شكرااااااااا حبيبتي omalaa2005 , وكيف حالك

alhamdllah:27:

السلام عليكم ورحمه الله وبركاته
اهنئكى على سعه قلبكى ودعوتكى الى الاخوات المتغربات من اصل بلادك . وهده اول مشاركه لى فى عالم حواء واسال الله ان يوفقنى لكى اكون عند حسن ظن من اتاح لى المجال للمشاركه فى عالم حواء .
وبالفعل نحن المتغربين المنتشرين فى جميع انحاء العالم محتاجين الى غداء روحى ومواسات بعضنا البعض.
وعدرآ على الخطا الذى حصل باقتباس على اختى ام محمد لانه اول مداخله لى .
والسلام عليكم ورحمه الله وبركاته.

السلام عليكم ورحمة الله وبركاته
كيف حالكم وخياتى الليبيات وغير الليبيات ان شاء الله تكونو بخير
ام محمد
كيف حالك مع الحمل وان شاء الله وحمك مش واعر وربى يهون عليك وتنوضينا بالسلامة وما شاء الله عيك والله لما قريت قصتك بكتنى ربى يزيدك من فضله وما تلقى قدامك الا خيرة الناس لان والله هذا اهم شىء هو الصحبة الصالحة وانى كانت عندى صحبة تبارك الله على قدر كبير من العلم والخلق والدين واحسبهم كذالك ولا ازكى على الله احد ووالله لما فقدتهم حسيت بحالى تغير للأسوأ نفسيا لأنهم كانوا لى خير معين بعد الله على الغربة وعلى همومى الله يبارك فيهم ويجمعنى بيهم فى جنات النعيم
وماشاء الله عليكم حتى انتم وخياتى اللى فى المنتدى ربى يبارك فيكم وفى درياتكم وازواجكم
عيونى
كيف حالك يا غالية ان شاء الله تكونى بخير انت ووليداتك وربى يعاون زوجك ويوفقك دنيا وأخرة
وتعرفى سؤالك عليا يريح فيا ونحس فيك كانك وخيتى سبحان الله باين عليك حنينة ربى يبارك فيك
مويجة
كيف حالك يا غالية وعظم الله اجركم فى عمتكم وربى يتغمدها برحمته الواسعة وسامحينى يا وخيتى عزيتك متأخرة حتى انى امورى متلخبطة ودايخة من غير حمل بس عندى حِمل ثقيل الله المستعانوكيف حال الحمل ان شاء الله مش تعبانة واجد والترجيع والدوخة هذا طبيعى بس نقولك على حاجة تتفادى بيها كثرة الترجيع هو انك لما تاكلى ما تاكليش واجد وكولى كل ساعة شوية او كل ساعة ونصف لأن هذا ما يخليش المعدة فاضية وهذا هو اللى يدره الكبد ويخلى عندك رغبة فى الترجيع
وربى يهون عليك حملك ويباركلك فى صغويرتك

