good life :

ماشأالله تبارك الرحمن ربي يدوم علينا المحبة سلفية ان شأالله لاباس على شيبانيك ربي يشفيه عيوني ربي يقوم حناك بالسلامة ويشفيها ويخليهالكم يارب ام محمد بارك الله فيك على جهودك وان شأ الله نكون معاكم في الحفظ هذي كيكة حياة حلوة 104802 104803 سلامي للجميع

ماشأالله تبارك الرحمن ربي يدوم علينا المحبة سلفية ان شأالله لاباس على شيبانيك ربي يشفيه ...

good life :

قعدت ساعة باش نزلت الصور والحكاية تلخبطت صورة فوق وصورة تحت المهم طلعو تعرفو امس الجو عندنا كأنه ربيع شميسة ودفيه واحني سيارتنا عاطلة في الوقت الحاضر مشي امس راجلى قالي شن رايك نطلعو نتمشو لمحطة الباص بعدين ناخذو باص ونمشو لسنتر عاد وخيتكم خفيفة ماصدقت قتله هيا علاش لا المهم وتينا روحنا وطلعنا والمحطة بعيدة علينا شوية قريب ربع ساعة ماشى ....... لما وصلنا للمحطة قتله والله مازال خاطري نتمشى خلينا نكملو لسنتر ماشى وفعلا وصلنا لسنتر ومحسناش بالوقت والطريق خذت منا 35 دقيقة...... المهم واني نلود في السنتر الكندرة بدت تضرب ماهو جديدة واول مرة نلبسها......... وبعد ماكملت من الشري خلاص حسيت رجليا من الكندرة فمشينا طول خدينا الباص والدور الأول من الباص لقيناه معبي مشي كيف بنركبو للدور الثاني الباص بدأ يمشي ويخض حصلت في الدرج وراجلي وراى قايم الشكاير واني قايمة ولدي والباص يهز بنا فوق ولوطى وولدي يضحك يضحك والناس اللى في الباص يضحكو ماهو اول مرة يركب باص ......المهم ماكملت الدرج وقعمزت لن روحي طلعت ووصلنا المحطة واول مانزلت من لباص نحيت الكندرة من رجليا وكملتها حفيانة غاباهي العباية طويلة وسترت رجليا :26: :26: :26: وعلى قصة السيارة اول ماتزوجت وسافرت ماكانش عندنا سيارة ماهو كنا نسكنو بحدا السنتر وكل حاجة كانت قريبة علينا المهم لما حملت وقررنا نحولو لحوش اكبر لان حوشي الاول صغير هلبة راجلى شرى سيارة.......... فمرة من المرات كلمت حناى وهي كبيرة في السن عمرها ماشأالله قريب 85 سنة ربي يطول في عمرها .......فقالتلي: مبروك عليكم السيارة توا عاد معاش عندكم سبلة وتقدرو ادجونا ههههههه مسكينها تحساب نقدرو نمشو من بريطانيا لليبيا بالسيارة ههههه فقلتلها: مازال لن نشرو طيارة ههههه بايخة :26: :26: :26:

قعدت ساعة باش نزلت الصور والحكاية تلخبطت صورة فوق وصورة تحت المهم طلعو تعرفو امس الجو عندنا...

greenstar :

ليبية 100 100 ....تعالى نعطيك من السواد اللى تحت العين ...انى شكلى حالة وليت ومعاش عندى وقت never يادوبك اندير الغدى اللى كل يوم صابح واندير فيه على مضض وحتى حواجبى اغلظ من حواجب راجلى ...ووجهى معاش درت فيه شى ...وكله محبب من ايام الحمل لين يأست منه زمان لما كنت نمشى للدكتورة قريب نهبل انقوللها اكتبيلى للحبوب حاجة وهى امسكرة راسها تقوللى فى الحمل لاولا وألف لا....يهديك يرضيك ...وليت شينة تو راجلى ياخد عليا ..اتقوللى انتى جميلة بحملك انقول بالله وينه ...وتوا بعد ما جبت زاد قالولى من الهرمونات ...وبالذات وكان انزلت لليبيا هكى تو اتجينى الكآبة غادى من تعليقات الناس ...خيره وجهك هكى محبب وخيرك وليتى شينة وهات يا تعليق لين انقولله راجلى ما بعدك كيف تشوفلى ...ههههه اكيد حايرين فيا كيف هكى انقول لكن هدى الحقيقةالمرة شن بندير....تو انولى

ليبية 100 100 ....تعالى نعطيك من السواد اللى تحت العين ...انى شكلى حالة وليت ومعاش عندى وقت never...

em mohamed :

