حياه حلوه :

السلام عليكم كيف حالكم توه اني اليوم جوا لعندنه ضيوف ونحس في رحوا مدهوكه علي اخر ياحنه اني مزكومه ومحصله برده وراسي صداع كان نلقي نخش نرقد مافيه حد ينوضني شي ثلاث ايام هههههههههههههه مخطريش والله ثلاث ايام و الحمد الله كانت العزمه مشاء الله مانقصه شي ان شاء الله تكون هكي واحلي من هكي شي يوم نعزمك فيه مع بعضكم نبي نسألكم منو يعرف الهريسه(شربه البقوليات) الي يديروا فيه الي جايبه توه نرد عليكم ان شاء الله (مشيمشه) الحمد الله علي سلامتك :icon28: كيف حالك وحال الصغار وكيف حال الحمل والوحم معاك شنو اخبار ليبيه تقريب اني علي حط يدك لا جديد عندي ههههههههههه المهم الحمد الله علي سلامتك (ام تقي الدين) كيف حالك وشنو اخبار الجو شوفتي خلاص معاش فيه تعرفي نشر الدبش نقعد نفكر فيه مشوار من الجو شنو ينشره ههههههه شكلي ندخل المنشر نشر داخل وبعدين نطلعه والله حاله وبنسبه الحديقه الحيوان هذي حنو تبي حيونات وتبي فيل كبير وفيل صغير توكلهم رز بي يده هههههههه شنو رايك الجمعه القبل هذي مشينه الي حديقه جميرا حديقه الحيوان دبي لكن شنو عيبه مسكره واجد القفص مسكر علي اخر مش واضحه الحيونات وصغيره وحيوناته شويه علي اخر وحنو تبي تشوفهم وضحات توكلهم بي يده هههه:hahaha: نسمع انه حديقه العين كبيره وسمحه نمشوا للعين لكن الحديقه لا قبل بس العين حلوه واجد وخاصه جوه حلو بشكل مره قلت الي بابا خلينه نسكنوا في العين وانتي كل يوم تعال لي دبي للشغلك ساعتين وشويه :42: وبصراح الخبزه لاخيره حلوه بشكل لايام الي فاتت ماما وخذه طريقته وقعد دير فيه حلوه حلوه تكثر والي مكثرش لازم تكمل الخبزه سلامت يداك نبي نسالك لو عادي انتي ساكنه في شقه والي حوش ارضي (ام محمد) بارك الله فيك علي توضيح وشكر ياغاليه وجزاك الله خير والله حاجات ماكنش الواحد يعرفه بارك الله فيك كيف حال الوحم معاك نبي نسالك البسيسه (الروينه) لو هي اني نعرفه توه نبعدهلك بجد والله ربي ينوضك بي سلامه انتي وبيبي (ليبيه 100100) كيف حالك وكيف حال صغار قعدين متعبينك ربي يخليهلكم ويحفظهم من كل شر (عيوني) شنو اخبارك وكيف حالك شنو الجو العام عندك وكيف حال الصغار ان شاء الله بخير وان شاء الله امتي نوايه السفر الي ليبيا ومتي تفتحي المسنجر مره تانيه اسمعي شوفي الوقت الي يناسبك وحتي اذا كان عندي لليل متأخر عادي نسهر بس انتي اعطني توقيت ان شاء الله نتلقوا بأذن الله (امواج ) كيف حال ك وكيف حال الوحم معاك لا شكلك احسن مشاء الله مشاركتك ترجع زي زمان مشاء الله عليك وربي ينوضك بي السلامه انتي وبيبي وكيف حال ظهرك رهو انتي مرديتش عليه في مسنجر علشان هكي عود لاسئله ههه المهم تكوني بخير ومشاء الله علي الولدك خبزه تنور حتي حني اول امس جي واحد من ليبيا جاب معه خبزه تنور خطرته عليه (مدام علي) اهلين شنو اخبارك وكيف الجو ليبيا بدا يسخن علي خبار (لوشا ) اهلين وينك تغبي تغبي المهم تكوني بخير وتعرفي كم خاطري يوم نلقي رد منك تسألي علي حياه حلوه هههههههههه كيف حال فرنسا (غاده) وين الصوره تانيه (قولاد لابف) كم ليه معاش كتبت اكثر من شهر ان شاء الله خير توه سلامات نشوفك بخير ان شاء الله

