G Libya :

السلام عليكم كيف حالكم يا بنات ان شاء الله تمام ليبيا قلبي ربي يشفيه خالك حياه الحمد لله على سلامة البابا ام انجل اهلا بكِ تقصدي مروة اللي زمان كانت تكتب في قسم الاشغال اليدوية تنزل في اعمال كروشيه وخرز , اعتقد انها مصرية مش ليبية انا اعتزلت الغرام اهلا بكِ ام محمد تسلم ايديك عالتطبيق وانت يا عيوني تسلم ايديكِ عالحلويات الروعة تعرفي اكتشفت (((((((((( ههههههههههههه اكتشاف خطير ))))))))) ان هنا يبيعوا في حلاوات بعجينة اللوز في محلات الحلويات وتوا نزيد نتأكد من المحلات اللي في طرابلس بالذات الحاراتي اكيد شغلهم احلى من اللي عندنا هنا نجيمة . ام تقي الدين , ليبية 100100 , تقربصتي , مرام كيف حالكم ان شاء الله تمام هناء ولوشا وينكم طمنونا عليكم امواج وينك وكيف حالك توا ان شاء الله احسن ام محمد مرة ثانية انا ماحفظتش السورة والله عارفة روحي مقصرة ولكن الصداع والكحة والالتهابات تعبوني هلبه ان شاء الله نحاول نحفظ سلامات

السلام عليكم كيف حالكم يا بنات ان شاء الله تمام ليبيا قلبي ربي يشفيه خالك حياه...

em mohamed :

