ام تقى الدين :

السلام عليكم ورحمة الله وبركاته كيف حالكم كلكم ،،ان شاء الله تكونوا بخير ام محمد بارك الله فيك ،،الصور معاش عرفت --فى الاول سالت ام دانه ممكن نشترك باكثر من صنف --قالتلى اشتركى ،،نحساب المشرفه تختار ،،وتوة دزتلى قالتلى اختارى اما صنف نعرضوه فموش عارفه ،،كله ماشى --بالك انتوا تختاروا معاى ،،انا درت سلة الخبز موش عارفه نوريكم صورتها ولا لا ،،انحس فيها هى اللى غريبه اشوى،،والصور اللى فاتو للضفيدعه بعجينة البف ولخبزة الفرن ولخبزة الجبنة والزيتون ودرت حتى الفركسيه - السندويشات المقليه- شنو رايكم اما وحدة نعرضها ؟؟؟ يللا انديرلكم تصويت ،، ما تنسوش انراجى فيكم وبخصوص ضيق الصدر يا ام محمد ---طبيعى جدااا،،الحمل هكى (وهن على وهن ) وهن جسدى ونفسى وعقلى وكل شى ،، والله انا لما نحمل نكره كل شى حتى حوشى ،، وتجينى اوقات نقعد نبكى بدون سبب كل يوم فى نفس الوقت قبل المغرب ،،انقعمز نبكى ،، وانقول الحمد لله ما تجينيش هالكآبه بعد الولادة ، لأن الطفل شنو ذنبه ،، المهم وسعى بالك واهو ايام وتعدى وتفرحى برزق الله وربى يسهلك كل خير ليبيا قلبى ----شغلك رااااااااااااااااااااااااااااااائع،،ما شاء الله لا قوة الا بالله ،، الكيكة التانيه حاولت نفهم كيف درتيها زى الكاروهات المتقاطعه ما قدرتش نفهمها ،، ذوقك رقيق جداا ،،ان شاء الله لما اديريهم فى عرسك:) ،،ولا تبى تاخذى جاهز ،،تهيالى ما يطلعش هكى!! ليبيه 100100 كيف حالك ،، ما تكدريش روحك ،،الحال من بعضه ،، انا العيل يقعد يبكى بشكل شبه مستمر الى ان ايخش الشهر السادس ،،وتحسيه قبلها ديما قلق ،،والسبب المغص ،انايجيهم بطريقه قويه ،،وما نرتاحش الا لما يبدوا ياكلوا الاكل العادى ،، بنتى التانيه كنت فى الاول انرضع فيها من صدرى ،،اول ما نحطها فى سريرها كانك حاكتيها بفلفل ،،تبدا اتعيط من جديد ،،لدرجة من قلة اكلى وشربى حتى صدرى جف معاش كفاها ،،فغيرت عالصناعى ،، ارتحت شوى --لكن المغص مستمر ،، عيالى الثلاثة نفس الشى ،،فانت بالنسبه لوليدك الصغير تاكدى انه شبعان موش ناقصه الاكل ،، وتاكدى ان ما عندش حاجه متعبته -زى التهاب فى الاذن عافاه الله-وان ما عندش امساك امضايقه ،، ولما كل شى يكون كويس خلاص مالك الا الصبر ،،هذا غالبا اتجيه نوبات مغص وتمشى لما يبدا ياخذ الاكل العادى بالنسبه للنظام الطبى الامريكى الاكل العادى يعطوه لما يسكر 6 شهور ،، لكن الانجليزى ايقولك 4 شهور ،، وانا لما جربت الانجليزى لقيته اريح خاصة زى حالات عيالى ايجيهم المغص ويطول عندهم ،، لكن لما نبدا نعطيهم الاكل العادى شوى بشوى يرتاحوا ،،ونحب نبدالهم بالبطاطا المهروسه وبعدين انزيدها جزر وكوسا شوى بشوى ،،ونكره السريلاك والرز والحبوب الجاهزة ،،ونطيبلهم بروحى ،، ولدى لما بدا عمره 7 شهور ونكسل انطيبله انحط بطاطا مع غدانا تطيب فى المرق وبعدين ناخذها ونهرسها مع جبنة البقرة ونعطيها له وبالنسبه لحوشك بيش ترتاحى ،،معيش تركزى واجد ،، انا اختى جايبه خمسه ما شاء الله ورا بعظهم قالتلى ما تركزيش واجد بيش ما تتعبيش ،، انا كنت لما بنتى تكب قطرة على ملابسها انغيرلها على طول ،،لكن توة انفوت ،،والحوش المهم ايكون نظيف لكن الترتيب معيش انركز واجد ،،لانى فى شقه والعيال ما عندهمش متنفس او بديل يلعبوا فيه ،، دار الجلوس غالبا اتلاقيها العابهم والمطبخ عيونهم يلعبوا فيه --فنخليهم خايفه نضغط عليهم لانهم طاقه ولازم ايفرغوها وما عندهمش حد غيرى انا وبوهم ايدلعهم ويلعبهم زى ما لو كانوا فى بلادهم مع اقاربهم ،،فعاطيتهم مجال من الحريه وشوى بشوى انا تعودت معاهم وحتى بوهم فمعش انتكدر واجد من حوستهم ،، انا بنتى الكبيرة ثلاث سنوات ما قدرتش انقيدها انها تلعب فى مكان معين ، تحب تلعب جنبى فمخليتها ،قلت انراجى شوى لما تكبر ونعودها على مكان معين للعب، المهم العيال كلهم راهم هكى لكن يعتمد كل شى على وسعة بال الام وقدرتها على التحمل ،، انت لما تبرمجى تفكيرك على انه احتياجاتهم فى هذه المرحله حتكون كثيرة ومعتمدين عليك فى كل شى لكن شهر عن شهر حتخف المسأله ويبدوا يعتمدوا على انفسهم ،حترتاحى وتحسى انها مسألة وقت بس وتقولى ايام وتفوت حاولت انفيدك بتجربتى ،،مع انى موش عارفه وليدك الكبير كم عمره ،،وفضفضى واحكي بيش نساعدوك اكتر :) امواج ---ان شاء الله امورك بخير ،،، وباهى اللى طمنتينا عليك ،،وربى يعينك عيونى --ربى ييسر لازواجكم انت وام محمد النجاح بيش ترتاحوا حتى انتوا ويخف عليكم الضغط بقية الغاليات ---ان شاء الله كلكم بخير :26: :)