السلام عليكم كيف حالكم توه اني اليوم جوا لعندنه ضيوف ونحس في رحوا مدهوكه علي اخر ياحنه اني...

aionisahara :

السلام عليكم و رحمة الله و بركاته كيف حالكم و شن اخباركم ما شاء الله عليكم اليوم , اللمة عامرة ان شاء الله ديمة هكي وسطية انستينا و شرفتينا و ان شاء الله معرفة خير عرفينا عليك , اكيد انت عارفة تقاليد اللمة و مبروك الانتقال من منصة المتفرجات القارئات االى لمة المشاركات الكاتبات مشيمشة حمد الله علي السلامة عاد انت مولات الحوش و اللمة لمتك شوفتي ما شاء الله جيتي و جبتيهم معاك حتى الي معاش شفناهم من فترة توا ارتاحي و عدلي نومك و بعدين نبوا تقرير مفصل علي ليبيا لوشا كيف حالك و حال فرنسا , وين الغيبة مدام علي كيف حالك و شن اخبارك وينك مرة بعد قداش تعالي و هدرزي امواج كيف حالك اليوم و كيف حال الوحم معاك شن لقيتيها الماكينة و العجينة حياه حلوة الحلوة بعيد لسو عليك و ما تشوفي شر هيا هكي زكمة الصيف بايخة اضيق الخلوق اني سفرتي ما صارش منها الى حين اشعار اخر عندي ظروف ادعليلي الله يسرلي امري الماسنجر اني المرة الوحيدة الي خاشيت فيها لقيت اسمك و لما كلمتك ما فيش رد و بعدها مهاش خشيت لني مش لاقية وقت من صغاري و عمايلهم ام تقي الدين سبحان الله الناس اجناس و الله تقول ما تقول خبزة الفرن ما يعلى عليها و هيا حاجة السوق زي حاجة الحوش حلوة كلمة امل المصباحي هاذي البورة تبرر رايها ليبية كيف حالك و حال وليداتك غادة عروستنا و ينك ان شاء الله توا الحساسية افضل شكلك غاطسة في الزردات و الطلعات ردي بالك من الشمس قرين ستار كيف حالك و حال بنيتك ام محمد شن قاعدة في نايجرا ان شاء الله كانت رحلة ممتعة و انبسطوا

السلام عليكم و رحمة الله و بركاته كيف حالكم و شن اخباركم ما شاء الله عليكم اليوم , اللمة...

greenstar :

مشيمشة ....الحمد لله عالسلامة ..كيف حالك وشن اخبارك واخبار ليبيا نبوا حكايات طويلة راهو أمل ...شن اخبارك كيف حال زوجك ...وتسلمى ربى يخليك وعقبالك ماتجيبى بنوتة حلوة ...واخر اخبار بنتى انها تنوضلى الساعة 4 ومعاش تبى ترقد ...نخلى فيها ونرقد لانى معاش نقدر نقاوم النوم باقى البنات ..كيف حالكم ....تو نرجع بعد شوية تصبحوا على خير

مشيمشة ....الحمد لله عالسلامة ..كيف حالك وشن اخبارك واخبار ليبيا نبوا حكايات طويلة راهو أمل...

