em mohamed :

السلام عليكم ورحمة الله وبركاته ,,, كيف أخباركن يا بنات وشنو الحال والاحوال؟ معش نلقى فى وقت للنت وقعدت ديما مشغوله (ربى يشغلنا فى طاعته) الجو اسقم عندنا والحمد لله جانا الدفى والربيع ومعش فيه فضوه خصوصاً الصغار يبوا يطلعوا العشيات ويلعبوا فى الشارع بالبشكليطات وانا لازم امعاهم(حرس) شكلى نمشى نشرى بشكليطه حتى انا وانهيج كيف هالبشر (تخيلونى راكبه فوق دراجه وبطنى قدامى ) امس كنت مشغوله ودرت حمله كامله للحوش وغسلت بساط وبالمره فكيت حتى كراسى السياره وغسلناها (العيال فرحوا وهيجوا بطوبو الميه فى الشارع ) وبعدها راجلى لابيه لا عليه عزم صاحبه على الغداء :icon28: المهم درت لهم بسرعه كسكسى بالبصله ومحشى فلفل وبعدها طلعت بالصغار للبارك ومشيت نين رجلى تكسروا واليوم انحس فى روحى متكسره من التعب وهذا جدول الويكند عندى .... المهم شنو اخباركن انتن وأن شاء الله ديما على الخير مجتمعات ... وليش كسلانات فى التسميع وين الباقيات ,,, وحتى انا خلونى انسمع زيكم وتعرفى يا ام تقى الدين فكرت انى نكتب تسميع جزء تبارك قبل ما نلقى ردك سبحان الله القلوب عند بعضها شوره ... بنات أنا نستخدم فى برنامج المرتل فى الحفظ لما نقعد على النت نسمع الشيخ وبعدها نقعد انقول امعاه (تلاوة حفص) أعوذ بالله من الشيطان الرجيم بسم الله الرحمن الرحيم ((فاذا النجوم طُمست *وأذا السماءُ فُرجت* وأذا الجبالُ نُسفت *وأذا الرسلُ أُقتت *لأى يوم أُجلت*ليوم الفصل*وما أدراك ما يوم الفصل*ويلٌ يومئذ للمكذبين*ألم نُهلك الأولين *ثم نُتبعهم الأخرين *كذلك نفعل بالمجرمين *ويلٌ يومئذ للمكذبين *ألم نخلقكم من ماء مهين *ثم جعلناه فى قرار مكين *لقدر معلوم *فقدرنا فنعم القادرون*ويلٌ يومئذ للمكذبين *ألم نجعل الأرض كيفاتا *أحياءاً وأمواتا *وجعلنا فيها رواسى شامخات وأسقيناكم ماءاً فُراتا *ويلٌ يومئذ للمكذبين *أنطلقوا الى ما كنتم تكذبون * أنطلقوا الى ظل ذو ثلاث شُعب*لا ظليل ولا يُغنى من اللهب *أنها ترمى بشررٌ كالقصر *كأنه جمالاتٌ صُفر*ويلٌ يومئذ للمكذبين *هذا يوم لا ينطقون *ولا يؤذن لهم فيعتذرون *ويلٌ يومئذ للمكذبين *هذا يوم الفصل *جمعناكم والأولين *فأن كان لكم كيدٌ فكيدون * ويلٌ يومئذ للمكذبين*أن المتقين فى ظلال وعيون *وفواكه مما يشتهون*كلوا وأشربوا هنيئاُ بما كنتم تعملون* أنا كذلك نُجزى المحسنيين *ويلُ يومئذ للمكذبين *كلوا وتمتعوا قليلاٌ أنكم مجرمون *ويلٌ يومئذ للمكذبين *واذا قيل لهم أركعوا لا يركعون *ويلٌ يومئذ للمكذبين *فبأى حديثٌ بعده يؤمنون *)) أم أنجل ايوه مروه بن على كانت معانا بالملتقى وبعدها ما بينت ممكن رجعت لليبيا أن شاء الله المانع خير .. وفيه كثير بنات ليبيات كانوا بالملتقى وأختفوا ربنا يرجعهم لنا بالسلامه ويحفظهم وين ما كانوا ... أذكر أم الغوالى وشجرة النارنج كانوا معنا وهم موجودات بهاملتون كندا بس ما عاد شاركونا بالقسم والاخت نجمة طرابلس (ام هشومى) كانت من القدامى بالمنتدى بس برضو ما عاد شاركتنا يارب تسمع ندائى وتدخل وتسلمى لسؤالك يالطيبه ,,, ام تقى الدين سبحان الله الدنيا صغيره والليبيين يطلعوا معارف (النسب يقرب هلبه) وتعرفى كل الامهات ايخممن ومش لأننا فى دوله مش مسلمه بالك هنا أرحم