كوبونات الراقية تسجيل الدخول

ليبية100 100
ليبية100 100 •
السلام عليكم

كيف حالكم ان شاء الله بخير..

انا اللي انقول على روحى مش فاضية تاريتكن كلكن كيفى..ان شاء الله غيابكن خير غير لاهيين بالعيال والرجالة في الويك اند...

انا اخباري بخير والحمد لله...اول مرة انحلق لولدى الكبير كانت حوسة ما بين عياط وشياط...بس الحمد لله كملت على خير...
ودلدى الصغير مازال عياط ادعوله ربي يهديه..

وباقي اخباري الحمد لله...

في رعاية الله..


:26: :26:
ام تقى الدين
ام تقى الدين •
ليبية100 100 ليبية100 100 :
السلام عليكم كيف حالك ام الاء ربي يسهلك ولادتك ويحفظلك بنياتك ...ويقدرك ويقدرنا على تربيتهم التربية الصالحة ..:) ما تخافيش انا نفهم في كتيبتك:icon28: ....وحاولى اتفضفضي واتهدرزيلنا بطريقتك الخاصة...:42: بس ما تقدريش اتنزلى الويندوز العربي واتلصقي الحروف العربية ...هذا اللي دايريه لى راجلى اسالي على الطريقة او توا نسال بس اكيد في في جهازكم طريقة .... ام تقي الدين الموقع حلو بارك الله فيك..خزنته في المفضلة بيش نرجعله مرة مرة..شنو دايرة مع السوق والتجهيز.. وسطية شكرا عزيزتى وربي يساعدنى انحس فيه سريب ما ينتهى بكل... باقى البنات كيف حالكم...ان شاء الله تكونوا بخير.. :26: :26:
السلام عليكم كيف حالك ام الاء ربي يسهلك ولادتك ويحفظلك بنياتك ...ويقدرك ويقدرنا على تربيتهم...
السلام عليكم ورحمة الله وبركاته
كيف حالكم جميعااااااااااااااااااااااااااااااااااااااااااااااااااااااااااا
والله لكن وحشة ،،،،التجهيز للسفر واخذ الوقت كله،،أجلنا سفرتنا اسبوع تانى عشان ما تفوتناش التنزيلات اللى تبدا فى نهاية الشهر،،وان شاءالله ربى يسهل الامور
المصباحى-----ان شاءالله تمشى وتجى بالسلامه ،،راهو العروسه اول مرواحه لها ديما لها طعم خاص،،،،اكيد واحشك حوش بوك وهلك وكل شى ....ربى يسهلك الخير وتمشى وتجى بالسلامه
ليبيه----الحال من بعضه ،،اكيد انتى امجربة التسوق مع الاطفال الصغيرين ،،صراحة تعب وعذاب ،،لكن لا بد منه ،،،،الحاجه اللى تندار فى ساعه --معاهم تندار فى اتنين واكتر --ربى يحفظهم ويسترنا معاهم
كوكم --كيف حالك واسرتك --موريتانيا زى مانتى عارفه بلد المليون شاعر ،،اللغه العربيه لها مكانة محترمه عندهم،نبالنسبه لماء المطر --اللى نعرفه انه يستخدم فى الرقيه ،لأنه كما ذكر فى القرآن :ماء مبارك وماء طهور ،لكن قراءة الفاتحه سبعين مرة -والله اعلم-زى ما قالتلك ام محمد ياريت نلقوا دليل قوى صحيح يؤيد هذا الشىء،،،،وناخذوا بالأحوط ان شاءالله ونتبعوا المشهور والمعروف واللى هوا قراءة الفاتحه سبع مرات ،،وجزاك الله خيراااااااا على سعة صدرك وحسن خلقك وان شاءالله انزيدوا انتعرفوا على بعضنا اكتر واكتر
ام الاء---كيف حالك --ربى يسهلك الحمل والولادة،،،وديما راهو انراجوا فيك خشى ووسعى خاطرك مع خواتك الطيبات :)
ليبيا قلبى----كيف حالك وكيف حال اختك والحبوبه الصغيرة ،،ان شاء الله يكونوا بخير ،،،ياريت اطمنينا عليهم
ام محمد ....كيف حالك يا غاليه وكيف حال اسرتك ،،،تعرفى كان عندى فكرة مفيدة ومهمة لموضوع نشترك بيه فى المسابقه ،،لكن تجهيزات السفر باينها موش حتعطينى وقت كافى ،،وصراحة تأثرت جدااا بموضوع امبراتريث وتمنيت من قلبى ان الجميع يوقف معاها ويشجع توجهها ،،خاصة لو استغلت نشاطات الجمعيه بطريقة ذكيه لنشر دين الاسلام --حتكون فكرة ممتازة وبالفعل تستحق التميز ،،وموضوعى الباين انخليه مرة تانيه لو انكم مثلا درتوا المسابقه بصورة نصف سنويه او ربع سنويه (كل ثلاث اشهر) بيش ما يملوش منها ،،حتعطونا فرصه اكبر ،،نكتب وقلت لروحى موش كنت كتبت كلامى هذا فى موضوع المسابقه ،،،المهم انك وصلاتك فكرتى ،وان شاء الله ربى يزيدكم حرص ونشاط فى قسمكم المتميز فعلا:)
وسطية
وسطية •
واحد القي بــراد شاهي.. حكــــه اطلعله مارد قاله اطلب شنو تبي ..قاله نبي تبنيلي كوبري من طرابلس لامريكا ,رد عليه المارد قاله صعبة هادي اطلب حاجة ثانية ,مشي قاله باهي اماله نبيك تخلي ليبيا تربح البرازيل .رد عليه المارد الكوبري تبيه مشي وجي والامشي بس.


في ثلاث طلبة عندهم امتحانات ,, و هما سينسة مش قارين شي
قالو انخشو على البركة و خلاص و اي واحد يعرف حاجة ايقول للثاني
الهم جاهم سؤال : كــم عدد ارجل النعجة ,, ما عرفوش ,, اثنين سلمو وراقيهم و واحد اقعد ,, بعد ما تم الوقت ,, قالوله علاش ما قلتناش

كم
عدد ارجل النعجــــــة,,, قاللهم و الله ما فيها كيف المراقب كان جنبي
ما اقدرتــــش انطلعها النعـــــجة
وسطية
وسطية •
السلام عليكم
كتبت رد طويل قبل النكت مانعرفش وين امشي.المهم انزيدكم من النكتب بعد ما ولدي يرقد غير قاعد ايلود عليه ويقرب في الكي بورد.
سلام
ليبيا قلبي
ليبيا قلبي •
وسطية وسطية :
السلام عليكم كتبت رد طويل قبل النكت مانعرفش وين امشي.المهم انزيدكم من النكتب بعد ما ولدي يرقد غير قاعد ايلود عليه ويقرب في الكي بورد. سلام
السلام عليكم كتبت رد طويل قبل النكت مانعرفش وين امشي.المهم انزيدكم من النكتب بعد ما ولدي يرقد...
السلام عليكم ورحمة الله بركاتة


كيف حالكم اليوم ان شاءا لله اموركم تمام
اختي الحمد الله كويسه طلعت من المستشفى امس ,بس البيبي مازالت في المستشفى انشاء الله ربي يطمنا عليها .

ان شاء الله نتقابلوا على خير