em mohamed :

السلام عليكم كيف حالكم توا يا بناويت وشن أخباركم ؟ أمواج أن شاء الله توا حالك أحسن وربى يجعل جرتها خضراء المرحومه ويغفر لها ويوسع قبرها ... وصحيتى على الويب سايت توا غير نفضى انشوفه . عيونى شنو اخبارك ؟ ويارب يوفقك ويفتحها فى وجهك ويسخر لك كل الخير . وخطرها على الجرى حتى انا من الصبح وأنا نلود وهذا كله نسيت ما جبتش القضيه مش عارفه غدوه كيف الصغار بيفطروا (خخخخخ) توا بأذن الله نلحق نشرى اللى ناقص لما نرجع بيهم من المسجد .. اسم الله عليا وأنا خريط مريط ههههه امشيمشه صحيتى على التليفون (سبقتنى بالمكالمه ) وطيب على سلامتكم . حياة لا باس على الوالده أن شاء الله ربى يشفيها سلميلنا عليها ويارب نسمعوا خبر كويس على أخت ليبيا قلبى وتقوم بالسلامه وربى يحفظ لها بيبيها ويرزقها بره . اسمعى لو ما فيش مانع ابعثى لى تليفونها على الخاص يومتها انا مستعجله ما خذيتاش منها .. اللهم أرزق كل من يتمنى الذريه الصالحه المعافاه اللهم سخر لأختنا ذات الهمه الولد الصالح وكل أخت غاليه علينا اللهم لا تذرهن فرادا واجعلهن من الصالحات . ام تقى الخبزه هبلنا البنات عليها حتى انا شكلى بنجربها وعلى فكره ما تنسنش التصويت لأم تقى الدين فى موضوع المعجنات مش حنقول أى مشاركه بيش ما يقعدش تغشيش (هههه) بس حتعرفنها من نوع الخط ... تقربصتى شنو حالك يا غاليه والله متحشمه منك حسنى بس بأذن الله غير يفضى بو الصغار ديما بسلامته طالع لى بقصه ومشغول على طول ... سلامى لعيوشه وشيمو نجيمه لاباس على صبعك معليش الحال من بعضه حتى انا مره مره انحصل فى شفطه ,كله بأجره أن شاء الله ورحلتنا حلوه قاعده نكتب لكن فى موضوع عنها بس حيأخذ وقت علشان تحميل الصور سريب طويل ... كوكم أنستينا يا غاليه ومرحبتين بيك معنا نستنوا فى مشاركاتك وسطيه مرحبتين يا غاليه وأن شاء الله لا باس على راجلك .. وربى أن شاء الله يسخرلك الخير ويرزقك ما تتمنى .. يا بنات اختنا وسطيه ونعم الناس كانت أبلتنا فى حلقة القرأن ملمه بعلوم التجويد وتفسير المصحف ما شاء الله عليها وعلى تجويدها والله الذى لا أله ألا هو صوتها من حلاوته وعذوبته أثناء التجويد ما تتمنوهاش تسكت ويخليك تسرحى فى معانى الايات ,,, تبارك الرحمن وما شاء الله عليها ربى يحفظها بصراحه مدامها دخلت معانا لازم نستفيدوا منها وخلوها تنظم لنا حلقات التحفيظ والجدول (وحده ما صدقت حد ايجى وتعطيه مسئوليه خخخخ) المهم احنا حفظنا على ايديها عم وتبارك بالتجويد ومدامها جتنا هنا خلوها اتراجعلنا وتكمل امعانا بأذن الله وعلى فكره راهى ابله واعره (تشويه سمعه يا وسطيه) وسطيه تتذكرى يوم قعدنا ندعو بعد ما كملنا الحلقه وبعدين لما جاء عليا انا الدور فى الدعاء ما قدرتش وقعدت نبكى هذاك الوقت كان كيف داروا لى التشخيص بس الحمد لله تجربه ومشت بسوها وطلعت منها أقوى من قبل والامراض ابتلاءات وتخفيف للذنوب والاثام ربى يغفر لنا ويتوب علينا ... خطرها كتبت من مده موضوع اسمه وداعاً لندن وداعاً يا رفقة الخير وصورت الهديه امتاعتكن اللى جبتنها لى وقاعده توا حاطتها فوق التسريحه قدامى بيش نتفكر بنات لندن ديما ... هذه وصلة الموضوع http://forum.hawaaworld.com/showthread.php?t=748803 سلمى على كل بنات لندن وأن شاء الله انزوركن قريب عندى موعد مراجعه يوم 29 مايو... باقى البنات شن اخباركن وان شاء الله ديما طيبات على فكره يا بنات فيه مسابقة الطبخ اللى منكن تبى تشارك راهو على مستوى كبير وفيها جوائز قيمه توصل 56 الف دولار امريكى قيمة الجائزه فلو وحده منكن تبى تشارك افتحن الرابط اللى عليه الاعلان لمزيد من التفاصيل وبالتوفيق للطباخات ...

السلام عليكم كيف حالكم توا يا بناويت وشن أخباركم ؟ أمواج أن شاء الله توا حالك أحسن وربى يجعل...

G Libya :

السلام عليكم كيف حالكم كوكم اهلا ومرحبا بك معنا ان شاء الله ربي يطمنا على اخت ليبيا قلبي وان شاء الله لاباس عليها وربي يفرحها بالبيبي سلاماااااااااااات

السلام عليكم كيف حالكم كوكم اهلا ومرحبا بك معنا ان شاء الله ربي يطمنا على اخت...