مراااااام :

السلام عليكم كيف حالكم يا بنات ام محمد بعيد السو عليك ان شاء الله ربى يشفيك وتطلع النتيجة خير يارب والله مانى عارفة شنى نكتب من الزعل لكن تدكرى يا حبيبة ان الله معك وانت ما شاء الله عليك وانى والله نغبطك على هالايمان بالقضاء والتماسك ما شاء الله لا قوة الا بالله ربى يشفيك ياغالية شفاءا لا يغادر سقما اللهم اشفى اختنا ام محمد شفاءا لا يغادر سقما اللهم اشفى اختنا ام محمد شفاءا لا يغادر سقما اللهم اشفى اختنا ام محمد شفاءا لا يغادر سقما اللهم اشفى اختنا ام محمد شفاءا لا يغادر سقما اللهم اشفى اختنا ام محمد شفاءا لا يغادر سقما اللهم اشفى اختنا ام محمد شفاءا لا يغادر سقما والله قصتك اثرت فيا وان شاءالله ما عنيدك سو وربى يحفظك لصغيويرتك مشيميشة مبارك الحمل وان شاء الله ربى يثبت حملك ومعليش جت متأخرة عيونى لا باس عليك ياغالية ان شاء الله توة احسن ربى معاك وربى يحفظك من كل شر مويجة كيف حالك يا حبيبة ولا باس ان شاء الله ربى يشفيك ويعافيك ويحفظك لصغيويرتك معليش يا بناويت ما نقدرش ندكركم بالاسم لكن انى نسلم عليكم كلكم واسفة لأنى منقطعة فترة بس الله العالم بظروفى الله المستعان كل مؤمن مبتلى وان شاء الله كل شىء بأجره وانى نمر بظروف صعبة الشكوى لله والله لما خشيت وقريت اخباركم ولقيتكم تعانوا زدت فى النكد استغفر الله وانى نكتب والدموع فى عيونى مش قادرة نكمل دعواتكم لى بتفريج الكربة عنى

السلام عليكم كيف حالكم يا بنات ام محمد بعيد السو عليك ان شاء الله ربى يشفيك وتطلع النتيجة...

em mohamed :

بارك الله فيكن يا بنات والله حسيت أنكن قريبات منى وكلماتكن شجعتنى . ربى يحفظلكن اصحيحتكن حتى انتن ويطول عماركن ويا بنات امانه عليكن ديما تفقدن ارواحكن وما تستهيننش بأى حاجه مهما كانت صغيره او عارضه وديما اكشفن على صدوركن وديرن الفحص الذاتى للثدى راهو مهم مهم مهم جدا لكل أنثى . وأنا توا الحمد لله اتصلوا بيا مستشفى لندن وعطونى موعد يوم الثلاثاء الجاى بس زوجى هنا الدكاتره اللى امعاه قالوا له ليش اتضيع فى الوقت نحن هنا حنديروا الفحوصات والجراح مستعد يأخذ عينه فى اى وقت ويطلعوا النتيجه (تاريته المعرفه كويسه) ,,, المهم حنبدوا بأذن الله من بكرا فى الفحوصات هنا ولما ايجى موعد لندن ايكون كل شيئ جاهز يعنى محاوله لكسب الوقت لو فيه اى احتمال مش اكويس يكون كل شيئ جاهز لجماعة الاورام بيش يعطوا حلولهم وأن شاء الله خير ,, تعرفن يا بنات امبكرى كنت متضايقه لكن لما روح بو الصغار ولقيته متنكد وباله مشغول قعدت نضحك وانقوله بدل ما اتصبرنى انا اللى انصبرك راهو الحياه تستمر بيا وألا بلايا فكنا من النكد وخلينا نتوكلوا على ربى وتغدينا (ضربناها امبكبكه نين طلعت من اخشومنا ولله الحمد) ورفعت الصغار للمسجد وتمشينا اشوى فى البارك لأن اليوم الجو روعه . والحمد لله توا خشيت انحس فى روحى معنوياتى مرتفعه والامور هانت بأذن الله . بس نبى انقوللكن أن الحاجه على الواحد كيف ايشوفلها وزى ما ايقولوا هونها اتهون وأن شاء الله ربى يشفينى ويشفى سلفيه وكل نساء المسلمين يا رب سلفيه ما اتخافيش أن شاء الله خير المهم امشى للطوارئ وبأذن الله ايديروا لك صوره ويعطوك علاج مناسب وربى ما ايوريك سو وامبدرى لما كلمتك ما بيتش نحكيلك قلت ياسرك اللى فيك علاش انرعشك امعاى بيش تعرفى لما الواحد ايشوف ابتلاءات الغير يحمد ربه على النعمه أن شاء الله ربى ما ايغير عليك ويعطيك اصحيحتك ويحفظك لصغارك حتى انتِ وتمشى واتجى طيبه .