السلام عليكم ورحمة الله وبركاته كيف حالكن يا حبوبات كلكن بدون أستثناء ... سلفيه شنو أخبارك وكيف صحتك توا ؟ وكيف حال العويله وكيف حال البلاد والعباد ؟ روحتى وألا تكتبى من غادى ؟ وليكِ وحشه يا غاليه ربى يجمعنا بيك على خير ويوصلك سالمه وين ما كنتِ عيونى ما شاء الله تبارك الرحمن ,,, عجبونى الحلويات وقررت توا توا نمشى انجيب العجينه والمكونان بس التوت والكرز المجفف فى أى مكان محطوطات وعصير الكرز المركز حتى هو شنو شكله نبى كل حاجه بالتفصيل وصورتها (وحده حصله طحتى فيها ) والوردات حتى هن من وين (من الدولار؟) نبى انديرهن اليوم كان سخر ربى وتوا انزل صورتهن (وحده تحب تقلد ههههه) ناويه على نيه اهلين حبيبتى واعذرينا قصرنا معك بس ظروف دخولنا للنت صارت تمنعنا عموماً الهدايا للعرايس مثل ما عندكم بالسعوديه ممكن تهديها أى شيئ وفى ليبيا كل شيئ موجود بس عموما العروس تهديلها اما اشياء خاصه لأستعمالها وافضل شيئ الذهب أو تهديلها اشياء لبيتها شراشف أو مفارش أو عطور ..... بس الملابس الداخليه وفساتين النوم احسها كل وحده تحب تختار على ذوقها وخصوصا العروسه كل اهتمامها بملابس النوم فى الشراء يعنى اكيد مكتفيه .... ليبيا قلبى بالعكس ليبيا مليانه محلات ملابس العرايس وعندهم تشكيلات روعه واسعارها رخيصه وفيه الايطالى والفرنسى والسورى خامات حلوه المدينه القديمه فيها محل فى وسط الزناقى عنده تشكيلات روعه انا لما نزلت شريت كم حاجه منهم وراجلى واقف قدام المحل ايعيط هيا سقدى روحك (لأن المحل زحمه نساوين وهو تحشم يخش امعايا جوا وأنا انقطعت رقبتى جوا وقعدت انهدرز مع النساوين ونختاروا فى الفساتين ونحساب روحى عروسه قعدت انمارى فيهن اللى يشرنها نشريها ) ام تقى الدين كيف حالك وحال اوليدك ان شاء الله احسن توا ... وربى ايخليلك اصغارك ويقدرك على تربيتهم وصدقتى التربيه مسئوليه وكل ما يكبروا كل ما ايزيد الحمل والتخميم . والله أنا عايشه فى كابوس وكل ما انشوف حاجه نقعد ماسكه قلبى امس بنتى طولت ما طلعت من الفصل وخوها طلع قبلها وجانى قال لى يا ماما رويدا ما لقيتهاش انا وين تلقينى ؟ وشويه البنت طلعت تمضغ فى مستكه قريب زقبت عليها وقطعتها فى الشارع اتاريها الابله شدتهم اتهدرزلهم على مدرسة المتفوقين هى والاثنين اللى نجحوا فى الامتحان وقعدوا ايهدرزوا ويرتبوا فى الفصل وعطتهم مستكه ...(قابلت اابله فى العشيه وقالت لى على اللى صار) انا عاركت بنتى وقلت لها اول ما يضرب الجرس اطلعى مع انها ما قعدتش خمس دقايق ومعش دخلك فى الفصول اتضمى شنو خصك أن شاء الله ايدودن وعاقبتها فى دارها بالحبس بوها قال لى خفى على البنت مش هكى ما دارت شى توا اتعقديها فى عيشتها واصلا ما تأخرتش غير انتِ اللى شهداره وولدك اشر منك والمدرسه مليانه طلبه .. لكن والله الواحد مش بأيده كل حاجه اتخوف فى هالوقت . ربى يسترنا ويستر اعويلتنا ويحفظهم ... يا بنات انحس فى روحى قعدت قالقه على العيال اكثر من قبل وطول الوقت وانا انفكر كيف انتعامل امعاهم وكيف انفهمهم راسى قريب ينفجر انشوف فى المراهقين هنا وفى ليبيا ويدى على قلبى كيف عيالى حيطلعوا ؟ اللهم انبتهم منبتاً حسنا ... عارفه انى امكبره القصه وامحبكاها بس بجديات متخوفه وديما ندعى لهم بالصلاح والتقوى هذا غير مازالوا صغار امالا بعد يكبروا اشوى شنو ايصير فيا فعلاً يا ويلنا من ولدينا زى ما ايقولوا الليبيين .... ليبيه شنو حالك ؟ ويا حنا انا امنزله كم موضوع صور السنه اللى فاتت مشينا ندهوروا فى مقاطعه على المحيط الاطلسى اسمها نوفا سكوتيا ونزلت صورها فى موضوع توا اندوره لكِ وتفرجى على جمال كندا ... امواج شنو حالك وشنو صحتك ؟ اسمعى نبوا انجوا لألبرتا فى شهر سبعه (زوجى قال لى البرتا وألا بريتش كولومبيا اختارى ) انا خاطرى انشوف بانف والروكى ماونتن وجاسبر .... المهم اقترحى علينا المكانات الحلوه عندكم والسكن سألنا قالوا احسن حاجه الكوتج نبى اندير برنامج سياحى حلو خلينا نشوفوا جمال الخالق وروعة تصويره سبحانه . انراجى فى اقتراحاتك على فكره رحلتنا بأذن الله تبدأ يوم 25 يوليو وعندنا 10 ايام .... اريام كيف حالك وحال الاولاد؟ ممكن الخيره فيما اختاره الله وممكن البيت اللى انتوا فيه الان افضل لكم وربى منع عتكم شر البيت الثانى ما تعرفى ؟ المهم تكونوا مرتاحين الحين ربى يطوى غربتكم على خير مرام شنو اخبارك وشنو حال العيال وبشويه على حموده الاولاد بسلامتهم كلهم حركيين وبعدين الواحد لما يكون عنده عيال يقعد عارف فما عندك عليش متحشمه من صاحباتك اكيد امهات وعيالهن نفس الشيئ ... ربى يفرج همك وكربك ويجبر بخاطرك ويفرحك .. حياة وينك مش باينه أن شاء الله ما فيش حاجه تعودنا بدخولك المتواصل ما تحرميناش من مشاركاتك وسؤالاتك ربى يوفقك ان شاء الله باقى البنات أن شاء الله كلكن بخير أمتحان الاسبوع هذا فى سورة المرسلات أكملى رعاك الله فاذا النجوم طُمست ......فبأى حديث بعده يؤمنون . الاسبوع الجاى سورة الأنسان (ساهله) موفقات

السلام عليكم ورحمة الله وبركاته كيف حالكن يا حبوبات كلكن بدون أستثناء ... سلفيه شنو أخبارك...

ام تقى الدين :

