حجابي عفافي :

السلام عليكم ياحيا الله بنات باكستان اشوف التجمع بالمقدمه ماشاءالله عليكم كذا السنع والا بلاش ياكيك فانيليا سلامته الوالد مايشوف شر ترجعين بالسلامه ان شاءالله الحمد لله عل سلامتكم اللي جايين باكستان اخباركم مع الجو والامطار وكيف الوضع الامني عندنا بكراتشي الوضع مو تمام بسبب المسؤل المقتول من يومين الشوارع هاديه واغلب المحلات مقفله وما احد يطلع تحذيرمن الخروج الله يكفينا شرهم والجو وش زينه قبل كم يوم امطار تهبل طلعنا من استراحاتهم خيال وخضره ماشاء الله لو يهتمون بالنظافه زياده كان ياسلام ومن ناحية المواد الغذائيه ترى متوفره بعدة اشكال لكن في البدايه كذا نحس مافيه شي مع مرور الايام بدانا نحصل اغراضنا واحتياجاتنا اهم شي يكون معاكم القهوه والتمر والا الباقي متوفر فيه السفر حقت الاكل مو متوفره وبعض الادويه مو مثلنا ادويتهم اما الملوخيه حكايتها حكايه العام كنت حامل وابي ملوخيه باي طريقه هههه حصلناها مره مثلجه بالفورم او الاغا وبعدها ماعاد لحقيناها فصرنا نجيبه طلبيه كميه ونحطها بالفريزر قبل فتره جابتها جارتي وعطتني والله نشتهيها مره عندنا بكراتشي فيه اسواق وسوبر ماركت حلوه احلى شي الاغا والفورم وفيه بعد ميكر وميترو بس عيبه مايدخل اطفال ماقد رحت له لهالسبب وناهد وامتياز حلوات بس صغار شوي مو على مستوى الباقي وعندهم المواد الغذائيه الزينه والشوكولاتات اغلبها مستورده من الامارات وشي من السعوديه مثل حليب الاطفال والبامبرز وفيه اغلب الاشياء الامريكيه احيانا تكون هي افضل بديل عن اشيائهم كل شي تحصلينه حار عندهم خخخ عذاب مطاعمهم ماعدا البعض كراتشي انواع المطاعم لكن المتعب حرارتها الوجبات السريعه اهونها ما ادري عندكم باسلام اباد استاد البرياني امممم لذيييذ لكن حااار تصدقون مشتهيه لبن المراعي ماحصلنا هالمره الا منتهي والله ياهم سعة صدر يبيعونه حتى وهو منتهي خخخخ انتبهوا ياحلوين لكل شي بتشترونه كثير نطيح بحاجات منتهيه مثل الشوكولاتات والزبادي واللبن

السلام عليكم ياحيا الله بنات باكستان اشوف التجمع بالمقدمه ماشاءالله عليكم كذا السنع والا بلاش...

روز الورديه :

يالبى قلبك ياحجابي عفافي وربي انك قوقل ماشاء الله تبارك الرحمن فديت الهمه والوصف انتي وكيك فانيلا ...اجل الاداره فعلا لها نظره بمشرفاتنا ومحررارات حووووووووووووواء يالبى قلوبكم جعل الدنيا ماتخلى من الناس الي تحب تفيد وتنفع غيرها لو جه الله الله يجمعنا بكم في جنات الخلد اللهم امين يارحمن يارحيم قلبوو كيك فانيلا ماقصرتي جعلك سالمه يابعد من جابو ادم وحواء ...اجل بفتح حوش غنم واجيب لي كم خروف وابيعه عليكم باسعار السعوديه 1500ريال =40000اربعين الف روبيه ههههههههه عزالله بصير تاجره وينحاشون الباكستانين خخخخخ

يالبى قلبك ياحجابي عفافي وربي انك قوقل ماشاء الله تبارك الرحمن فديت الهمه والوصف انتي وكيك فانيلا...

روز الورديه :

الا جد فانيلا الحين يوم كنت بلاهور كان الريال يساوي 16روبيه الحين يقولون =22 ابي اعرف صحيح او لا ومثلا كم يساوي 1000روبيه بالريال ولكي كامل شكري <<قامت تحكي نحوي خوف الامطار والسيول خخخخخ

الا جد فانيلا الحين يوم كنت بلاهور كان الريال يساوي 16روبيه الحين يقولون =22 ابي اعرف صحيح او لا...

حجابي عفافي :

بنات عن تجربه الدجاج افضل شي الي كيسه احمر عليه هو احسن شي من ناحية الطعم والريحه جربنا المبرج من ميكرو واو فيه ريحه ماش ماعجبني هذيب الشركه اشيائها المجمده حلوه من دجاج كامل وصدور وفيه منها زي لكباب وقطع الدجاج وهالحركات خضارهم مشكلته بسرعه يخرب يبي لكم تتقضون حق كم يوم يعني ما يطول في الثلاجه لا تاخذون بالكميه واللحم عندنا بكراتشي فيه بيعون الحم يجي عندنا بسكنا ويشترون منه ويذبحها ويقطعها زي ماتبون لكن عندكم ما ادري وفيه محل طحنا عليه قريب روعه ترتيبه وتقطيعه للحم علامته حمراء عليها زي المسدس اسود وعليها خرفان ودجاج خخخ يقلع ابو الوصف اذا عندكم مثله انصحكم فيه

بنات عن تجربه الدجاج افضل شي الي كيسه احمر عليه هو احسن شي من ناحية الطعم والريحه جربنا المبرج...

vanilla cake :

صادقة الشركةاللي ذكرتيها ممتازة عندهم دجاج بجلد وبدون ونقت وهوت دوغ وهمبرقر وعنوانها يااهل اسلام اباد فوق سودا حجابي ياقمر عندنا الخضار تدوم اكثر من كراتشي عندكم الرطوبة تعدم كل شي اذكر البقدونس اشترية اليوم من بكرة وهو اسود كلة لا اسلام اباد اهون تقعد كم من يوم والذبايح عندكم متواجدة اكثر من هنا وارخص بعد المحل حق اللحم اللي ذكرتية مااعرفة اتوقع ماكان موجود ايام ماكنت هناك ياليت دائما تقيدنا يامراسلتنا من كراتشي لان في كثير يقرون وبيستفيدون من معلوماتك الله يجعلها في موازين حسناتك

صادقة الشركةاللي ذكرتيها ممتازة عندهم دجاج بجلد وبدون ونقت وهوت دوغ وهمبرقر وعنوانها يااهل...