امواج البحار :

السلام عليكم ... كيف حال بنااات بلادي ان شاالله كلكم بخير وبصحة وعافية ... اموري ولله الحمد بخير ونعمة لكن يوم انوض ناشطة وعشرة مرخية :09: ... يالله فترة وتعدي وان شاالله بالخير يارب ... مشتاقة لبلادي ... انستينا ياغالية فى اللمة وان شاالله معرفة خير ... يابتي حتى الفلبين فيها ليبيين !!! هذه انتِ وتجويد معناها فى جالية ليبية غادي ... احكولنا شنو جوها الفلبين والجالية الليبية كبيرة ولا شوية !!! تجويد ... كيف حالك ياغالية وان شاالله امورك تمام ... شنو ماعندكش نزلة لليبيا السنة ولا مكسدة كيف حالتنا !!! ام الاء ... الله يكون فى عونك ويسهلك حملك والله جسمي يخض لما نسمع وحدة اتوحم وتعبانة :( ... وبالذات احنا قاعدين فى غربة "اللهم لك الحمد والشكر" ... فى اي شهر وان شالله على خير وسلامة يارب ... امل وغادة ... كيف حالكن ياغاليات ان شاالله طيبات ... مشيمشة ... ياغالية كيف حالك اليوم ... شنو قاعدة تعبانة ... ربِ يشفيك ويعافيك وتمر هالفترة على خير يارب ... مدام علي ... صار قاعدة مخطوبة !!! واللهِ نحسابك متزوجة من اسمك :) ... ان شاالله ربِ يتمم على خير ... صار شارقة ومشغولة !!! شنو الفرح هالصيف ولا مازال !!! :icon28: وسطية ... كيف حالك ياغالية وين غاطسة !!! تعرفي انك خشيتي خاطري واحببتك فى الله ... اطفالي حياتي ... كيف حالك ياغالية واللهِ اسمك له رنة حلوة على الاخر ... ان شاالله كلكم بخير ... واللهِ ام نضال قاعدة تعبانة ربِ يشفيها ويعافيها وانا بعثتلك رسالة ويارت تفيدني بإي معلومة عندك وبارك الله فيكِ وربِ يحفظلك صحتك وعيالك وكل من تحبين ... اللهم اشفِ ام اطفالي حياتي ... اللهم اشفِ ام اطفالي حياتي ... اللهم اشفِ ام اطفالي حياتي ... اسأل الله العظيم رب العرش العظيم ان يشفيها ... اسأل الله العظيم رب العرش العظيم ان يشفيها ... اسأل الله العظيم رب العرش العظيم ان يشفيها ... اسأل الله العظيم رب العرش العظيم ان يشفيها ... اسأل الله العظيم رب العرش العظيم ان يشفيها ... اسأل الله العظيم رب العرش العظيم ان يشفيها ... اسأل الله العظيم رب العرش العظيم ان يشفيها ... اللهم امين ... اللهم امين ... اللهم امين ... سلفية ... لاباس عليها ابنيتك معلش هذوما العويلة مرات غاز فى البطن ومرات واخدة على اليد ومرات سبحان الله طبع اهم حاجة تإكدي من وذنها ويحفظها لكِ ربِ هي وخوتها وتشوفيهم من الذرية الصالحة يارب ... ليبيا قلبي ... سلمها ياربِ وسلم ايدياتها "ماشاء الله الله اكبر لاقوة الا بالله" واللهِ انك فعلاً ست بيت ربِ يقوي سعدك ويحفظك من كل شر ياقادر ياكريم ... قوليلي هالكيلكة كيكة شنو وعطيني مقادير تسهف شكلها ... يالله فى امان الله توا ...

السلام عليكم ... كيف حال بنااات بلادي ان شاالله كلكم بخير وبصحة وعافية ... اموري ولله الحمد بخير...

em mohamed :

