aionisahara :

ليبيا قلبي الغالية كيف حالك و حال عيلتك ان شاء الله خير علي اختك و ربي يسرلها امرها و انشاء الله تجيب و تنوض لاسو و لاسوية و يكون البيبي من قسمها و تفرح بيه ان شاء الله ربنا معاها و معاك و طمنينا عليك و عليها كل ما اتحصلي فرصة توكلوا علي الله

ليبيا قلبي الغالية كيف حالك و حال عيلتك ان شاء الله خير علي اختك و ربي يسرلها امرها و انشاء...

em mohamed :

السلام عليكم ورحمة الله وبركاته ,,, كيف حالكن يا بنات اليوم؟ أن شاء الله بخير كلكن وجزاكن الله كل خير على الدعوات لأم شهد ربى يتقبل منكن ... كلمتها وحالها باهى ونحوا لها التوبو (الشفط) وطلعت من المستشفى وماشاء الله صابره ومحتسبه وراح يبدوا لها فى الكيماوى قريب ربى يقويها ويقدرها على تحمل عذابه المرض ابروحه ما يتعبش والمريض ما عندش اى الم او اعراض بس العلاج الكيماوى هو اللى يهد الحيل ربى يقويها وتتحمله ان شاء الله ... ليبيا قلبى لا باس على خيتك أن شاء الله ربى يثبت حملها ويرزقها الذريه الصالحه المعافاه ويحميها من النزيف واى مضاعفات هى فى اما شهر توا .؟ طمنينا عليها ... وما تنلامى أهل المريض حتى هم مرضى ومشغولين أن شاء الله ربى يطمنكم ويسهل حملها وولادتها . ام تقى الدين ما شاء تسلم ايديك جوعتينى ع الصبح شكلها حلو وساهله انا انحب المعجنات ونازل عليا همع هاليومين نأكل فى ماكله اتحشم وخصوصا الحلو والشوكولاطه ... زدت 11 باوند فى شهر (حوالى اربعه كيلو) كان استمر هالحال بنقعد بطاح لما نوصل شهرى ... عيونى شن اخبارك وشن حال الصغار ؟ وكيف دار راجلك فى امتحاناته أن شاء الله تمام ؟ انا قال ما أظنش ؟ ألا كان صلحوا عن طريق الكرف ممكن انعدى واحسن حاجه مش هلبه كنديين خاشين توا ... انا ما واجعنى ألا الحصار اللى حيديروه لنا ثانى كان ما نجحوش (ربى ان شاء الله ينجحهم ونفتكوا ) كرهت حاجه اسمها قرايه .. امواج كيف حالك وشن اخبار حملك ومشيتى درتى تحاليلك وألا لا ؟ ومشكوره على الصور مع ان اكثرهم مش طالعين ... وأن شاء الله كان عشنا كل المدن اللى قلتيهن فى المخطط ... بانف وجاسبر وبحيرة لويس هن الاولات وبعدها كالغرى وفى النهايه ادمنتون ان شاء الله وشنو لقيتى مواقع تأجير اكواخ وألا لا وياحنا ريتى الصغار حافظين كل حاجه وفالحين مش كيفنا محمد اول ما قلت له البرتا وديناصورات قال لى اه ((باد لاند)) هى اللى لقوا فيها حفريات الديناصور لأن الديناصورات كانن عايشات فيها قبل ما ينقرضوا خخخخخ لو كان تشوفى ياسين حتى هو يهز فى راسه ويسمى فى انواع الديناصورات (تراكوسورس ومش عارفه شنو ؟؟؟؟) جتنا نيله فى قرايتنا الهباب ××× قعدوا يحشوا فينا فى كان العرب وكان المجاهدين وما نعرفوا شيئ على العالم ؟ امس يا بنات كنت مشغوله من الصبح كان عندى (اوبن هاوس)اليوم المفتوح لبرنامج الاطفال المتفوقين لأن رويدا بنتى نجحت فى امتحانات القدره الذهنيه وبعثوا لنا انها تسجل فى مدارس المتفوقين ... المهم من اسبوعين داروا اجتماع لأولياء الامور وشرحوا على البرنامج وطريقته وقالوا عندكم ثلاث خيارات ياأما اتخلوا عيالكم يقروا فى مدارسهم العاديه أو تسجلوهم يوم واحد فى الاسبوع يحضروا فى مدرسة المتفوقين وباقى الايام فى مدارسهم بس حيضيع عليهم اليوم والمدرس مش حيقدر يلحق لهم اللى فاتهم او انكم