ليبية100 100 :

السلام عليكم كيف حال الجميع ان شاء الله بخير...بس وينكم معقولة نفس الصفحة من امس الجمعة؟؟؟؟؟ ان شاء الله خير.... المصباحى نحن بخير والحمد لله ربي يقدرنا على عيالنا في هالغربة ... كيف حالك انت وعيالك ان شاء الله بخير:) ... نحن هنا في المانيا ما يديروش امتحان لا شي لانه عبارة عن تدريب عملي وبعد اربع سنين يعطوك شهادة تسمى, الفاخ, ما يعادل دكتوراة بس تكون عملى ولازم اتديري ورقة عمل بيش قدري اتدرسي بيها في الجامعة بس انا ما نبيش اندير هذا كله توا غير ناخد اللغة لغة اتزعم الكبد :09: سامحونى على الكلمة بعدين يمكن ناخد حاجة ساهلة:42: ... وربي يقدم اللي فيه الخير...نخااف اتطير النية وما اندير شي.... :( باقي البنات كيف حالكم ان شااء الله بخير :26: سلامات:26:

السلام عليكم كيف حال الجميع ان شاء الله بخير...بس وينكم معقولة نفس الصفحة من امس...

امواج البحار :

السلام عليكم ورحمة الله وبركاته ... الحمدلله انكم بخير كلكم ... والحمدلله حالي بالمسكنات "اللهم لك الحمد والشكر" ابسط حركة فى الحوش ولا نسوق السيارة ظهري ينوض عليا حشاكن نقعد نمشي مقوسة وكرعي اليمين انكر فيها كران ومش قادرة انحركها "بسم الله على مرضي الظهر والمشلولين" الله يكون فى عونهم ويشفيهم ربِ وان شالله بإجره يارب ... وحشتوني يابناااات واجد نقول اليوم انخش ونهدرز ... نلقي روحي ملوحة على الكرسي وراقدة ولا انتوجع والحمدلله على كل حال ... ويوم بعد يوم اندير فى تحليل هرمون الحمل فى الدم والصورة قالولي توا انكلموك مازالو ماكلموني عليها وظهري من يوم الاثنين حشاكن انشلبت منه ومعاش قدرت لا نطبس ولا نوقف كويس والكرع انكر فيها كران امشيت الثلاثاء مستعجل للعيادة وشكو فى الاول جلطة فى الرجل وبعد الكشوفات قالت عندك انزلاق غضروفي :icon33: وماليش علاقة بالحمل !!! شكلي رافعة جاحة ثقيلة او متحركة بالغلط :icon33: ... ومنها حشاكن وانا نعاني بالمسكنات حبتين كل 6 ساعات ومرات انقول انتحمل الالم ولا ناخده بالكي يأثر على الحمل لكن نلقي روحي ناخد فيه من غير ارادة من الالم "اللهم لك الحمد والشكر" ... واليوم من الصبح قلت مش واخدته وعيالي خاطرهم فى بنكيك درته لهم الا انا زي المدمنة ناخد فى الحبوب من الوجع ... والراجل قداش منه وهو يعاني برا وجوا :icon33: ... يارب سهل امري يارب ووييسره ... وكملت المضاد الحيوي بتاع التهبات البول اكرمكن الله اليوم نحس فى حرقان البول مرة اخري :( ... وهذي اخباري امس كلمتني ام محمد الله يبارك فيها الصبح وكنت نغسل فى الحمام وانا كملته من هنا ومعاش قدرت نفرد طولي وقعدت نزحف على ركابي من الوجع والالم لغاية ماخديت الحبوب :icon33: وعيوني سهار رنت عليا بعد المغرب وانا فى حالة ... الله يبارك فيهن البنات واللهِ لما نهدرز معاهن ننسي الوجع وينطلق اللسان خخخخخخخ التهدريز ينسي فيا وكان نلقي نمسكيهن ومايسكرنش التلفون خخخخخخخخخ ... والسيارة انسوق فيها تقولنش عمري ماسقت !!! سوقة حرفة مغير مسكت الفرنوات قريب انخش فى القزاز ... :icon33: ... واللهِ ليكن وحشة وشكله الوحم جايني عالنوم ومنسطلة وقالو حبوب الظهر حتى هنا يخدرن وانا مانقصني !!! قلت انطمنكن وان شاالله انحاول انخش كل يوم وتوا نحاول نحفظ سورة المرسلات وبعدين انكمل يلى فاتني ... توا انحاول نقرا ردود البنات ونسلم عليهن ونتلاقو مرة اخري ان شاالله ...

السلام عليكم ورحمة الله وبركاته ... الحمدلله انكم بخير كلكم ... والحمدلله حالي بالمسكنات "اللهم...