nonasemo لما تفتحى صفحة الياهو تلاقى كلمة ماسنجر اضغطى عليها وبعدها نزلي البرنامج اظن هكى لأنى من زمان نزلته وبعدها معش استخدمت الياهو أنا من أنصار الهوت ميل بس لاحظت كل اللى فى ليبيا يستخدموا فى الياهو . بهراء ما تشوفين شر ان شاء الله والوحام يبدأ من الاسبوع السادس يمكن هذه اعراضه الله يعينك ومو مشكله خليهم ايسمعولك واحنا واثقين فى اللى حتقوليه . قود لايف كيف حالك وشن الاخبار سامحينى مرات ننسى فى اسمك سعدودكم بالجو الدافى قعدنا غير نحن فى انتاريو كندا مازال الجو امسقع حتى الجهه اللى فيها امواج المفروض عندهم صقع لكن قالوا دافيين ونحن بعيد عنكن ما نوصل اولدى الصغير وانروح الا وجهى زى الثلجه وانحسه قريب يشقق من الصقع مع ان المدرسه امقابله الحوش. وما شاء الله الكيكه شكلها ايهبل واكيد طعمتها حلوه بأذن الله توا انديرها مع انى ما انحبش الكيك هلبه عطينى بكلاوه بسبوسه يعنى الحاجات امتاعات التعسيل وألا الحاجات الملبسه زى البشاكيط بالشوكولاته واللوز وهكى بس الكيد ما عنديش بال للتزيين امتاعه حدنى انليس عليه ناتيلا ونرش فوقها جوز هند(مش انتِ يا امواج) ويوم اندير كيكه اعيالى ايديره عيد وكلهم يراجوا امتى اتطيب كيكة ماما العجيبه (من الشوق مساكين) باهى السندوتشات شنو محشيات حتى هن شكلهن ايسهف بعيد عنك هالايام مجعومه ومش امعقبه جهد فى الماكله حتى سونيتى انعبى فيها مرتين كان استمر هالحال بنقعد قنطار غير الطول ساتر ... ويا حنا ديرى كندره خفيفه وواطيه للمشى أنا فى الصيف امدايره اسبيدروا خفيف ومرات شبشب اللى امسكر من قدام وفى الشتاء بوت نص رجل شكله زى كنادر الجيش زمان لكن بسريته مش بخيوط علشان الثلج احسن حاجه فى كندا البسى ماتبى وما حد امعدل عليك . قرين ستار سلمها هالهدرازه وياحنا كانك قعدتى بطبوطه هلبه حاولى اتنقصى لأنه الوزن توا بعد الجياب صعب ينزل كان ما حافظتيش عليه وغريبه كيف زوجك ايقولك كولى انا لما ايشوفنى انفتف بين الوجبات ايفنص فيا عدوه السمن وما ايحبش النساوين السمان من الامراض اللى ايشوف فيهن فى المستشفيات تعرفى لما انروحوا ويلقى حد وزنه زايد من العائله يقعد ايعارك فيه ووراه وراه نين ايكرهه فى الماكله ديما انقوله على كيفهم خليهم هم فى ليبيا ايحبوا المربرب ايقولى ما هو ما يعرفوش ان هذا كله امراض وياسر غير الضغط والسكر اللى هالكهم.

nonasemo لما تفتحى صفحة الياهو تلاقى كلمة ماسنجر اضغطى عليها وبعدها نزلي البرنامج اظن هكى لأنى...

em mohamed :

nonasemo لما تفتحى صفحة الياهو تلاقى كلمة ماسنجر اضغطى عليها وبعدها نزلي البرنامج اظن هكى لأنى من زمان نزلته وبعدها معش استخدمت الياهو أنا من أنصار الهوت ميل بس لاحظت كل اللى فى ليبيا يستخدموا فى الياهو . بهراء ما تشوفين شر ان شاء الله والوحام يبدأ من الاسبوع السادس يمكن هذه اعراضه الله يعينك ومو مشكله خليهم ايسمعولك واحنا واثقين فى اللى حتقوليه . قود لايف كيف حالك وشن الاخبار سامحينى مرات ننسى فى اسمك سعدودكم بالجو الدافى قعدنا غير نحن فى انتاريو كندا مازال الجو امسقع حتى الجهه اللى فيها امواج المفروض عندهم صقع لكن قالوا دافيين ونحن بعيد عنكن ما نوصل اولدى الصغير وانروح الا وجهى زى الثلجه وانحسه قريب يشقق من الصقع مع ان المدرسه امقابله الحوش. وما شاء الله الكيكه شكلها ايهبل واكيد طعمتها حلوه بأذن الله توا انديرها مع انى ما انحبش الكيك هلبه عطينى بكلاوه بسبوسه يعنى الحاجات امتاعات التعسيل وألا الحاجات الملبسه زى البشاكيط بالشوكولاته واللوز وهكى بس الكيد ما عنديش بال للتزيين امتاعه حدنى انليس عليه ناتيلا ونرش فوقها جوز هند(مش انتِ يا امواج) ويوم اندير كيكه اعيالى ايديره عيد وكلهم يراجوا امتى اتطيب كيكة ماما العجيبه (من الشوق مساكين) باهى السندوتشات شنو محشيات حتى هن شكلهن ايسهف بعيد عنك هالايام مجعومه ومش امعقبه جهد فى الماكله حتى سونيتى انعبى فيها مرتين كان استمر هالحال بنقعد قنطار غير الطول ساتر ... ويا حنا ديرى كندره خفيفه وواطيه للمشى أنا فى الصيف امدايره اسبيدروا خفيف ومرات شبشب اللى امسكر من قدام وفى الشتاء بوت نص رجل شكله زى كنادر الجيش زمان لكن بسريته مش بخيوط علشان الثلج احسن حاجه فى كندا البسى ماتبى وما حد امعدل عليك . قرين ستار سلمها هالهدرازه وياحنا كانك قعدتى بطبوطه هلبه حاولى اتنقصى لأنه الوزن توا بعد الجياب صعب ينزل كان ما حافظتيش عليه وغريبه كيف زوجك ايقولك كولى انا لما ايشوفنى انفتف بين الوجبات ايفنص فيا عدوه السمن وما ايحبش النساوين السمان من الامراض اللى ايشوف فيهن فى المستشفيات تعرفى لما انروحوا ويلقى حد وزنه زايد من العائله يقعد ايعارك فيه ووراه وراه نين ايكرهه فى الماكله ديما انقوله على كيفهم خليهم هم فى ليبيا ايحبوا المربرب ايقولى ما هو ما يعرفوش ان هذا كله امراض وياسر غير الضغط والسكر اللى هالكهم.

nonasemo لما تفتحى صفحة الياهو تلاقى كلمة ماسنجر اضغطى عليها وبعدها نزلي البرنامج اظن هكى لأنى...