اتسجلوهم فى برنامج المتفوقين (GIFTED CHILD PROGRAM) المهم امس دايرين الاوبن هاوس للعيال والاهالى مشيت انا وبنتى للمدرسه اللى حيديروا فيها البرنامج احسن حاجه مدير المدرسه باكستانى مسلم كندى (ما شاء الله) اسمه فاروق شوبار (فيه عيلة شوبار فى الخمس ) المهم طريقة القرايه أن العيال هم اللى يبحثوا عن المعلومه مش المدرس يشرحلهم يعنى لو درس عن المعادن المدرس حيقوللهم رؤوس العناوين وبعدها العيال يبحثوا فى الانترنت والكتابات ويديروا زى البحوث وكل واحد ايجيب معلومه ويقمعزوا ايهدرزوا عليها وبعدها ايديروا ملخص للدرس والمدرس يرتب لهم الافكار (شفتوا التطور كيف ) مش قلتلكن جتنا نيله فى حظنا الهباب هههههه طبعاً العويله اول ما خشينا خذوهم للمكتبه ايديروا فى نشاطات والهدرزه بس مع اولياء الامور ... بعدها خذونا لفه فى المدرسه (تور) وتفرجنا عليها يا بنات مدرسه ابتدائى وعامه حتى جامعة العرب الطبيه ما اتجى شيئ بحذاها ,,,, وانقولوا ليش الاجانب متطورين ؟؟؟؟ المهم السبورات اسمهن سمارت بورد (السبوره باللمس مش المدرس يكتب بالطباشير عليها هى تولع والمعلومات يكتبهن المدرس زى البروجكتر يعنى ومجرد الاضاءات يبانن عليها حتى هى السبوره الذكيه (حقها اربع الاف دولار ) والفصل فيه اجهزة كمبيوتر مش العاديات لاب توبات (كل فصل فيه 25 لاب توب وعندهم وير لس انترنت بيش ايخشوا على النت ويتحركوا العيال بالاب توبات امتاعاتهم (هذول سنه رابعه ابتدائى راهو ) يا حناتى شالنا لغرفه زى المكتبه اسمها الدوريات هذه فيها اخر الاصدارات فى الابحاث والمدرسين يساعدوا العيال وايجيبوهن لهم والعويله ايدوروا بس ويبحثوا ومشينا للملعب (حيه حيه قعدت قريب انشرط شلاتيتى ههههه) المهم فيه حفر صغار فى الجدران قال هذين حواجز الصوت بيش الدوشه فى الملعب ما تنسمعش فى الفصول واخر حاجه الاداره فيها كاميرات مراقبه لكل المدرسه يعنى السكرتيرات امقمعزات ويراقبن فى الفصول والممرات ما عدا الحمامات مافيهنش كاميرات جوا بس لو واحد خش وطول ما طلع ايعدوا ايشوفوه مش غافلين على شيئ بس انا مازال ما قررت بنتى تمشى وألا لا لانى ما نقدرش انخليها تمشى بلا خوها فطلبت منهم امس ايديروا له الامتحانات وأن شاء الله حتى هو يطلع قيفتد بيش يمشوا مع بعضهم .. وهذا اللى صار ... امواج عندكم البرنامج هذا فى البرتا وألا لا؟ كان عندكم اطلبى منهم ايديروا الاختبارات لعيالك انا ما كنتش نعرفه نين هم داروه لبنتى ومحمد ما كانش عندهم فى لندن فما داروش له السنه اللى فاتت .. ان شاء عيالنا يطلعوا افضل منا وربى يحفظهم ويسلمهم يارب وفى الليل كنا معزومين على عشاء فى مطعم بالداون تاون تورنتو كانت شركة ادويه عازمه قسم زوجى وحاجزين لنا طاوله مشينا غيرنا جوا فى مطعم فخم على ضوء الشموع وطنيناها ماكله نين طلع من خشومنا وروحنا (طبعاً العيال فى الحوش جتهم بيبى ستر وانا وراجلى واخذينها صياعه لعقابات الليل ...) احسن ما فيه المطعم يلبسوك البالطو ويفتحولك البيبان زى الافلام خخخخخخ وهذين اخبار امس بالتفصيل ما عليكن امجاحده يا حنا ... ليبيه وحياة وامل واحلى دلع ونجيمه ومدام على واريام ومرام وهناء وقودلايف وغاده وتقربصتى وام مودى والغايبات الحاضرات امشيمشه وسلفيه ودى لون وكل البنات يارب اتكونن بخير وصحه فى امان الله توا

