ام تقى الدين :

ما شاء الله ----- طلعت درت دورة فى المنتدى لقيت امواج وحياة خاشات كيف حالك يا امواج ، وبارك الله فيك عانشدة ،،الحمدلله اوليدى عنده التهاب فى الاذن الوسطى ويضرب فى راسه منها --لكن الحمدلله توة مع المضاد انحس فى حالته مستقرة ،،بارك الله فيك وربى يسلملك عويلت انتى وكل اخواتنا الحبيبات حمدلله على سلامتك وان شاء الله كل شى يمشى كويس وتولدى بالسلامه ، يا حنا شكله اوليد انا وخواتى لما يكون الحمل اوليد ايزيد علينا وجع الضهر ،،، مع انه هرمون الحمل يخلى اربطة الجسم اكثر ارتخاء وعشان هكى تزيد اوجاع الضهر والعضام بصفه عامه لكن لاحظت ان الحمل بذكر يزيد من هالوجع ومن قبل خواتى كانوا هكى ---ربى يعينك ويسهلك امورك حياة حلوة --كيف حالك،نبى انقوللك انا وزوجى نستخدموا فى برنامج ال- vyke- للاتصال بليبيا ونزلوا فيه عن طريق برنامج tunnel بيش نتجاوزوا الاتصالات وتكلفة المكالمه لليبيا الدقيقه ب22سنت يعنى ثلث المكالمه بالتيلفون العادى، ان شاءالله توة نشرحلك اكتر مرة تانيه وسلامى لامك وتوة انقوللكم مع السلامه:) :26:

ما شاء الله ----- طلعت درت دورة فى المنتدى لقيت امواج وحياة خاشات كيف حالك يا امواج ، وبارك الله...

ليبيا قلبي :

السلام عليكم ورحمة الله ويركاتة كيف حالكم ياحلوات شنو اخباركم ان شاء الله كلكم طيبين ام محمد كيف حالك كيف حال صحتك ,كيف الحمل معاكي ان شاء الله منكش تاعبه وربي يتمم عليكي بالخير ويقعد الباي من نصيبك. عيوني كيف حالك ,كيف حال الصغار ,والله تعرفي وانتي تحكي على عملتهم متت على روحي من الضحك في نفس الوقت سخفتني ياحرام والله الواحد مل من الضم يالله ربي ايعاون .الشغل الحمد الله ماشي حاله الحمد الله يوم زحمة شغل ويم كساد منسجمه ام تقى الدين الحمد الله بخير وانتي كيف حالك وكيف حال الصغار لاباس علىولدك .وهذا حال الدينا والدوام والبقاء لله .قولي شنو قصت برنامج ال- vyke ,لان كنت نستعمل في واحد تاني بس غالي وطلعي كان نتصل من موبيل يعني مستفدتش بي شي ,اه لقيته توه في النت باهي نبي نسالك كيف تشري الكروت او عن طريق النت ,ومد نقاوة الصوت انا الي كنت نستعمل فيه الصوت رهيب بكل واضح على الاخير مافيش الدستن في المكلمه غير مشكلته غالي حياة هلا حبيبتي ,الله يسلمك ويسلمها والله حتى هي ما شاء الله عليها ,قوليها تنش عليكي الصحه ,والله خالي مازال تعبان قاعد ياخذ في الكيمو ثربي لاسبوع الي فاتت تعب بكل مويجه بارك الله فيكي وعلى دعواتك الي اترد الروح وترفع المعنويات . كيف دايره مع الحمل ان شاء الله منكش تاعبه وربي يتمم عليكي بالخير .كيف حل الاولاد ان شاء الله كويسن .

السلام عليكم ورحمة الله ويركاتة كيف حالكم ياحلوات شنو اخباركم ان شاء الله كلكم طيبين ام...

ام تقى الدين :

ليبيا قلبى صباح الخيراااااااااااااات ،، كتبتلك رد او طاااااااااااااااااااااااااااااااااار:( توة انعاود نشرحلك على الvyke بعدين :( :26:

ليبيا قلبى صباح الخيراااااااااااااات ،، كتبتلك رد او طاااااااااااااااااااااااااااااااااار:( ...

اريام الحنين :

اهلين ومرحبتين امواج البحار انشاءللة حولينا ولاعلينا (الحمل )ياحنى انا طفشانة من اللى عندى وانتى تبين تزيدينهم .ايواللة كساد عالاخر شكلة طفح الكيل ومانى مصدقة متى يكمل ولدى ونمشى لاهلى . ام تقى الدين اللة يسلمك احنى بخير ومانسأل الا عنكم .لا ان صديقاتى الليبيات تعرفت عليهم بدبى زوجى اشتغل فيها 4 سنوات .وانا ما استقريت بالسعودية يعنى مابعرف الا اهلى واقربائى. حياة حلوة اللة يسلمك احنى بخير والجو تحسن ربيعى لكن كساد . عيونى سهارا اللة يسلمك وانشاءللة ربى يعوضنى باحسن منة .

اهلين ومرحبتين امواج البحار انشاءللة حولينا ولاعلينا (الحمل )ياحنى انا طفشانة من اللى عندى...