em mohamed :

السلام عليكم ورحمة الله وبركاته كيف حالكم يا بنات ؟ وشنو اخباركن كلكن ؟ أن شاء الله جمعه مباركه على الجميع وكثرن من الدعوات بكرا عندى عزومه واليوم من الصبح وأنا على كراع وحده انحس فى ظهرى يبى ينقسم نصين وما حوتك انشد فى طولى .... فى الويك اند مش حنلحق انخش ... حتى توا خشيت ع السريع (كنت انلمع فى مكتب الكمبيوتر ما هنانيش خاطرى قلت اندير طله ) قرين ستار ربى يوصلكم بالسلامه ويهنيكم وترتاحوا جنب هلكم وعويلتكم العقبه لنا كلنا ان شاء الله ويا حنا من يبيها الغربه اهو غير الملح والعيش كيف ما ايقولوا ... ما تنسينش من الدعاء ... وسلمى على ليبيا واهلها كلهم فرداً فرداً (خخخخخخ) اسمعى قوليلنا كيف نتواصلوا امعاك بعدين ... انا ساهل جداً تعرفونى امشوا للمركزى(شارع الزاويه) وأنشدوا على دكتوره شرقاويه وزوجها دكتور غرباوى وقاعدين فى كندا ... عليك شهدره (خخخخخ) هيا بالسلامه توا يا حبيبات

السلام عليكم ورحمة الله وبركاته كيف حالكم يا بنات ؟ وشنو اخباركن كلكن ؟ أن شاء الله جمعه...

greenstar :

السلام عليكم ورحمة الله تقربصتى ....انا لله وانا ايه راجعون ....عظم الله أجركم فى عمك ...وان شاء الله ربى يصبركم يا أوخيتى...والله وجعتينى وانت فى غربة ...وبعيدة على اماليك ....ربى ان شاء الله يصبرك ...ويعوضكم خيرا منها ... وان شاء الله ربى يشفيه عمك وينوضه بالسلامة .آمييين يارب ....يارب ...اشفيه انك على كل شىء قديرعاجلا غير آجل آميــــــن يارب العالمين

السلام عليكم ورحمة الله تقربصتى ....انا لله وانا ايه راجعون ....عظم الله أجركم فى عمك ...وان شاء...

اطفالى حياتى :

السلام عليكم ورحمه الله وبركاته جمعه مباركه عليكم كلكم كيف حالكم اوخياتى ان شاء الله بخير وعافيه, كيف اهليكم فى البلاد. امواج البحر وين امشيتى معادش القيناكى والله انشغلت اعليك مش من العاده اتغيبى وكيف ام نضال. قرين استار: ان شاء الله تمشى وتجى بسلامه الله واشكرك على هالشعور الحلو منك,لكن اللى بداء حياته فى الغربه ووكون اسره اعتاد على الغربه المشى الى البلاد للترفيه.

السلام عليكم ورحمه الله وبركاته جمعه مباركه عليكم كلكم كيف حالكم اوخياتى ان شاء الله بخير...

وسطية :

السلام عليكم قال تعالي: " ولنبلونكم بشيْ من الخوف والجوع ونقص من الاموال والانفس والثمرات، وبشر الصابرين الذين اذا اصابتهم مصيبة قالوا انا لله وانا اليه راجعون، أولئك عليهم صلوات من ربهم ورحمة ، وأولئك هم المهتدون" صدق الله العظيم. اللهم ارحم واغفر لعم تقربصتي ذنوبه واسكنه فسيح جناتك اللهم امين. كوكم - الف الف مبروك وان شاء من الذرية الصالحة باقي البنات ان شاء الله كلكم بخير نكتب وانا مشغولة حاطة الرز علي النار لان اليوم السبت عندي زردة مع المدرسة اللي نقري فيها وكل وحدة ادير اكلة خاصة بالبلاد امتاعها وقلت خلي اندير رز بالخلطة لحوالي ثلاتين نفي ماشاء الله .هي بالسلامة واستودعكم الله الذي لاتضيع ودائعه.

السلام عليكم قال تعالي: " ولنبلونكم بشيْ من الخوف والجوع ونقص من الاموال والانفس والثمرات، وبشر...