعين المساء ,
ودزني بالقطرار السريع نروح ونرجع في نفس اليوم , وباريس ساعتين , هولندا عنك لاهاي قريبه
فيها مدينه مصغرة مدردوم للصغار بعد حلوة .
اما اذا رحتي بروكسل بادليك وين تروحين