السلام عليكم ورحمة الله وبركاته ,,, كيف حالكن يا بنات اليوم؟ أن شاء الله بخير كلكن وجزاكن الله...

مدام علي :

لا يمكنك مشاهدة هذا التعليق لانتهاكه شروط الاستخدام.

ليبيا قلبي :

بارك الله فيكم توه دوبني جيت من المستشفى ام محمد هي توه في الاسبوع 28 ,توه قاعدين يعطوفيها مصل بيش ايخفف الانقباضات الي في الرحم ,وان شاء الله ايكون البيبي من قسمها .

بارك الله فيكم توه دوبني جيت من المستشفى ام محمد هي توه في الاسبوع 28 ,توه قاعدين يعطوفيها مصل...

حياه حلوه :

السلام عليكم كيف حالكم شنو اخباركم ان شاء الله الجميع بي خير اني في بدايه كنت متصوره اني الياهو عاطل بعدين تصلح الياهو طلع الجهاز يبي فورمات امس وخيرا درنه فورمات للجهاز بس فيه مشكله شنو سبب مش عارفه يقعد الياهو اون لاين مع انتي طلعت تسيجل الخروج وحتي امس خالتي خبرتني انه كل اميلاتنا عنده اون لاين مع انيه مسكرينهم توه حل مؤقت هو نكم تبعثوالي جرس او أي شي كان مكتبتش ورد عليكم يعني منه ليه مفتوح (ام محمد) كيف حالك وشنو اخبارك وشنو عندك وحم والي عادي وربي ينوضك بي السلامه انت والعيل وربي يفوقه بنتك وصغار عندي سؤل علي السرطان الثدي وين يطلع بظبط وكيف يكون شكله ان شاء الله تفديني ان شاء الله لاباس علي صاحبتك ربي اشفي صديقتك اللهم رب الناس اذهب البأس وأشفها شفاءاً لا يُغادر سقما أنت الشافى لا شفاء ألا شفاءك (ليبيا قلبي) ان شاء الله خير علي اختك و ربي يسرلها امرها و انشاء الله تجيب و تنوض لاسو و لاسوية و يكون البيبي من قسمها و تفرح بيه ان شاء الله ربنا معاها و معاك و طمنينا عليك و عليها كل ما اتحصلي فرصة توكلوا علي الله تسلم يداك علي الكيكات عندي كم سؤل لاول انتي الكيكه الي تستعملي فيه الهوائيه او الجهازه ثاني كيكه القوس قوزح نبي نسالك علي لالوان من وين (ام تقي الدين) مشاء الله تسلم يداك لا اني قعده في عجمان مصارش من العين كان خويه عنده امتحان مصارش توه نبي منك لو تعرفي الحديقه العين خبرني عليه يعني هي كبيره وفيه حيونات هلبه مفتوحه او قفاص مسكره ومتي موعيد الفتح من الصبح لعند امتي (نجيمه) شنو اخبارك كيف حالك وكيف حال بنوته شنو خبار عياط عنده أي القريه الي تسألي عليه اني مزال قاعده في الحوش والله شكله مهو صاير منه القريه لانه شنو مزال شهر سته نزلوا علي ليبيا وهي تبي حوالي اربع شهور وان شاء الله خير (ليبيا 100100) كيف حالك مع الصغار تعرفي شكلي وحده من لاثنين مس متزوجه والي تزوج مافيش صغار ههههههه من الي صاير معاكم من الصغار ري يكون في