صباح الخير بنات

كلارا والفرقان صباح الهنا موضوعكم جذبني انا كمان بدي ادرس اخذت b1 وهلا متحمسه اسوي اي شي ثاني.

كلارا شو المستويين اللي عملتي ؟
الفرقان اذا ما فيها ازعاج فهمينا اكثر حبيبتي

كلارا
'0Dمافهمت عليك شو هو الكوليكيوم
ياستي الكوليج
هو للطلاب الاجانب اللي بدهن يدرسو هون عبارة عن سنة تحضرية قبل الجامعة بالاختصاص اللي انت بدك اياه
طبعا الو امتحان قبول نجحت فيه فدخلت الكوليج وهو سنة كاملة دوام رسمي كل يوم اقل شي 5 ساعات فشفت صعب علي لانو ابني صغير كان بيبي لسى وحطيته بالحضانة رحت داومت يوم واحد فيه وبطلت ههههه لانو رح يتشنطط ابني
ومالها علاقة دراستي بسوريا بالي افلح هون بشهادة تانية بس مازبطت كنت مختارة جرمانستك يعني ادب الماني
واذا بدك تختصري الطريق ماتفوتي كوليج في امتحانين ضخمين بس نجحتي بواحد منهن على حسب علامتك بتدخلي الجامعة وغالبا بطلعلك خيارات كتير
وهالامتحانين واحد اسمه dsh والتاني test daf اكتبي بكوكل بطلعك معلومات عنهن
انا بعد ماتركت الكوليج قلت اجرب اقدم امتحان test daf سبحان الله دفعت 150 على الامتحان ورسبت ومابرجعلك شي من المصاري هههههه فبدك تحطي بالك الشغلة مكلفة شوي ماديا لانو في احتمال ما الواحد ينجح ويعيد وكل اعادة فيها دفع من اول وجدٌيد
بالنسبة الي انا شفت الشغلة طويلة وصعبة ورح يصير ضغط كبير علي وولادي صغار لانو اللي بدو يدرس بدو فعلا يداوم مشان اللغة مع اني اول شي اجلت بس, ما تركت لما اجى الفصل الجديد بعتولي مشان ادفع الرسوم واكمل هون كانت بردت همتي وخاصة بمدينة تبعد عن برلين ساعتين يعني سفرة فبطلت وكسرت الدف هههههه
مابقدر انصحك بخاف احبطك واقطع بنصيبك هههههه قال لسى"لهلا ما احبطك انا ههههه بس والله عبحكيلك عن تجربتي وانت
استخيري الله والله يقدملك اللي فيه الخير
بس من رااي انا بشوف اهم شي نتعلم لغة مزبوط مشان نعرف ونفهم اللي عبصير حوالينا
هلا ناوية بس اخلص من شهادة السواقة اسجل بشي كورس اقوي لغتي والله المستعان
وعلى فكرة فيكي تكملي هون على حد علمي انت دارسة انكليزي روحي واسالي بالجامعة وهن بدلوكي شو تعملي


مايا
الله يقويكي
خلصي مستويات اللغة يعني هلا عندك b2
وبعدين رح تقرري لحالك اذا تكملي او لا
والله انا اول ماجيت ضليت اعمل كورسات لغة واقدم امتحانات وطولت وقصرت بس بدي ادخل الكوليج سبحان الله دخلته وماكتبلي ربنا نصيب اكمله وقتها عملت استخارة والحمدلله
الله ييسرلك

تسلمي عالاجابه هو لعند التقدم للجامعه عندي هي المعلومات. بس انا مستخصره دراستي اروحها عالفاضى واقدم على شهاده البكالوريا واختصاصي تربيه مو انكليزي ومتخرجه كمان يا حبيبتي وعندي سنوات خدمه 6 سنين
و اذا بدي ادرس تربيه هون لازم اعيد كل شى يعني ما في ماستر او حتى تعديل لشهادتي وانا مستخصره شهادتي ومن ناحيه الاحباط ولا يهمك محبطه وخالصه وبعرف احلام الزمن القديم اللي قبل الزواج ما رح ترجع بس بقوي حالي كل فتره
والظاهر انا ماشيه على خطاك يعني بفكر بشهاده السواقه اول
طيب سؤال تاني (كتر غلبه) انت صارلك زمان هون وليش ما بتفكروا في الجنسيه


مايا روحي انا عملت b1 ,b2

مساء الخير

ماشاء الله عليكم الفرقان وكلارا مهتمين بهالمواضيع والله مالي فيها الله يوفقكم

شكرا اختي الفرقان كيفك مع السواقه؟الله يوفقك يارب
اختي كلارا كمان شويه اسئله اذا ما فيها ازعاج.
كم كلفك b2 ؟ هل صعب مثل ما سمعت؟ وكم شهر درستي؟ وهل اخذتيه من اول مره؟