em mohamed :

السلام عليكم ورحمة الله وبركاته كيف حالكم كلكم يا بنات أن شاء الله طيبات ؟ ماشاء الله غبت عليكن يومين ولقيت اللمه مليانه أن شاء الله متجمعات عند النبى (صلى الله عليه وسلم) أن روحت امبارح فى الليل لكن متكسره من الرحله والمشى واليوم النهار كله راسى زى الطبله انقمعز اشوى وبعدها نطوح نرقد وقضينا وقت حلو وبأذن الله أنزل الصور فى موضوع منفصل لأنهن هلبه ... خلونى انرحب بالعائدات الحمد لله على سلامتهن امشيمشه الحمد لله على سلامتكم وأنستونا شنو حال العيال والدكتور وأنتِ شنو صار فيك فى السفر أن شاء الله ما تعبتيش؟ وشنو حال اهلك وعيت عمك شنو أخبارهم ؟ وصدقتى الشهر فيسع ما عدا (هذا كله من اعمارنا) المهم طيب على سلامتكم وبأذن الله انكلمك قريباً وما شاء الله امكركره خيرات ربى يكثر رزقكم أن شاء الله توا انكلمك ونتفقوا اتصدقى انا ما عنديش عليها البسيسه وتقعد نين نرميها بس هالمره جت فى خاطرى ان شاء الله خير ... انستينا يا حنا وسطيه اهلاً وسهلاً شرفتينا ... صار انتِ فى لندن ؟ اسمعى انتِ ام حمودى ؟ يا خيتى سلمها ومرحبتين ونتشرفوا بتسجيلك معانا وكان انتِ هى عز من ينضم لينا وحلقات التحفيظ استلميهن (أذا حضر الماء بطل التيمم) نورتينا يا غاليه مدام على شنو اخبارك وشنو اخبار بنغازى ؟ وحشنا عجاجها وترابها ... لوشا كيف حالك وشنو اخبار الانتخابات عندكم ربى يحفظكم مع الرئيس الجديد قالوا ما يحبش العرب والمهاجرين بالذات ... وما شاء الله امدايرات الموضوع تشات أنتِ ومدام على ,وطلعتن معرفه ما شاء الله ... حاولن مره ثانيه اتخلن ردودكن مع بعضهن بيش ما تخالفنش قوانين التجمعات حتى انا عندى عمى يسكن فى حى السلام بس ما نعرفش وين بالضبط ... مرام كيف حالك ؟ وباهى خشيتى طمنتينا عليك ... ان شاء الله ديما طيبه انتِ وعائلتك . امواج شنو اخبارك ؟ ماشاء الله تبارك الرحمن على اكرومه ربى يحفظه ويقر عينك بيه وبخوته ويا حنا جيبى لنا معلومات عليها الة التجفيف هذه ابطلنا من تمرطيز اللحم داير روحنا انديروا فى قديد وطريقة الكوشه اتزعم الكبد انا جربتها ما تنفعش وطعمة اللحم تطلع زى المقلى ما فيش طعمة قديد راهو ... انا لما انديره يا اما نرجى الصيف وألا كان درته فى الشتاء نعلقه فى المنشر امتاع الدبش وانولع قدامه دفايه صغيره امتاعة الريح مش اللى تقعد حمرا لا اللى اطلع ريح ساخنه ونقعد انقلب فيه نين ييبس (كأنه تجفيف) ويطلع طعمته اقريب من قديدنا غادى ... بس قديدنا فى ليبيا حلاوته ايكون مليان تراب وزان عليه الذبان (خخخخخخ) شوره هذا سر الطعم السمح. عيونى شنو اخبارك ؟ وشنو حال العيال وزكمتهم ؟ شكراً على الدعوات الحلوه تعرفى فى المشيه كانت الهاى وى زحمه خشينا هاملتون وقعدنا انلودوا فيها نين فضت الزحمه اشوى قلت لو كان نعرف حوشك رانى جيتك ... حياة شنو اخبارك وشنو اخبار اهلك ؟ أن شاء الله طيبين ؟ وربى يرحم خال جارتكم ويغفر له ويوسع قبره لا اله الا الله محمد رسول الله ... ليبيه شنو اخبارك ؟ نجمه شنو حالك ؟ وشنو اخبار بنتك ام تقى ما شاء الله تبى تمشى لليبيا ربى يسهل لكم سفركم ويقيكم شر الحديد والطريق غادة كيف حالك يا حبيبة او حال اهلك كلهم ان شاء الله بخير امل شنو اخبارك ؟ ليبيا قلبى وينك معش باينه وألا اتوتى فى الكيكات ؟ شنو حال خالك توا ؟ وشنو اخبار اختك ؟ طمنينا..تقربصتي شنو حالك وشنو اخباررك ؟

السلام عليكم ورحمة الله وبركاته كيف حالكم كلكم يا بنات أن شاء الله طيبات ؟ ماشاء الله غبت...

امواج البحار :

السلام عليكم ... كيف حال الغاليات ان شاالله اموركن طيبة يارب ... الحمدلله حالي ولله الحمد بخير بس واللهِ امس زعلت سمعت خبر من ليبيا !!! راجلي عنده راس عمة توفت امس "انا لله وانا اليه راجعون" ولقيتهم هل راجلي فى درنة لما سمعت الخبر قعدت نبرم ومغير فى لساني لاحول ولاقوة الا بالله واستغفر الله العظيم ... واللهِ يابنات عمته حنونة وتحبني الله يرحمها ويغفر لها وتعزني وكلامها طيب :icon33: وفرحت بي الصيف يلى فات لما نزلت وبعويلتي وبذات ببنيتي :icon33: وكلامها امثال واشعار الله يرحمها ويغفر لها ويدخلها جناته يارب ... اللهم امين ... وراجلي تأثر وبكاء والحمدلله علي كل حال وهي الله يرحمها مراة عصامية وبعزة نفسها توفي راجلها "الله يرحم جميع الموتي" وهي صغيرة وعويلة على روس بعضهم من فضل الله ثم من قوتها وصبرها ربتهم وقعدت عليهم ودراتلهم شقق وزوجتهم ... شي مايدروه حتى الرجال "سبحان الله" وهذا كله الفم يضحك والوجه بشوش وفرحتها بالناس وحوشها ديما مفتوح للاحباب والاصحاب "الله يرحمك ياعمتي جنات ويدخلك فسيح جناته" :icon33: مش قادرة يابنات امس مصدومة واليوم نبكي وخلاص :icon33: ... لاحول ولاقوة الا بالله ... انا لله وانا اليه راجعون ...

السلام عليكم ... كيف حال الغاليات ان شاالله اموركن طيبة يارب ... الحمدلله حالي ولله الحمد بخير بس...