مدام علي :

لا يمكنك مشاهدة هذا التعليق لانتهاكه شروط الاستخدام.

ام تقى الدين :

السلام عليكم ورحمة الله وبركاته جمعه مباركه ،،كيف حالكم جميعااااااااااااااااااااااااااااااا:) :26: حياة حلوة ما تنشغليش عليها بنت خالتك ،،، غالبا ارتفع عندها ضغط الحمل وما كانش فيه استجابه كافيه للعلاج ---والحل الوحيد فى هذه الحالة هو العمليه للسيطرة على الضغط ،،ويستمر مرتفع شوى حتى بعد الولادة وبعدين يتعدل--غالبا هو هذا سبب بقاءها فى العنايه-اما حكاية الميه اللى فى البطن ما فهمتش بالضبط؟! يعنى من بعد العمليه ولا من قبلها ؟؟؟؟ وعموما ارتفاع الضغط الحاد يكثر فى اللى يحملوا وسنهم صغير -يعنى دون العشرين- ،،ومادام اتكلمى فيها وترد عليك معناها ان شاءالله حالها باهى ، ووضعها موش حرج ، بس مسألة وقت ويرجع كل شى طبيعى ----- وان شاءالله البيبى يسلم حتى هو وتفرحوا بيه وسامحينى مازلت ما دورت على الموقع ،لكن ان شاءالله نحاول الليله:) ام محمد كيف حالك وحال الاولاد او بوهم ،،، ان شاءالله كلكم بخير مدام على كيف حالك ،ذكرتينى باختى حتى هيا مدام على:) امواج ان شالله حالك احسن ؟؟؟؟؟!!! بقية الاخوات الحلوات سلامى لكم جميعاااااااااااااااا ونتلاقوا على خير :26: :26: :26:

السلام عليكم ورحمة الله وبركاته جمعه مباركه ،،كيف حالكم جميعااااااااااااااااااااااااااااااا:)...

em mohamed :

السلام عليكم ورحمة الله وبركاته كيف اخباركم اليوم ؟ أن شاء الله طيبات ... كلمت أمواج وحالها أفضل اليوم وأن شاء الله أتخش أطمنكن وسلمكن نشادات .. حياة ربى يرحمه الوليد لله ما أعطى ولله ما أخذ أن شاء الله الام تقوم بالسلامه ومازالت صغيره وأن شاء الله ربى يعوضها ويعطيها بداله المهم تبرا ,, وضغط الحمل سببه ارتفاع البروتين (الزلال)وهو اللى ايشد الميه اللى فى الجسم وايخلى الوحده تتنفخ أن شاء الله حالتها تتحسن مع العلاج ربى يشفيها ويحفظها ام تقى الدين الله يسلم حالك الحمد لله حالنا اكويس واليوم اطمنت على بوى داروله عمليه ثانيه فى مصر والتحاليل اكويسه وبكرا ان شاء الله يطلع من المستشفى اللهم لك الحمد عيونى ربى امعاك أن شاء الله امتى المشيه لليبيا ؟ حتى انتِ بتغيبى وتسيبى مكانك ربى يوصلكم بالسلامه وسريب السوق ما ايتمش خصوصا مع النزله والهدايا انا ديما ناخذ فى هدايا للحواشين يعنى تحف او تذكارات اللى عليهن كندا عرفتيهن ساعات وألا لوحات حائطيه كل عيله نشريلهم واحد والعيال ناخذلهم العاب من تويز ار اس وناخذ لكل طفل جديد بدله اكويسه وامى وام زوجى نشريلهن كيف بعضهن وابهاتنا زى بعضهم اكثر حاجه شباشب جلد من الدو لكن حكاية ملابس ما نرفعش لانى ما نعرفش احجامهم المزبوطه والماركات الحلوه هنا غاليه وما نقدرش انبد عليهم بسلامتهم هلبه ما شاء الله عندى خمس سلفات وخمس حموات(صبيات) وصبايا خوتى اثنين اه المكياج نرفع امعاى للبنات والشبوبات مرات نرفعلهن فى صندوق الهدايا اللى ايحطن فيه فى الخربش هذا يعجب فيهن وفيه طقم اللى فيه لوشن وجل ومعاهن شماعى تلاقيه فى الدرق شوبر وريحته حلوه حتى هذا ناخذ فيه امعاى والشكولاطه نشرى من الكوسكو هذه بيش انخشوا بيها على الصغار المهم سريب الله ايعينك ويقدرك ,,, مدام على كيف حالك ومرحبتين اللى طليتى علينا امعش اتغيبى ليبيه شنو حالك يا حنا فى كندا صعب القبولات فى الجامعات ما مش معترفين بحد ألا بشهاداتهم الكنديين وصعب ان الواحد يلاقى عندهم مكان ألا لو تابع للدوله زمان كان عندى قرار ضم بس بعدها امرضت وما قدمتش ولما قررت انقدم قالوا لى خلاص القرار ضاع عليك لأن زوجك كمل دراسه يعنى انحسبت عليا وما استفدتش منه ومن غير الدوله(قرار) ما تقدريش تقرى الا لو كنديه وحتى لو كنديه وطبيبه وشهادتك من برا كندا لازم اتخشى امتحانات سلسله طويله ما تنتهيش واتخشى حاجه اسمها ماتشنق ويختاروا الافضل يعنى كل سنه اللى ايقدموا بالالاف (مهاجرين) واللى ياخذوهم 250 بس فهذا عليش الواحد فش القمم وقمعز فى الحوش مؤقتاً يعنى نين ربى ايديرنا طريق . ليبيا قلبى ,نجيمه, المصباحى,انا اعتزلت الغرام ,تقربصتى (وينك معش خشيتى)أريام ,ام مودى ,مرام ,هناء ,قودلايف والغاليات امشيمشه وسلفيه (ايهيجن فى ليبيا سعدودهن) وينكن وشنو حالكن وشنو الاخبار وخشن الموضوع كساد راهو اليوم الجمعه بيش تقرن سورة الكهف وما تنسنش الدعاء بعد بكرا بأذن الله نمتحنوا المرسلات (عارفتكن كسلتن) بالسلامه توا

السلام عليكم ورحمة الله وبركاته كيف اخباركم اليوم ؟ أن شاء الله طيبات ... كلمت أمواج وحالها...