aionisahara :

حياه حلوه تسلم ايدياتك قرين ستار كيف حالك و حال بنيتك خيرك معاش اتهدرزي زي قبل امل المصباحي كيف حالك و شن اخبارك و كل سنة و انت طيبة و ان شاء الله بطولة العمر ليبية 100100 الحمد لله ان صغارك توا احسن , ربي يزيدهم من الشفي اريام الحنين كيف حالك و شن اخبارك تعرفي ليك وحشة ,شن اخبار الاكل الليبي معاك ان شاء الله تكوني و جميع افراد عليتك بخير

حياه حلوه تسلم ايدياتك قرين ستار كيف حالك و حال بنيتك خيرك معاش اتهدرزي زي قبل امل...

em mohamed :

حياة ماشاء الله سلم ايدياتك شكله ايهبل الحلو ان شاء الله ربى يرزقك بولد الحلال (بعدها اتقولى ايام العزوبيه احلى) ويا حنا الناس كيف ماقالوا لك البنات ديما ينشدوا قبل الزواج كلمة ها مافيش حاجه ما توقفش وبعد تتزوجى ها حامل وألا مازال وكان جبتى ابنيه ما يبطلوش كلمة ان شاء الله اوليد وكان اوليد ان شاء الله ربى يرزقك ببنيه وألا خى وكان كبرتى ومعش اتجيبى ما يبطلوش ان شاء الله اتزوجيهم وتفرحى بيهم وهكذا يعنى السؤال ما يكملش فالافضل انك تعودى روحك على هالكلام لأن المجتمع كله هكى وما تخليش روحك حساسه وانك ما فيكش عيب بس الزواج هذا امقدره لك ربى امتى ما يطب عليك ربى يسخره وبسرعه العرب الاولى ايقولوا (الزيزه والموت مكتوب ما منهن مهروب) يعنى الزواج بأذن واحد أحد حيجيك بس ماتستعجليش على رزقك) وأنا عارفه انك مش انتِ المستعجله بس ناسنا هكى اهتماماتهم ربى ان شاء الله يفرحنا بيك قريب وتعزمينا كلنا فى بلادنا الحبيبه :icon28: :icon28: :icon28: ليبيه بعيد السو على الصغار وسلامتهم ان شاء الله ما ايشوفوا شر ام تقى الدين شنو حالك ياغاليه وحلو الموضوع (ايشهى على راى البنات ) قعدت نقرا وحاله فمى انا بصراحه الحلو مش شاطره واجد فيه يعنى عطينى حاجات التكركيب (حلوياتنا زمان اوكى انديرهن )بس الكيكات والحاجات اللى فيهن لبز واجد ديما يفشلن عندى وما عنديش على التزيين والتنقريش والحمد لله زوجى ما عندش واجد على الحلو وعيالى اللى اديرها العمشه ياكلوها ضناها هههه بس نبى طريقة حلويات امتاع قهوه عندى ضيوف فى عطلة الاسبوع ولازم كم شكل مع القهوه والشاهى وماشاء الله قلتى 80 عائله فى ابوظبى هذا غير اللى مش محسوبين ماشاء الله الليبيين مع انهم حاره بس فى كل مكان واللى توجع اننا كلنا طلعنا من بلادنا ونخدموا فى بلاد الغير ان شاء الله ربى يرجعنا لبلادنا ونعمروها تعرفى من ثلاث سنين دارت الجاليه الليبيه حفله فى تورنتو علشان العيد فحضروا 600 عائله ليبيه تخيلى هذوم فى جزء من مقاطعه وحده فى كندا يعنى لو حسبوا اللى فى كندا كلها يطلعوا ايعبوا وحده من المدن الليبيه وبريطانيا فيها مازال اكثر واحد نعرفوه عدا يشتغل فى دوله فى الكاريبى حتى اسمها انسيته المهم قال امقمعز فى قهوه خش واحد طايرتله وقال عطكم زحيقه قال اطربقت من الضحك وقلت له شنو جابك هنا :42: :42: وقلتى انك طبيبه مع وقف التنفيذ يا حنا الحال من بعضه زينا زى اعيونى بس انتِ وين قريتى بالك نعرفوا بعض :26: عيونى ربى يعينك شهرين زوجك امكسدلك تعرفى الرجاله اللى متعودين على الشغل يملوا من القعده فى الحوش والكساد ويلخبطوك امعاهم لا عاد تعرفى اتضمى اكويس ولا اديرى حاجه فيها الفايده مرات انقول ربى يسعدهم ويبعدهم وياريته ديما شغل ههههه قود لايف ماشاء الله ديما تطبيقاتك روعه وذوقك حلو تبارك الرحمن المصباحى ان شاء الله بطولة عمرك وطاعة ربك ما اتقوليش مواليد 7 ابريل (هههههه) امشيمشه الله يعينك على السفر ومشقة الرحله وتوصلى طيبه امواج يابتى خشى حتى قولى خير ولاباس على صاحبتك وعطله سعيده مع السنافر انا امس قالوا لى ياماما عندنا عطله الجمعه والاثنين يعنى قاعدين فى الحوش 4 ايام قريب انجلطت ربى يحفظهم لكن المدرسه رحمه ههههه وعلى فكره يابنات الضيوف جايينى على يومين وحدين عازمينهم على باربكيو (شوايات) فشنو اندير مع الشوايات خصوصا اعويله ماشاء الله وفيه اصغار طبعا الشوايات على زوجى فنان فيهن انا بس عليا السلايط فشنو اندير والعيال شنو انديرلهم (اكيد مش حياكلوا لحم بس) عطنى افكار واليوم اللى بعده جايينى عائلات(وحدين اخرى)هذوم نبى انطيب ماكله فشنو اقتراحاتكن انا ما انحبش اندير حاجه من اليوم اللى قبلها يعنى لما يكون عندى عزومه انوض من الفجر ونبدا فى التطيب وترتيب الحوش انديره كله اليوم اللى قبله ويقعد امغير لمسات بسيطه يوم العزومه فشنو تقترحن الاكل انا فى بالى العصبان هذا رقم واحد لكن شنو اندير امعاه وخصوصا انهم واشون ماشاء الله فشنو انطيب فكرت فى الرشده بس حتأخذ وقت وشنو اندير شقاشق ,,, ويا حناتى عندنا عطله من يوم الجمعه علشان الاستر هذا عليش نازلين فيها عزومات انراجى فى افكاركن وعطنى حاجات حلوه لكن ما تاخذش وقت واجد ونقدر اندير كميه كبيره حوالى 20 شخص بما فيهم الاطفال :42: باقى البنات شنو الاخبار ؟