بارك الله فيكن يا بنات والله حسيت أنكن قريبات منى وكلماتكن شجعتنى . ربى يحفظلكن اصحيحتكن حتى...

em mohamed :

السلام عليكم ورحمة الله وبركاته كيف حالكن يا بنات أن شاء الله بخير كلكن .. وبارك الله فيك يا أم تقى الدين وجعل دعواتك فى ميزان حسناتك ,,, سامحونى شغلتكم لكن محتاجه لدعواتكم هاليومين من اشوى كلمتنى امشيمشه تطمن وقالت لى ام تقى الدين لفتت انتباهنا لتوقيعك ,,, سامحونى ما كانش قصدى نشغلكن لكن القصه انى امس مشيت للدكتوره ولقت عندى كلبوزه صغيره تحت الابط وقريبه من الثدى الايمن انا لقيتها يوم الاربعاء واتقول طلعت فجاءه كل الاحتمالات وارده بس الاهم انى محتاجه فحوص جديده وتحاليل واشعه بسرعه بيش يعرفوا شنو تطلع ... وهذا عليش طلبت الدعاء المشكله ان ملفى وفحوصاتى كلهن فى لندن ولازم انتابع غادى علشان الشخص اللى قرا التحاليل والصور الاولى هو نفسه ويقدر يقارن ومن امس كلمتهم الدكتوره وانا عندها ولعند توا ما كلمنويش وكلمتهم من اشوى قالوا مازال ما حددنالكش موعد وقاعده نستنى فى التليفون امتى يرن ويحددوا لى موعد؟انا متوكله على ربى وحاطه كل الاحتمالات والحمد لله هاديه وامبارح رقدت مرتاحه ,,, سلمت أمرى لله (ههههه) ادعولى أن ربى يصبرنى ويثبتنى لو طلعت حاجه مش اكويسه ممكن يا بنات تستغربن انى نكتب وعادى بس الحمد لله انى من الاول عارفه ان احتمال عودة المرض خلال الثلاث سنين الاولى عندى 14% وعودة المرض مش معناها النهايه(لأن اعمارنا امحددها رب العالمين من قبل ما نتولدواوالامراض اسباب بس) بس اللى شاغلنى انهم بيعاودوا رحلة العلاج اخرى .وهذا المتعب فى الامر . فيه ناس ايعاود لهم اربع وخمس مرات وفيه اللى يقعد اكثر من خمس سنوات ما ايعاودش فهذا ايسموه كنسر فرى هذا عليش ايديروا المتابعه لمدة خمس سنوات . والحمد لله انى قاعده فى بلد متطور والعلاج متوفر والابحاث مستمره سامحنى حنشغلكن بس ما عندى لمن نشكى غيركن ومحتاجه لحد يثبتنى وانفضفض له ,,,, حنحاول انطمنطكن كل ما اتجد حاجه وان شاء الله ما اهناك الا الخير ما تنسنيش من الدعاء وربى ما ايوريكن شر ولا يشغلكن على غالى .

السلام عليكم ورحمة الله وبركاته كيف حالكن يا بنات أن شاء الله بخير كلكن .. وبارك الله فيك يا...