أعوذ بالله من الشيطان الرجيم *بسم الله الرحمن الرحيم فاذا النجوم طُمست *واذا السماء فرجت*واذا الجبال نسفت*واذا الرسل اقتت*لأى يوم أجلت * ليوم الفصل*ويل يومئذللمكذبين*الم نهلك الأولين*ثم نتبعهم الأخرين*ويل يومئذ للمكذبين*ألم نخلقكم من ماء مهين * ثم جعلناه فى قرار مكين * فقدرنا فنعم القادرون * ويل يومئذ للمكذبين *ألم نجعل الأرض كفاتا*أحياء وأمواتا *وجعلنا فيها رواسى شامخات وسقيناكم ماء فراتا * ويل يومئذ للمكذبين*انطلقوا الى ما كنتم به تكذبون*انطلقوا الى ظل ذى ثلاث شعب*لا ظليل ولا يغنى من اللهب *إنها ترمى بشرر كالقصر * كأنه جمالات صفر * ويل يومئذ للمكذبين*هذايوم لا ينطقون*ولا يؤذن لهم فيعتذرون*ويل يومئذ للمكذبين*هذا يوم الفصل جمعناكم والأولين*فإن كان لكم كيد فكيدون*ويل يومئذ للمكذبين*إن المتقين فى ظلال وعيون* ----فاكهة مما يشتهون*كلوا واشربوا هنيئا بما كنتم تعملون *إنا كذلك نجزى المحسنيين*ويل يومئذ للمكذبين *كلوا وتمتعوا قليلا إنكم مجرمون*ويل يومئذ للمكذبين*واذا قيل لهم اركعوا لا يركعون* ويل يومئذ للمكذبين *......فبأى حديث بعده يؤمنون .

أعوذ بالله من الشيطان الرجيم *بسم الله الرحمن الرحيم فاذا النجوم طُمست *واذا السماء فرجت*واذا...

ام تقى الدين :

ام تقى الدين :

السلا م عليكم ورحمة الله وبركاته خواتى كيف حالكم جميعااااااااااااااااااااااااااا ،،،أسأل الله ان تكونوا جميعكم بخير من ثمار هذة اللمه الحلوة--اتصلت امس بليبيا قلبى وسبحان الله عمها واخذ قريبتى،،وولد عمتى واخذ قريبتها ،،،سبحان الله الدنيا صغيره !!!!!!!! وبارك الله فيك ليبيا قلبى وبارك الله فى ام هشام ،،وان شاء الله نكون عند حسن ظنكم وين لقيتى عجينة المارزيبان---؟؟؟؟؟ انا امس دورتها فى الكارفور ما لقيتهش ،،قوليلى وين لقيتيهم؟؟؟؟ وبالنسبه للبرنامج تقدرى اتدير اختبار الصوت بيش اتحددى بالضبط وين الخلل (فى المايك امتاعك ولا وعندهم هما ) وان شاء الله يمشى معاك كويس،،وربى يلطف بخالك ويشفيه وييسر حمل اختك عارفه انى امكبره القصه وامحبكاها بس بجديات متخوفه وديما ندعى لهم بالصلاح والتقوى ام محمد -------والله الذى لا إله الا هو الأمر عظيم وخطير جداااااااااااا ،،ولانك امكبرتيها ولا شى،،فتن عظيمه وتيارات جارفه وقويه صعبه علينا نحن الكبار فما بالك بالصغار ،،خاصة لو كانوا وسط مجتمع غير مسلم،نسأل الله ربى يعينك ويعيننا جميعااا،انا ناويه نستمر معاكم بالنقاش فى موضوعك-العيال كبرت-موضوع مهم جداااااا وياريت انشوفوا فيه تفاعل اكبر ،،وان شاء الله نحصل وقت وانكتب اللى فى خاطرى ج-ليبيا ---كيف حالك واسرتك--طرابلس فيها محلات متخصصة بحلويات اللوز بس وممتازة ويجيبوا فيهم من تونس طازة وممكن كان لعرسك-ان شاءالله على خير وبركة-توصيهم ايجيبولمك من تونس مخصوص،،عندك محلين بقرقارش بجانب مسجد بدر وواحد تانى بجانب محلات الشروق-غادى حوش اهلى-وفيهم حتى نوعيه خاصة بمرضى السكر ،،الكيلو بعشرين جنيه -حسب ما نتذكر ونوعيه ممتازة (ان شاء الله يكونوا مستمرين بنفس الجودة)ويسموهم الحلويات التونسيه ،،،بالك تعرفيهم؟؟لكن اهوا للفايدة حياة حلوة ---الحمدلله على سلامة بوك وان شاء الله ديما مجتمعين على الخير، وبالنسبه لبرنامجvyke نزليه وديريلك حساب فيه -عضويه-زلازم يكون عندك كريديت كارد ،، اشرى دقائق مثلا 20 دقيقه (كله عن طريق النت وموجود فيه الطريقه) وباذن الله ما فيش مشاكل لان فيه نظام امنى لحماية الكارد ،،وان شاء الله يمشى معاك تقربصتى --مرحبا بيك فى اى وقت --غير بلغينى لما اتجى ابوظبى وان شاء الله انتلاقوا على خير:) بقية الحبيبات -----أسمعنا الله عنكم كل خير وانقوللكم توة دمتم فى حفظ الله

السلا م عليكم ورحمة الله وبركاته خواتى كيف حالكم جميعااااااااااااااااااااااااااا ،،،أسأل الله ان...