مساء الخيرات .. كيفكم يابنات

شخبارك سعووديه ؟؟

وينكم يابنات ليه مافي نشاط

انيوهاسيو :)
كيفكم اونياتي ونوناتي
كيف كوريا
بنات حبيت اسالكم كم سؤال بخصوص كوريا احنا 4 اشخاص حابين نزور كوريا سيؤل لمدى 8-10 ايام في شهر مارس
1- ابي فندق يكون مناسب وسعر اهم شيء اهم شيء يكون مناسب
2- كيف الجو هناك بشهر مارس
3- الغه عائق كبير او ممكن يفهمون انجليزي شوي يعني التواصل معدوم عندهم او كيف
4- كيف نظرتهم للنقاب وكيف للحجاب وايش تنصحوني
عندي اسئله كثير بس اهم شيء الفندق مسبب لي ازمه دخلت موقع بوكنق booking بس حسيت مرا مرا غالي يعني 16 او 18 الف ع 8 ايام احس مرا كثير
عاد انتم املي الاخير بلللز ساعدوني

نجمة سماي ..

وش قصدك بأهم شيء يكون مناسب ؟
عن تجربتي فندق ايبيس حلو وسعره زين .. وترى له فرعين بسيؤول بس اللي أتكلم عنه في منطقة ميونج دونج ..
ميزته ان موقعه منطقة تسوق .. روووعة .. وتحته مطعم عربي أو هندي نسيت المهم انه حلال ..

ومو بعيد عن منطقة دونق دايمون اللي تكلمت عنها سعودية في كوريا في الردود اللي فوق .. فيها مجمعات حلوة وأسعارها بعد حلوة ..
أما بالنسبة للنقاب فأنا واختي رحنا بعباياتنا ونقاباتنا عادي .. كل الامور تمام وما تضايقنا ولا أحد ضايقنا الا اللهم في منطقة أحد القصور في سيؤول كانوا الناس فيها ينظرون لنا بشكل ضايقنا مرررة وتعليقات حتى اننا طلعنا من هالقصر وما تفرجنا على شيء .

وإلا في غير هالمنطقة كل شيء عادي وتمشين بدون ما يضايقك أحد .. نظرات تعجب عادية ما تضايق ..
وممكن اذا تبين تلبسين عباية ملونة مثل البالطو الواسع .. وتتلثمين ..

أشوف اللي معه لغة انجليزية ممكن يمشي وان كان قلة اللي يعرفونها هناك .. لكن حددي المناطق اللي تبين تزورينها هناك وهناك خذي من الفندق الخريطة بالإنجليزي وحددي عليها ثم أشري لسواق التكسي يوصلكم هناك .

بالنسبة لنا كان معنا وحدة كورية تعرف عربي .. لكن في جيجو ماكانت معنا ومشينا من أحسن ما يكون .. أخذنا تاكسي صاحبه يعرف انجليزي ومشت الامور تمام .

^^^
يا حبيلك يا شيخه مراا شكرا
طيب ممكن اعرف كيف حجزتي للفندق وكم يوم جلستو فيه وكم دفعتو
وكيف جبتو ذي الكوريه من وين يعني واذا عندك رقمها ابيه
وايش تنصحيني باماكن
واقصد بسعر مناسب يعني من ما يكون اكثر 7 الاف ل 8 -9 ايام لانو اغلب الوقت بنكون برى عرفتي كيف
مرررا شكراا
كوماااو اني وبياني تعبتك معي

اخوي حجز عن طريق النت .. نسيت والله كم قعدنا يمكن اسبوع .. اذا ما خانتني الذاكرة <<< صايرة أنسى بشكل جنوني
أما بكم فأيضا نسيت هههههههه ..
والكورية زميلة اختي تعرفت عليها .. مو شغلتها انها تترجم .. بس هي خدمة وكرم منها الله يهديها للإسلام .
أما إذا تبين مترجم بتراهم غالين ..
لكن لايهمك اذا أحد منكم يعرف انجليزي ترى الأمر يهون كثير ..
وعلى فكرة البنت هذي ماراحت معنا لجيجو وأيضا في الأيام الأخيرة في سيؤول ماكنت معنا كثير ..
لكن اخوي يعرف إنجليزي وحنا سألنا عن الأماكن وغيرها في النت قبل نروح فالأمر مشى تمام .

عاد بسألك بالضبط عن السعر وأرد لك خبر ...
وبشوف ان قدرت أجيب لك الموقع اللي حجز منه اخوي بعد ..
بس عسى ما أنسى زي العادة ..

ولايهمك اسألي على راحتك أنا ودي أفيدك مثل ما كنت أتمنى أحد يفيدني لما خططت للسفر لها .
وشوفي عندك هنا
http://travel.maktoob.com/vb/travel494170/
موضوع خاص للإستفسارات عن كوريا مرة مفيد أنا استفدت منه .