ليبيه 100100 انتى موجوده ولا اطلعتى حيبت اسالك سوال

السلام عليكم:26: :26:
صباح الخير على أحلى صحبه كيف حالكم ان شاء الله باهين
توا أنخليكم غير قلت انسلم عليكم
سلاماتى وتحياتى للجميع أختكم على الدوام:26: :angry:

السلام عليكم:)
تقربصتي
سلمك حبيبتي هذا كله من ذوقك
عيوني
كيف حالك توا ان شاء الله احسن وطمنينا شن صار في المقابلة
حياة حلوة
الف لباس عليك اقري ايات الرقية واذكار الصباح والمساءان شاء الله ربي يفرج انا ما زال ما درت شئ امتا ما يسخر ربي باهي
ام التقى
الف الف الف مبررررررررررررررروك
باقي الاخوات ان شاء الله بخير
:26: :26: :26:

السلام عليكم ورحمة الله وبركاته

شنو حالكم يا بنات اليوم وشنو حال صغاركم وأهاليكم ؟
ان شاء الله جمعه مباركه على الجميع
ما تنسوش سورة الكهف والدعاء بتحرى ساعة الاستجابه ...

أم تقى ..
ألف مليون مبروك الفوز فى المسابقه
أن شاء الله من الفايزين بجنات النعيم يارب .

حياه
لاباس عليك وحصنى نفسك ديما بالاذكار تلاقيهن فى توقيعى
انا اول ما انخش الموقع انشغلهن ونقعد نتصفح ...

مدام على
تسلمى على النقل المفيد ان شاء الله فى ميزان حسناتك

كوكم ,المصباحى ,الليبو ,أطفالى حياتى وامل ,ليبيه أن شاء الله كلكم بخير وصحه طيبه

يا بنات نبى انغيب عليكم ليوم الثلاثاء ان شاء الله
طالعين لمقاطعه ثانيه ,,
ردن بالكن من الموضوع فى غيابى ,,,
وردن بالكن من بعضكن (العبوا جميع سلم ابنياتى خخخخخخخ)
والله الله فى الحفظ والتسميع ,,,,
سمعن سورة الملك وصححنها
وبأذن الله السوره القادمه حتكون سورة القلم (ن)

ليبيه
معليش احنا ما تجاهلنش كلامك عن المراجعه بس اغلب البنات طلبن مواصلة الحفظ
وان شاء الله غير انكملوا جزء تبارك انعاودوا المراجعه للجزئين مع بعضهم
واهم حاجه انكن تقرن السور فى الصلاه بيش ما تنسنش
وجزء عم تقدرن بأستمرار اترجعنه
وبعدين انسمعوا الجزئين
المهم نقطعوا شوط فى الحفظ
وعلى فكره القرأن فيسع ما يتفلت يعنى ما تتوقعيش اللى حفظتيه حيثبت لازم من الاستمراريه ...

خلى نمشى اندبش على حالى عندى هلبه تجهيزات وحوسه ,,,
فى امان الله

السلام عليكم
كيف حالكم ياخواتي ان شاء الله حالكم باهي
في الاول نهني ام تقي علي الفوز، والله تستاهلي ورفعتي روسنا (يا عليك عنصرية)، وان شاء الله من فوز الي فوز.
قرين ستار- والله ثم والله ثم والله وجعني كلامك وحسيت بيك وقلت سبحان الله مابعدها عام كامل ما تشبح حد معرفة ولاتكلم حد ومكسدة هية وبنيتها بروحهم.مشكلة لكن عندك حل اما :
1- انك تمشي لجامع قريب منكم واكيد حتشوفي ليبين والاعرب والامسلمين من اي جنسية، الدنيا ماتخلاش.وغادي تعرفي وبعدين قرري كان بديري صدقات والا لا.
2-تحطي بنتك في الكار سيت متاعها وتطلعي بيها عي بارك والا سوق المهم تغيري جوك.
3-لو حبكت وما حصلتيش اي عربي اومسلم في مدينتك ،حاولي تتعرفي علي احد الجيران بان تحتكي بيهم علي قولة صباح الخير او الجو اليوم حلو... ولو كانت لغتك ضعيفة حاولي تقويها كانا غربتك مطولة.
وعندك خيارات هلبةاختي باش تفتكي من الكساد وضيقة الخلوق بان تخشي دورات(انكليزي- خياطة- تجميل(بيوتي)وكانه علي بنيتك حطيها في دي كير في الفترة اللي تكوني فيها غائبة.
وبالنسبة لمرواحك لليبيااهوالحمد لله هانت قداش مازال عليه شهر سته, لهي روحك بشري الهدايا والتخفيضات في الاسواق.واحمدي ربك انك ان شاء الله بتروحي علي خير نعرف ناس ليهم سنين ما يقدروش ايروحوا لليبيا ويتمنوا شمة من هواها.
سامحيني طولت عليك لكن حبيت انفيدك .وان شاء الله ربي يفرجها عليك ويفرحك ببنيتك ويونسك بصاحبة ليبية توسع خاطرك عاجلا غير اجل.
ام محمد_ تمشي وتجي بالسلامة ان شاء الله وهاف فن علي قولتهم.
بالنسبة للاحكام مافهمتش تبوا الشرح باللغة العربية والا تقروا الموقع قبل وبعدين كانا في حاجة مش مفهومة انزيد نشرحها.فهميني وانا في الخدمة.
حياة_ا ن شاء الله لاباس عليك،وردي بالك من روحك ورقي نفسك بالرقية الشرعيةوماتنسيش الاذكار
والعين حق وانت ماشاء الله باين عليك فالحة ونويشطةومعاش تبيني فلاحتك قدام الناس، لان في ناس ماتصليش علي النبي (اللهم صلي وسلم وبارك علي سيدنا محمد)وعينها حارة .وان شاء الله ماتشوفي شر وتولي تشاركي احسن من قبل.

عيوني _ الله يبارك فيك وان شاء الله بالنجاح،وبالنسبة للاحكام حاولت نعطيها بالفلاقي قلت ابسط واسهل ،لكن بخصوص السمع الله غالب ماعنديش كيف اندير الا تسمعي الموقع اللي قالت عليه ام محمد وام الاءوبعدين كانا في حاجة تحتاج شرح ادللي ومايكون خاطرك الاطيب.
غادة_صحيتي علي الترحيب وان شاء الله ربي يتمملك علي خير ويهنيك ويسعدك مع زوج المستقبل.
مدام علي _صحيتي علي المواضيع وان شاء الله في ميزان حسناتك.
وباقي البنات ان شاء الله تكونوا كويسين ومبحبحين وتوة سلامات وجمعة مباركة للجميع.