مشيمشة :

السلام عليكم ورحمة الله وبركاته كيف حالكم يا حبيبات كلكم ان شاء الله ما بيكمش سامحوني معش خشيت سلمت عليكم والله تعبانة مع الحمل تعب جسدي او فاشلة والحمد لله :( او ربي ايسهل عليا وعلي الجميع ان شاء الله :26: :26: عيوني :26: امواج كيف حالكم يا غاليات او حال العويلة ان شاء الله بخير او سلمهم او سلم هدرزتهم اللي زي العسل وان شاء الله امورك امشت تمام يا عيوني او ربي ايسهلك في الشغل :26: :26: مدام علي ان شاء الله ربي ايكملك علي خير او يشفي بوك :26: :26: ليبيا قلبي الحمد لله اللي بنت اختك في تحسن والعقبة ما تروح لحوشهم واني توا في نص الرابع يا حبيبة وان شاء الله انشوفك ام في المستقبل :26: :26: تحياتي اليكم جميعا , في امان الله

السلام عليكم ورحمة الله وبركاته كيف حالكم يا حبيبات كلكم ان شاء الله ما بيكمش سامحوني معش...

em mohamed :

السلام عليكم ورحمة الله كيف حالكم يا عيله معليش مشنوقه فى القسم ومشاكله ما نقدرش انهدرز عليكم كلكم بس أن شاء الله كلكم بخير وما عند حالكن سو سلفيه وسعى بالك البنات ديما ايعيطن والافضل ما اتعوديهاش على الهزان بعدين اتعبك حطيها لوطه توا الايام الاولى تبكى وبعد تعرفك سلحتى موضوعها توا تسكت (الاناثه ديما واعرات) ههههههههه بس تاكدى أن ما عندهاش مغص يعنى تبكى وترفع فى رجليها ووجهها ينزرق لما تبكى وألا لا ومرات حتى الحوايج ايضايقوها (العيل مشكاه ابكاه) وألا البمبرز وممكن توا النو لأن الجو سخون حتى هذا يخلى العيل يقلق وبعدين تأكدى من ماكلتك مرات تاكلى فى حاجه اتعب فيها خصوصا البقوليات (اكيد غادى تاكلى فى الحلبه ...) وأن شاء الله ربى يهديها وتبطل اعياط لفت نظرى تحريم الصور انا توا الفتوى ما تحضرنيش بس كان بقسمنا موضوع عن تحريم الصور ذوات الارواح ومن بينها الصور الفوتوغرافيه وكان بعض الفتاوى تجيز ذلك بشرط عده تعليق الصور على الحائط أو تمجيد وتعظيم أصحابها ... ايضا بخصوص الرسوم اللى على ملابس الاطفال هذه تجنبوا شراء اى شيئ عليه رسمه لأنها تجلب الشياطين والعياذ بالله تأكدى من حوايج بنتك لما اتعيط كان عليهم رسمه حتى ولو دبدوب صغير وألا ارنب ... حاولى ما اتلبسيهاش حاجه فيها رسوم ... ايضا العاب العرايس والدباديب لو شريتوهم حاولوا طمس عيونهم يعنى نحوا العيون او حطوا عليهم لصقه ... ومع ذلك أنشوفوا فى صور العلماء نفسهم اللى حرموا التصوير ماليه الدنيا وعلى اشرطتهم ونشوفوا فيهم فى التلفزيون ؟ حلاوة ديننا هى اختلاف العلماء مما ادى الى التيسيير على العباد لا التضييق والتعسير... يعنى اختلف العلماء المعاصرون في حكم التصوير الفوتوغرافي، فمنهم من ألحقه بالتصوير باليد، وهو التصوير المحرم، وقالوا: إنه داخل في مسمى التصوير، وهو عمل باليد، حيث إنها هي التي تتولى تشغيل آلة التصوير، فيدخل المصور تحت الحكم الوارد في الحديث، وهو لعن المصورين، حيث ثبت عنه – صلى الله عليه وسلم – قال: " ثم لعن النبي _صلى الله عليه وسلم_ الواشمة والمستوشمة وآكل الربا وموكله، ونهى عن ثمن الكلب وكسب البغي ولعن المصورين"، وصح عنه _صلى الله عليه وسلم_ أنه قال:"أشد الناس عذاباً عند الله يوم القيامة الذين يضاهون بخلق الله" أخرجه البخاري ومسلم من حديث عائشة _رضي الله عنها_، وفي مسند الإمام أحمد من حديث ابن عمر _رضي الله عنه_ أن النبي _صلى الله عليه وسلم_ قال: " أشد الناس عذاباً يوم القيامة المصورون"، وممن أفتى بذلك اللجنة الدائمة في دار الإفتاء بالسعودية(وممكن هذه هى الفتوى اللى أستندتى عليها يا سلفيه). وقال آخرون: إن التصوير الفوتوغرافي ليس له حكم التصوير باليد؛ لأنه من عمل الآلة، وهي صورة الإنسان الحقيقية، فَعِلَّة المضاهاة غير موجودة فيها، ولا تختلف عن صورة المرآة -(المرايا)- إلا أنها مثبتة، وممن أفتى بذلك الشيخ محمد بن عثيمين – رحمه الله – ، ويشترط للجواز ما يلي: 1- أن تكون الصورة للضرورة أو الحاجة. 2- ألا تستخدم في محرم، أو ما يفضي إلى محرم. 3- ألا يحتفظ بها للذكرى أو نحوه. وهذا القول الأخير هو الذي يترجح لديّ، والتصوير بالفيديو أخف منه؛ لأنه ليس فيه تثبيت للصورة، فإذا ثبتت كان له حكم التصوير الفوتوغرافي،(وهذه اللى انا معتمده عليها ) والله أعلم وأن شاء الله ربى يهدينا للصواب .

السلام عليكم ورحمة الله كيف حالكم يا عيله معليش مشنوقه فى القسم ومشاكله ما نقدرش انهدرز عليكم...