♥♥tuta♥♥ :

لا ما بينفع مع بعض, كل واحد لحال, لانها جديدة على الاكل بتخافي تمغصيها, فاذا جربتي هالاسبوع بطاطس و الاسبوع الجاي جزر و ما حصل معاها مغص او اسهال او امساك او حساسية ساعتها بتقدري الاسبوع اللي وراهم تخلطي الاثنين سوا. كم عمره؟؟؟؟ شوفي اذا هو اكبر من سنة, فيكي تبلشي معه بالعقاب و الثواب. اختاري زاوية بالبيت تكون مخصوص لفترة العقاب, اذا رمى ملابسه على الارض قولي بنبرة جادة انه اللي عمله خطأ و الاواعي مكانها بالخزانه و الادراج مش الارض و لانه عمل الخطأ راح يتعاقب و حطيه بالزاوية و ممنوع يتحرك منها, قوي قلبك حتى لو صرخ او بكى مش مهم المهم انه يعرف انه اللي عمله خطأ (اهم شي ما يكون في وضع مؤذي) و اغصبيه يقعد بالزاوية (مثلا عمره سنتين دقيقتين, 3 سنوات 3 دقائق و هلم جرى). بعد ما تخلص فترة العقاب امسكيه و قولي انت ليه كنت معاقب؟ لانك عملت كذا كذا, كل مرة بتعمل هيك راح تتعاقب, اياكي ثم اياكي تعتذري بعد ما تعاقبيه, لانه ان حس بشوية ليونة منك بيخرب كل شغلك. في اوقات للحنية و اوقات للجد هلأ في شغلة بعملها مع اولادي اللي هي ان شفتهم بيعملوا شغلة ممنوع يعملوها ببلش اعد بصوت حازم انه في عقاب جاي: واحد .... اثنين.... اذا بوصل 3 يا ويلكم.... قبل ما اقول 3 بيكونوا تركوا اللي بيعملوه, بس طبعا درس اتعلموه اول مرة وصلت ل3 ابني ما كان رادد و صارله عقاب اسبوع ممنوع التي في و الكمبيوتر (كان ساعتها 7 سنوات) (على فكرة شغلة العد استعملتها مع ابن اخوي و ابن اختي بدون انذار بنادي عليهم بنبرة مخيفة شوي يا فلان ون... تو.. ما بكمل التو الا هم تاركين اللي بأيدهم. جربيها و ان شاء الله يعقل و يهدى, بس اعرفي انه طفل و اذا ما في العاب امامه الا يصيب شغل البيت, و اعرفي انه الطفل ما بيقدر يقعد هادي اكثر من 10 دقائق على بعض.. لهيك لما يكون حلو و مأدب و بيلعب بدون تخريب قولي له لانك كنت شطور و ما خربتش الخزانة مثلا راح اعطيك ايس كريم او طلعة للبارك او حضنة و بوسة << كثري من الثناء عند العمل اللي بيرضيكي. هههههههههههههههه على فكرة للمعلومة الدراسات اثبتت انه لما نحكي مع الطفل بالسنسكريتي بيكون قاعد يفكر: ها؟؟؟ شو قلتي؟؟؟ بيتأخر بالنطق. لكن لما تقولي: يلا ناكل بدل يلا نمنم او يلا ننام و تصبح على خير بدل من يلا ننه او يلا نطلع بالسيارة بدل ما تقولي يلا نطلع باي و هيك شي بيتعلم ينطق اسرع و بيتعرف على امور الحياة اسرع.

لا ما بينفع مع بعض, كل واحد لحال, لانها جديدة على الاكل بتخافي تمغصيها, فاذا جربتي هالاسبوع بطاطس...

ralolam :

لا يمكنك مشاهدة هذا التعليق لانتهاكه شروط الاستخدام.