امواج البحار :

حياة ... كيف حالك ياغالية وماشاء الله عليكِ ... الله يجبر بخاطرك ويسهلك امورك عاجلاً غير اجلاً ... ولاحول ولاقوة الا بالله على بنت خالتك والبيبي ... وان شاالله ربِ يعوضها بالذرية الصالحة ويشفيها ربِ وينوضها طيبة يارب ... مسكينة تعب حمل وهي قاعدة تعبانة والبيبي ربِ خداه ... انا لله وانا اليه راجعون ... ان شاالله انكلمك اليوم اول مانكمل تسليم على البنات ... امل ... مشكورة ياغالية على النشدة الله يبارك فيكِ وان شاالله العقبالك تحملي بس ماتعانيش هالمعاناة مع الظهر :) ... وماشاء الله عليكِ تخممي تكملي قرايتك ان شاالله موفقة يارب وصدقتِ مع العيال واعرة القراية لكن توا فاضية حاولي تستفيدي من وقتك ... غادة ... كيف حالك ياغالية ... ماشاء الله اول مرة انشوفها المنطقة هاذي حتى بالصورة ... واللهِ بلادنا حلوة غير ياخسارة !!! لنقيني استحشتها حتى بعجاجها وعطابها وشطابها خخخخخخ ... وبالذات وقت المرض ووقت ضيقة النفس تقولي اااه القعدة فى بلادنا ووسط حبابنا بالدنيا كلها ... الله يدوم عليك الصحة والعافية ويسهلك امورك ويجبر بخاطرك يارب ... ليبية 100 100 ... بارك الله فيكِ وان شاالله ماتنشغلي على غالي ياغالية ... الحمدلله حتى بالمسكنات مش مشكلة المهم فى حاجة تخفف الالم ... وخطرتي على العيال ... من كثرة ماني ماشية جاية على المستشفي ولا العيادة عيالي يسألو شنو فيه ياماما المهم قلتلهم في بيبي وبعيد عنك قريب يكتبوها فى الجريدة خخخخخخخخخخخ فرحانين قريب يطيرو وكل شوي ينشدو كيف حال البيبي باماما واللهِ قلت سبحان الله فى الاول كنت مش ولابد انا وراجلي على موضوع الحمل لكن توا مع العيال وفرحتهم واللهِ خايفة الا يصير فيه حاجة ويزعلو العويلة ماعندهمش دوا الا على البيبي وخلاص :) حتى الابلة بتاعهم قالوها لها وباركتلي خخخخخخخخخخخخ :) وربِ يتمم على خير ان شاالله والعقبالك يارب وتجيبي بنية تونس خوتها يارب ... اريام ياغالية ... كيف حالك وان شاالله طيبة ... الحمدلله حالي احسن ولو انه بالمسكنات ... كيف حال الاولاد وابو الاولاد وايش اخبار العتبة الجديدة ولا لسه مانتقلتِ !!! ام محمد ... الحمدلله انك بخير وبارك الله فيكِ عالنشدة وجعني مانفقدها يارب ... والحمدلله اخبارك الطبية كلها تمام وربِ يزيدك شفاء من عندك والحمدلله على سلامة بوك وان شاالله يروح طيب ومعافي وباللهِ سلمي عليهم كلهم وبذات على امك وعلى اختك واااااااجد لما تكلميهم :) ... ام تقي الدين ... بارك الله فيكِ عالنشدة ... والحمدلله ان شاالله بإجره يارب ... لكن مشينها الغربة والمرض ... :( ... كيف حال عويلتك وهلك كلهم ان شاالله طيبين ... صار هلك فى طرابلس خوال راجلي فى طرابلس يسكنو فى بن عاشور لعات عزوز وماشاء الله عليهم عليك بنات خال وعيال خال وعندي سلفي خو راجلي حتى هو يسكن فى طرابلس فى حي الضباط عات النعاس ... بالكيش تعرفيهم دبينك درنوية عايشة فى طرابلس ... وعندي بنت بنت خال راجلي عندكم مهندسة وعربها "هل راجلها" يسكنو غادي وعمها يلى هو بو راجلها دكتور اسنان ممتاز وراجلها دكتور ويحضر فى امريكا بس هي عجبتها الامارات سيبت امريكا وقاعدة عايشة مع عربها فى الامارات ... قرين ستار ... كيف حالك ولاباس عليكِ وان شاالله ربِ يشرح صدرك يارب ... معلش وسعي بالك وان شاالله ربِ يفرجها ... وردي بالك من بنيتك والعويلة هذا حالهم نومهم مش مستقر مغير وسعي بالك وان شاالله عن قريب تشوفي هلك وتسافري ... يابتي مافيش صحبات قريبات حتى بالتلفون تحكي معهم ... عيوني ... يارب سلمها نشادتي وجعني مانفقدها وان شاالله وانتِ جايبة بنية عسولة يارب ... ومعلش ياحنا الراجل لما يقعد فى الحوش ماتقدري لاتهدرزي ولا تقمعزي علي النت وان شاالله بنجاحه يارب وعاد انتِ خلطت عليك ماشية لليبيا والسوق !!! لعند اخر لحظة وانتِ يخطر عليك الشي الله يكون فى عونك ويسهلك امورك ورحلتك يارب واللهِ من توا انحس فى خلوقي ضايقات من يرن عليا كيف رناتك :icon33: ... يالله ان شاالله تنبسطي وانا انكلمك غادي "بوك سعيد مايغيب بعيد" خخخخخخخخ ... ليبيا قلبي ... كيف حالك ياغالية وان شاالله امورك طيبة ان شاالله ربِ يسهل على اختك وتجيب وهى طيبة وولده بخير يارب ... مافي شي بالسهل فى هالوقت وان شاالله بإجره ... ويارب يجبر بخاطرك ويسهلك امورك ونسمعو اخبار طيبة عاجلاً غير اجلاً يارب ...

حياة ... كيف حالك ياغالية وماشاء الله عليكِ ... الله يجبر بخاطرك ويسهلك امورك عاجلاً غير اجلاً...