em mohamed :

السلام عليكم كيف حالكم اليوم أن شاء الله جمعه مباركه على الجميع اليوم انحس فى روحى متضايقه اشوى ومن الصبح خاطرى نبكى (اعوذ بالله من الشيطان الرجيم) سبحان مقلب القلوب يوم هكى ويو هكى (صح الغربه كربه) المهم شنو صار فى الحفظ والتسميع شوركن معش تبن تحفظن يا بنات أنا بأذن الله حنستمر فى حط الجدول والأمتحان واللى تبى تتابع مرحبتين واللى تحس روحها تأخرت نرجوها مش مشكله لكن الله يبارك فيكن خلونا انديروا فايده ها شنو انحط امتحان سورة الأنسان وألا لا ؟ تقربصتى ان شاء الله لا باس على زوجك وتسلم ايدك على الحلويات شنو هن وشنو الطريقه ؟ ام تقى الدين ما شاء الله معجنات حلوه انا ما نعرفش انه فيه تصويت أو لا ؟ بس هكى توقعت شنو رايك انحود الصور خير ما حد يسرق افكارك (خلى الحقوق محفوظه) لحين ظهور النتيجه ويا حنا حتى هنا الفنيات ممنوع عليهن ايقولن لأن هذه معلومات خاصه المريض بس من حقه يعرف تخيلى زوجى فى المستشفى ويقدر ايخش فى اى وقت على ملفى لكن ممنوع عليه ولو يكتشفوا انه دخل بالكود امتاعه على ملفى يتم مجازاته (كل حاجه هايلى كونفدنشيال) ولازم كل ورقه اتوقعى بأنك تسمحى برؤيتها أو لا . دكتورتى قالت لى ناقشت مع زوجك حالتك , بعدها قالت لى انا اسفه لو عندك اى مانع انا نعتذر انى حكيت عليك امعاه . قلت لها يا حنا خوذى راحتك اصلاً نحن العرب ما اندسوا شيئ على رجالتنا . ممكن الامارات علشان المشاكل الناتجه عن معرفة نوع الجنين بس هنا ما ايقولوش علشان يعتبروها معلومات خاصه ,,, شوفى كل حاجه المريض هو بس اللى يعرفها وغيره لا حتى يوم بلغونى بمرضى كنت بروحى مع الدكتور بعدها قال لى نقدر انبلغ زوجك وألا لا لاحظى فى ليبيا المريض بالاورام كل الناس عارفه مرضه ألا هو دار روحهم خايفين عليه من الصدمه النفسيه مع ان ربى ينزل البلاء ومعه الصبر ولو كان ايقولوا له على الاقل يستعد لمواجهة ربه وكان عنده ديون يقضيهن ,,, ليبيا قلبى شن اخبارك ونستنوا فى كيكاتك وديكوراتهن . وطيب اللى اطمنتوا على خيتك وان شاء الله ربى يلطف بخالك ... حياه كيف حالك ؟ وديما الكمبيوترات بعفايسهن ان شاء يتصلح لأن الواحد تعود عليهن قعدنا مدمنيين . امل ان شاء الله ربى يفتح على زوجك ويرزقه من حيث لا يحتسب ويسخرله الخير أن شاء الله نجمه وغاده وبتول شنو اخباركن ان شاء الله طيبات ؟ امواج شنو صحتك اليوم ان شاء الله افضل يا بنات امواج وحمها جاى على الكمبيوتر وما عندهش اخلوق ربى ان شاء الله ايخفف عليها الوحم وترجع لنا بسرعه عيونى وينك امس اتصلت بيك وما فيش رد شنو مشيتوا لليبيا وألا شنو ؟ باقى البنات كيف اخباركن ؟

السلام عليكم كيف حالكم اليوم أن شاء الله جمعه مباركه على الجميع اليوم انحس فى روحى متضايقه...

ليبيا قلبي :

السلام عليكم ورحمة الله وبركاتة بنات هذين الكيكات الي تعلمتهم في الكورس ,cake decorating course طبعا خذيت كورسين وان شاء الله كان سخر ربي الاسبوع الجاي عندي كورس الثالث وبعدها نقعد ناخذ ورك شوبس كل فتره ,يعني اذا حابه نتعلم تكنيك جديدفي طريقة التزين . الكورس الاول عباره عن كيف تغطي الكيك بطريقه صحيحه وكيف تستعملي كيس التزين وتشكيل والشغل لزم ايكون بزبدة كريسكو لانها لونها ابيض وتتحمل الحراره (شينه بكل ههههه) بس ضروري منها بيش تقدري تشتغلي . وتتعلمي تشتغلي اديري الروز كان هذا احلا شي هذي صورة الكيك قوس قزح كانت تاني درس في الكورس الاول . هذي كانت مشروع التخرج هههههههههه النهائي في الكورس الاول الكورس التاني الي كملته اليوم كيف تشتغلي بالرويل ايسنق كله الشغل كيف ادير انواع الورود, كل الورد الي تعلمنه من اول درس اندسه بيش اتجبيها اخر حصه اتزين الكيك كيف ما امبين في الصوره طبع الورد كله اجف مع الرويل ايسنج وشغل بيه ممتع . على فكره انا كنت نبي انكمل الكورسات كلها وانزلهم مره وحده,بس قلت لزم البنات اشوفن انتاجي وان شاء بعد ما انكمل الكورس التلات انزلهم مره اخره في ملف ابروحه . ان شاء الله يعجبكم ,يعني مش برفكت ميه في الميه بس انجاز. الحمد الله

السلام عليكم ورحمة الله وبركاتة بنات هذين الكيكات الي تعلمتهم في الكورس ,cake decorating course...

ليبيا قلبي :

ما شاء الله ام تقى الدين فيك بارك الله ,ما شاء الله على خزبرتك روعه شكله اسهف ربي يعطيك الصحه ياحنه سبب زيادة وزني سبنس الله يسامحه ,كل يوم وانا مروحه من الشغل ,ياحنه انخطم عليه ناخذ من خبزتها ,لا وشنو نشرط على الخباز نبي من الي في الفرن هههههههههه.,تبي الحق سبنس حاجته كلها سمحه بس عطه مايرزيه في هل غلا كل شي زايد فيه والله في حاجات 4 دراهم فرق عن الجمعيه او كافور مع هذا كله تلقينه مطرين نشروا منه لان قريب علينا.انا انرجي في تليفونك ,وان شاء الله ربي يطلف بي حاله

ما شاء الله ام تقى الدين فيك بارك الله ,ما شاء الله على خزبرتك روعه شكله اسهف ربي يعطيك الصحه ...