السلام عليكم ورحمة الله وبركاته كيف حالكم كلكم ،،ان شاء الله تكونوا بخير ام محمد بارك الله فيك...

ام تقى الدين :

المصباحى ----كيف حالك ،،ان شاء الله ربى ييسرلكم اموركم انت وزوجك ،، انا فى الاول استغربت ان زوجك ايدور فى عمل ،،قلت متغربن عشان العمل ،،الى ان عيونى سالاتك عالدكتور عرفت انه دكتور ،، ربى يسهله الخير واهو الطب سريبه عمره ما ينتهى ،، لكن خدمة انسانيه عظيمه للى يبى يخلص ويعطيها كل وقته ،،ان شاء الله نسمعوا عنكم كل خير جرين ستار ---كيف حالك ،،،وكيف حال اسرتك ،،الصورة اللى فى توقيعك زادت شعلت النار فى قلبى ،،ربى ايوصلنا لبلادنا على خير حال يااااااااااااارب

المصباحى ----كيف حالك ،،ان شاء الله ربى ييسرلكم اموركم انت وزوجك ،، انا فى الاول استغربت ان زوجك...

G Libya :

السلام عليكم كيف حالكم يا بنات انا الحمد لله احوالي تمام لكن قاعدة مريضة والحرارة ليها ثلاث ايام ترتفع وتنخفض توا نحس في روحي بننحرق من الحرارة واليوم زايدة طالعة للبر دهواري من قبل الساعة 10 الصبح للخمسة ونص بعد العصر العموم انا توا عندي صداع وراسي قريب ينفجر تحياتي للجميع وسلامي ليكم سلامات وتصبحوا على خير

السلام عليكم كيف حالكم يا بنات انا الحمد لله احوالي تمام لكن قاعدة مريضة والحرارة ليها ...