عونك توه يكبروا وتنسي كل شي ربي يحفظهم ليكيم (تقبرصتي) شنو اخبارك وكيف حالك وشنو وين وصلتي في الرجيم وكيف حال بنوتات (امل) كيف حالك وشنو اخبارك ان شاء الله بخير وأن شاء الله ربى ايسخر لزوجك الخير ويتوفق فى الوظيفه (امواج) كيف حالك وشنو اخبار الوحم معاك ان شاء الله بخير ربي ينوضك بي السلامه انتي وبيبي تسلمي علي الصور الحلوه شوفي انت هكي تشوفي عريس في كندا خلتني نحلم بي كندا حتي في اليلل هذا الصور بس هههههههههههههههههههههههههه والله تسلمي علي صور بصراحه اني عجبتني شنو خبار صغار وكيف حال زوبه وانت كيف حال ظهرك توه ان شاء الله احسن (عيوني) ان شاء الله ربي يوفقه زوجك سمحني حبيبتي والله بعد كتبتي خيرك علي اون لاين مدرتيش تحشمت منك واجد هذا حبيبتي الياهو مش عارفه خيره هكي اني نطلع وهو يقعد اون لاين بس انتي اكتبلي لو مرديتش عليك اعرفي اني طالعه وان شاء الله نتلقوا مره تانيه المهم كيف حال احمد وعمر ومتي ان شاء الله مشيه الي ليبيا (غاده) وينك معاش بينتي نهائ لا هني ولا مسنجر ان شاء الله خيروالله مشغوله عليك واجد اسمعي او ماتقري ردي ردي عليه حتي علي خاص لانه ياهو مرات يقعد اون لاين ومعندكش كيف تكتبي علي اوف لاين وان شاء الله تكوني بخير (احلي دلع) ربي ينجحك وتوفقي في دراستك (مدام علي) كيف حالك شنو اخبارك كيكه باربي المقادير كيكه السيسرول يفضل تكون بي ايس الكريم كريم ديرم ويب او أي نوع عجينه المرزبان (عجينه اللوز) الوان حتي يلون بيه العجينه واهم شي باربي الطريقه في صحن عميق يوضع فيه ورق لص أي أي كيس نيلون تقطع السيسرول قطع متوسطه وتص في الصحن جنب بعضه نسكب عليه الكريمه حتي تغطي بي الكامل ونطرح باقي السيسرول من فوق ونسكر عليه بي ورق لصق توضع في الفريز حوالي نص ساعه او كثر في صحن تقديم تقلب الكيكه السيسرول التزين تفرد العجينه المرزبان يفضل يكون تحته ورق لصق او ورق زبده حتي يسهل الفرد وتوضع الكيكه ويكون هذا الفستان ناخذ باربي ونضعه في النص بظبط كما في الصوره بدون الارجل ومن بعده نقص الطراف الزايده وتعجن باقي العجينه مع للون وتشكل ورد وتوضع علي الفستان كما في الصوره (التزين حسب رغبه مش مطلوب تقيد بي تزيني) وهذا الشكل النهائ ان شاء الله تعجبكم واي سؤل او توضحي حاضر وهذي الرابط الاصلي http://forum.hawaaworld.com/showthread.php?t=597959 سلامي للجميع وان شاء الله منكون نسيت حد وكان نسيت سمحوني سلامات توه

السلام عليكم كيف حالكم شنو اخباركم ان شاء الله الجميع بي خير اني في بدايه كنت متصوره اني...

+3