حياة ماشاء الله سلم ايدياتك شكله ايهبل الحلو ان شاء الله ربى يرزقك بولد الحلال (بعدها اتقولى...

اامل حياتي :

الف الحمدالله على سلامتك هذا كله من فضل ربي سبحانه وتعالى والف الف مبروك :icon28: على الحمل ان شاء الله ربي يتبته واجعله من الذرية الصالحة ويطول عمرك ان شاء الله ويحفظك لصغويرتك وراجلك يا رب :arb: انا 5 ابريل وشكرا على الدعاء واجعلنا كلنا يارب على طاعتك ربي يعاونك :angry: علي العزايم وانا نقترح عليك اديري كسكسي ساهل وقنين وديري معاهم شربة بصراحة شربتكم الشرق حلوة واكلكم كله حلوواديري معاه البيتزا على الفحم تهبل واديري كيكة عادية للصغار

الف الحمدالله على سلامتك هذا كله من فضل ربي سبحانه وتعالى والف الف مبروك :icon28: على الحمل ان...

حياه حلوه :

اهلين بنات كيف حالكم :icon28: :icon28: :icon28: الحمد الله علي سلامتك ام محمد والف الف مبروك عليك الحمل ياغاليه وربي ينوضك بي الف سلامه :icon28: شكرا حبيبتي وانتم اكيد من اول معزومين بس وين مش عارفه ليبيا او لامارات بارك الله فيك وبنسبه الي العزومه احسن شي للصغار هي بطاطا وكنتاكي ومرات رز ابيض وسلاطات عندك متبل باذنجال وتبوله وسلاطه روسيه وسلاطه تونه وسلاطه المشويه وكان ذكرت شي توه نكتبه وكان تبي المقادير عادي واحسن شي لليوم تاني كسكسي وعصبان وسلاطه ومصير واه والله خليه يوم عرس حني اليوم الحنه العروسه نديرو كسكسي وشربه وعصبان ومصير وسلاطه وشويه كبده وهذا علي ايام زمان شويه وربي يكون معاك حبيبتي شن رايك نجي نساعدك هههههههههه

اهلين بنات كيف حالكم :icon28: :icon28: :icon28: الحمد الله علي سلامتك ام محمد والف الف مبروك...