ليبية100 100 :

السلام عليكم مشيمشة :icon28: :icon28: الحمد لله علي السلامة كيف حالكم والاهل ان شاء الله بخير واحكيلنا علي الرحلة ان شاء الله غير ما تعبتوش... نحن ما شيين ان شاء الله اخر الشهر...:) امواج كيف حالك وشنو دايرة مع الحمل ان شاء الله خير..اول مرة نعرف ان اللحم يتقدد بمواكين زي اللي شفتهن شكلهن حلو وعمليات اكثر ..حتى انا توا اندور عليهن بالك في هنا في المانيا.. مدام علي كيف حالك وحال بنغازيوالله ليها وحشة... ان شاء الله بخير.. عندي انا عيت جدي وعمتى في حي السلام واصحاب واجدين.. لوشا كيف حالك..ان شاء الله بخير.. حياة كيف حالك وشنو اخبار دراستك ان شاء الله بخير وسلمى علي هلك.. والعيال ان شاء الله احسن ...ربي يهديهن.. ام محمد تمشي وانجي بالسلامة..ونبو الصور... ام تقي الدين كيف حالك ان شاء الله بخير..الناس طباع واذواق بس الطبيعي نحن وامثالنا:42: :) ما فيش كيف حاجة الحوش كان خبزة والا غيرها من ناحية انها مضمونة المكونات واكيد النكهة البيتى غير... عيونى......جرين ستار......امل......تقربصتى...بهراء...بتول...وسطية......والبقية ان شاء الله بخير... :26: :26:

السلام عليكم مشيمشة :icon28: :icon28: الحمد لله علي السلامة كيف حالكم والاهل ان شاء...

ام تقى الدين :

السلام عليكم ورحمة الله وبركاته مشيمشه ----حمدلله على سلامتك ومرحبا بيك ،،،وان شاء الله الاهل والاحباب بليبيا كلهم بخير! جزاكم الله خيراااااااااااااااااااا على تشجيعكم وكلامكم اللى زى العسل ،،واهو اليوم نزلتلكم خبزة التنور وان شاءالله تعجبكم ،،انا درت اكثر من نوع من الخبز للمسابقه ولما اختاروا نوعين بس نزلت الباقى ،،كنت نتمنى انزلهم على مراحل ،،لكن لانى مروحه لليبيا ياذن الله فى نهاية مايو ،،قلت لازم انزلهم توة بيش نلحق انجاوب على اى حد عنده استفسار امواج ---ماشاء الله لا قوة الا بالله وليدك عسل ،ربى يحفظه لكى وتشوفيه ولد يوزن بلد باذن الله ،،والخبزة تهبل ، عمتك شكلها محترفة ،او كانك بحداى والله ما تغلى عليك حاجه ،،انديرلك واندزلك ،ولا تعالى عندى فى اى وقت،ربى ييسرلك انت وام محمد حملكم وتجيبوا على خير وسلامه لوشا ومدام على --كيف حالكم ،،والله لخبطتونى انا مارة بسرعه على كلامكم مع بعظكم ونقرا الحبيب ، عمر بن الخطاب ، الصحابه --والله نحسابكم فى المدينه وتقصدوا المصطفى عليه الصلاة والسلام ،،لين راجعت مرة تانيه بيش فهمت:) ،،ان شاء الله كتاب الطبخ توة انجيبه لكم الرابط ،،لكن راهو ما يفتحش من جوة ليبيا - من موقع محجوب فى ليبيا - حياة حلوة ---ان شاء الله انحصل وقت ونكتبلك طريقة اهل زوجى للهريسه ،،وانا ياستى نسكن فى شقه فى الدور 16 ،،معلقه بين السماء والارض ،،لكن انشوف اغلب ابوظبى من الشباك ،،أول ما جيت انلاحظ ديما وجود ضبابه بيضاء مغطيه البلاد ،،بعدين عرفت انها من الرطوبه ومستمرة اغلب ايام الصيف الوسطيه---مرحبا بيك بيننا ،،،وعودك محمود باذن الله وراهو حاجه تسوى عندنا موش هين :) واهو عنوان موضوعى وصورة بيش انشجعكم اتخشوا عليه والى الملتقى:26: :) خبز التنور الرائع باللحم ، بالجبن والزيتون ،وبالبصل ،و فى فرن البيت العادى (مصور) على هذا الرابط

السلام عليكم ورحمة الله وبركاته مشيمشه ----حمدلله على سلامتك ومرحبا بيك ،،،وان شاء الله الاهل...