وتعرفى مدرسة العيال المدير مسلم باكستانى كندى وفيه واجدات بنات محجبات أنا بنتى تلبس فى الحجاب يوم الجمعه بس فى المدرسه :42: بس من السنه الجايه قالت نبى نلبسه ديما ,,,والمسجد تمشى بجلباب ومحرمه وفصلها قريب 8 مسلمين يعنى كندا نوعاً مش زى أوروبا بالنسبه للاسلام والمسلمين حتى أخلاق الناس محترمين ومحافظين والكل خايف على صغاره حتى النصارى ... برامج التلفزيون كلهن مكتوب عليهن الاعمار واى برنامج لا أخلاقى يعرض بعد التاسعه ليلاً وكل اشوى بين الدعايات ايقولوا هذا غير مناسب للى عمرهم اقل من 14 (لو فيه عنف) أو للى اقل من 18 كان لقطات غير سويه ... والحمد لله انا امدايره رقابه على التلفزيون واصلاً مش امخليه عندهم وقت بيش يتفرجوا يعنى ايروحوا من المدرسه الساعه قريب 4 ويمشوا للمسجد الساعه 5 ويروحوا السبعه ويا دوبك ايروحوا يكتبوا الواجبات وحماماتهم وعلى النوم طول هاليومين بس انخلى فيهم يلعبوا اشوى برا بعد ما ايوحوا من المسجد واللى امساعدنا ان المدارس ما يعطوش فى واجبات واجده ... امدايرين جهدنا وأن شاء الله ربى يحفظهم بس هو الوسواس ديما يشتغل وهذا طبيعى عند كل أم ... وموضوعى معش لقيت له وقت لكن أن شاء الله يستمر التحاور فيه .. مواضيعى كلهن معش لقيت وقت هذا ومازال الرابع ما شرف (أشبح بعدين كيف ايصير ؟):09: ليبيا قلبى أن شاء الله لا باس على خالك ربى يسمعكم عليه خبر خير حياه الحمد لله على سلامة والدك ربى يحفظه لكم أن شاء الله الأب ما ايجى كيفه حد والله يا بنات عندى توا نحضن بوى خير من الدنيا وما فيها اليوم كلمته الصبح بتوقيتنا لقيته فى المطار هو والحاجه خلاص امروحين للبلاد والحمد لله تريح وتطمن على صحته ربى يحفظه لى مشيت نابشتهم قلتلهم خيركم امروحين زيدوا فرهدوا قالت لى امى ما هو خوتك فى بنغازى كل اشويه متصلين امتى اتروحوا ؟ سبحان الله خوتى كلهم كبار ومتزوجين ما فيش ألا واحد مازال شاب لكن ما يتحملوش بعد اهلهم (حسنى حاسدتهم قاعدين جنب الغوالى وأنا املوحه فى اخر الدنيا ) اسم الله عليا وخلاص :icon33: :icon33: :icon33: غاده لاباس عليك هذا موسم الحساسيه . حتى انا اتجينى فى شهر 5 لما يبدوا يقصوا فى العشب عيونى يقعدن زى الطماطم وياكلوا وخشومى حشاكن يقعدن زى الشيشمه ونعطس نين اندير البخاخه امتاع الحساسيه ... واتجى امعاهم الكحه والشرقه ,,, تقربصتى وينك ؟ وألا من جوه أحبابه نسى أصحابه ,,, يناسكم بوكم وأن شاء الله ديما امعاكم وربى ما يحرمكم منه ... امواج وعيونى وينكم الويكند تمت راهو ؟ ستار والمصباحى وليبيه شنو اخباركن ؟ انا اعتزلت الغرام كيف حالك وخيرك زعلانه وألا شنو امدايره وجوه تعبيريه ؟ يا بنات سلفيه مازال ما روحت قاعده تكتب من ليبيا اتصلت بيها تليفونهم اموقفينه حالياً ... باقى البنات كيف اخباركن ؟

السلام عليكم ورحمة الله وبركاته ,,, كيف أخباركن يا بنات وشنو الحال والاحوال؟ معش نلقى فى وقت...

ليبيا قلبي :

غاده كيف حالك حتى انتي اتعاني من الجيوب ,والله حتى انا الجيوب الانفيه والحساسيه دايره فيا حاله بذات الجو هنا في دبي ديما عجاج الفتره هذي وبعدين الرطوبه .

غاده كيف حالك حتى انتي اتعاني من الجيوب ,والله حتى انا الجيوب الانفيه والحساسيه دايره فيا حاله...