وسطيه شنو اخبارك وشنو حال اوليدك ؟ جيناكم يوم الثلاثاء اللى فات بس ما لحقناش ندهوروا تغدينا وهدرزنا اشوى وطلعنا نجاروا علشان اليوم الثانى مدارس .. وبالنسبه للحفظ انراجى فى البنات ايقولن حفظنا ما فيش من تكلم راهو المفروض حفظن الملك والقلم (شوفى عاد هذين ومع مدرس وما حوتك ينحفظن فكيف من النت ؟) ام الاء ربى يسهل عليك حتى انتِ الحمل صار ما شاء الله الموضوع كله حوامل ... ربى يسهل عليكن ويرزقكن ويرزقنى الذريه الصالحه المعافاه اطفالى حياتى كيف حالك وكيف حال الصغار ؟ ربى يحفظهم لك ان شاء الله سلفيه شنو اخبار البلاد ؟ وما شاء الله تلقى فى وقت اتخشى انا لما انروح ما نلقاش وقت نفتح الكمبيوتر خصوصا الاشتراك دايل اب وما تفتح الصفحه الا بطلوع الروح فكنت انشوف ايميلى وخلاص ... ونوعية الاكل تأثر فى الحليب وطعمته ... فأجتنبى الحار بالك هذا هو اللى امخلى بنتك اتعيط ؟ لكن زى ما قتلك البنات ديما عياطات وهن اصغيرات انا رويدا كانت امشيبتنى وخصوصا انها جت قبل رمضان بشويه وشوفى ما تعلق السرينه ألا لما نبدأ غاطسه فى المطبخ ووقت حوسة المغرب... تعرفى قريب هبلتنى نين نقعد انعيط حتى انا معها ونبكى وكانت مجعومه ديما تبى ترضع ومع الصيام مافيش حليب المهم يا ما صار فيا هذاك الرمضان وكنت فى ليبيا اخرى يعنى ديما عزايم وسريب ... بس توا ماشاء الله هاديه على الاخر وحتى صوتها ما تسمعيه أسألوا وسطيه عليها ... وبالنسبه للفتاوى انا مش فى محل فتوى ولا أجرؤ وأن شاء الله ما فيهاش أتباع للهوى ,,, لكن كيف ما قتلك اختلف العلماء فى التحريم الكامل والتحليل ... وذكرت فى المناظره اللى حطيتها عن الصوره المتحركه (الفيديو) وأنها نفس الشيئ كالثابته ... يعنى كأنها فسر الماء بالماء مادام هى هى زى الثابته زى المتحركه .... أيضاً الاصل فى الاشياء الحل ما لم تثبت الحرمه بنص شرعى أو ثبوت السنه أو أجتماع الامه عليها وهنا لم تجتمع الامه (العلماء على ذلك) يعنى ان شاء الله مش هوى نفس والله أعلم مثلها مثل حكم تغطية الوجه فالعلماء بعضهم حرمه على العموم ومنهم شيخنا الجليل بن عثيمين وبن باز بينما أجازه اخرون وأيضاً بشروط ... وهنا لم نتبع هوى النفس(وأن كان لا ننفى وجوده) بل أخذنا بأحد الرأيين ... كنت مره نحكى مع وحده ونفس الشيئ قالت ما انصورش عيالى فى الصور اللى ايديروا فيهم المدارس لأن التصوير حرام انا ما حبيتش اناقش معها لأن علمى ناقص وممكن اكون على خطأ لكن فى نفس الوقت أستغرب أنها مهاجره الى بلاد الكفر وقد وردت نصوص شرعيه فى تحريم ذلك أيضاً تتعامل بالربا (شاريه حوش بالفائده) وتعتمد الفتوى الميسره بينما تتكلم عن تحريم الصوره وتنسى الاكبر وما ورد فيه نصوص صريحه ... مش حنقولك أن ديننا دين الوسطيه وأنه لا غلو فى الدين لأنى أقع كثيراً فى محاذير وأسأل الله التوبه عنها لكن شنو رايكن بطرح موضوع فى القسم ودعوة بنات قسم التوعيه الاسلاميه لمشاركتنا بأرائهن وعلمهن الدينى ... مع اننا ناقشنا هذا الموضوع سابقاً بالموقع وكان التباين موجود فى الاراء ومن بينها طرح الصور اللى تعرضها العضوات وخصوصا صور ذات الارواح فى قسم الازياء وصور الوجوه التعبيريه وكان الرأى السائد بالعموم هو جوازها وخصوصا الصور التعبيريه لأنها ناقصه وايضا الازيار لانها مطموسه وان الحكم فى الصور هو الرأى الثانى اللى ذكرته بأن صورة الكاميرا هى أنعكاس للصوره الحقيقيه (فيزياء) مش تقليد لخلق الله أو مجاراه للخالق وهذا هو المنهى عنه فى النحت والرسم ... أن شاء الله ما اثقلتش عليك بردى وأعذرينى وأدعى لى بالصلاح أن كانت نفسى على خطأ ... ودائماً لا تحرمينا من توعيتك ونصائحك... نفعنا الله جميعاً بما نقرأ وفقهنا فى الدين .. باقى البنات أن شاء الله كلكن بخير وطيبات

وسطيه شنو اخبارك وشنو حال اوليدك ؟ جيناكم يوم الثلاثاء اللى فات بس ما لحقناش ندهوروا تغدينا...