ام تقى الدين
كيف حالك وما شاء الله على ايدياتك ربى يبارك فيك باين عليك فالحة فى المطبخ ما شاء الله تعجبنى حاجاتك هلبة وتعجبنى هدرزتك ربى يوفقك دنيا واخرة
امولا 2005
اهلا وسهلا بيك بين وخياتك الليبيات
اريام الحنين
كيف حالك يا غالية وكيف حال العيال ان شا الله تكونوا بأتم الصحة والعافية
حياة الحلوة
كيف حالك وكيف حالها حنونة ان شاء الله بخير وكيف حالها امك ان شاء الله توة احسن وسلمينا عليها
ليبية مية فى المية
كيف حالك انت والصغار ان شاء الله تكونوا بخير وربى يسهلك المشى لليبيا ويجعله سفر مريح وتوصلوا بالسلامة
ليبيا قلبى
كيف حالك والعويلة والحمد لله على سلامة اختك ومبارك عليها ما جاها
تقربصتى
كيف حالك وحال عويلتك ان شاء الله تكونوا بخير وما شاء الله تطبيقك للخبزة روووعة وشكلكم بتخربولى الريجيم وانى ما صدقت مشيت على ريجيم بس ان شاء الله ننقص اللى ناوية نقصه وبنديرها الخبزة ومعليش بنسألك سؤال انت مدايرة ريجيم وقداش كنتى وقداش نقصتى وشنى هو الريجيم
ومعليشى اذا ما تبيش تجاوبى عادى
انى توة مدايرة ريجيم الحمد لله نقصت عليه بالرغم انى فى بدايته وهذا اللى مصبرنى ومشجعنى
قرين ستار
كيف حالك وحال بنيتك وبشوية على البنية هى قداش عمرها؟؟؟ ومعليش نقولك حاجة بالك يا بنت انت مدايرة راسك وراسها والبنت ولت عنايدية ( بصارة راهو) لأنى انى بصراحة فيا العناد وحسيت بصغارى حتى هما يعاندوا مرات والسبب انى ونقولك ممكن انت بنتك مركزة عليها هلبة والعيل راهو يحس ما تقوليش ما يعرفش فخلى روحك انت عادة ولهيها فى حاجة كل ما دير صبعها فى فها
وما تقوليلهاش نحى صبعك ديرى روحك مش شايفيتيها وربى يعينك على تربيتها التربية الصالحة
مدام على
كيف حالك ان شاء الله بخير
كوكم
اهلا وسهلا بيك فى بيتك وبين وخياتك وانت متغربة جديدة ربى يعينك باهى اللى بلاد اسلامية قاعدة اهون ربى يطوى هالغربة ونولوا لبلادنا سالمين غانمين
مشيمشة
سامحينى تاخرت عليك بس انت والله فى بالى كيف حالك وشنى اخبار الحمل ان شاء الله تمام والحمد لله على سلامتك وكيف حال الاهل فى ليبيا ان شاء الله طيبين
امل الصباحى
كيف حالك ان شاء الله بخير
لوشا
كيف حالك وشنى جو فرنسا قاعد صقع ربى يعينكم وبنقولك انت لما تخشى هدرزى علينا وقولى اللى فى خاطرك واخبارك وبعدين ارجعى حتلقى ردود وربى يوفقك
مدام على
كيف حالك ان شاء الله بخير
وسطية
اهلا وسهلا بيك يشرفنى انى نتعرف عليك بعد اللى قريته عليك ربى يبارك لك فى عمرك وفى صغارك
ووالله انا اغبطك لما انت عليه من علم بارك الله فيك وفى امثالك
ج ليبيا
كيف حالك ووينك ان شاء الله تكونى بالف خير
وانى اخبارى الحمد لله وصغارى الحمد لله كلنا فى خير من رب العالمين وانى مدايرة زعميتة ريجيم ماهو لقيت روحى بنسرح فى السمن و هنى فى البرازيل لما تطلعى تشوفى الاجسام واللبس ونهارتهم حرف قلت شنى ناقصنا و فى الزينحنى العرب خير منهم والحمد لله وكان جت على الماكلة ها نبطلوها باش نولوا سمباتيك وبننقوللكم حاجة راهو دوة الريجيم والنيو لوك لقيتها حتى فى ليبيا وحتى من العزايز يديروا فى ريجيم وحنى ما نندروا على شى وقاعدين فى الغربة والله بنقوللكم حاجة انى لما روحت ليبيا السنة اللى فاتت ما نزلتش قبلها سنتين والله يا بناويت ما نعرف الموضة يعنى شى جديد عليا ولما نطلع للسوق نبدا غر ناخد فى راى خواتى وشن الدارج هو انى الحق ما نتبعش فى الموضة
بس نحب نلبس الحاجة اللى تعجبنى وتكون نازكة وتطلع عليا وما يهمنيش
وهنى فى البرازيل لبسهم مش زى غادى يعنى هما فى وادى وحنى فى وادى خخخخخخخخ ومانشرى من هنى الا لبس الحوش يعنى بالعربى ما فيش حاجة تناسبنا
شكلى طولت فى الدوة وانى كان نفتح للكتيبة شن يوقفنى خخخخخخخخخخ
المهم سامحونى كان طولت عليكم وكان نسيت اى وحدة تسامحنى لانى من دون قصد نسيتها