كوبونات الراقية تسجيل الدخول

omalaa2005
omalaa2005 •
وسطية وسطية :
السلام عليكم كيف حالكم فردا فردا وحال عويلاتكم ان شاء الله ياربي في خيار الخير تجويد- كوني في روحك ياحبيبة ،وصح هوه مايجيش حد في مكان حد لكن ربي ايسهل عليها وتلقي صحبة اتونسك في الغربة وبعدين ايام وتفوت وتلقي روحك في ليبيا بحدا اماليك واحبابك ان شاء الله. ام الاء- كيف حالك وحال حملك ان شاء الله علي خير،(وخيرك العفو كلهم ذكرتيهم الا اني :icon33: ،زعلانة هلبة هلبة وعاد شني يرضيني). ام محمد - كيف حالك وحال مولي بيتك وصغيويرتك ان شاء الله باهيين ،وخيرك غطستي مش عوايدك ان شاء الله المانع خير. اطفالي حياتي- كيف حالك ياحبيبة وحال اطفالك خخ خخ قصدي صغويرتك ان شاء الله بخير،وسلمك نشادة يابعد عمري(قلبناها لهجة سعودية).:) امل - كيف حالك ياحبيبة وحال مولي بيتك ان شاء الله بخير، وعندك حق الاسم الاول حسيت بيه مكشوف هلبة ،وتوة احسن مع ان في هلبة ناس تقرا في كتيبتناوحاسة انهم زابطينا شكون (ربي يستر) امواج- الله يسلمك ويبارك فيك وعلي كلمة حرة مرة (ما نجو شي بحدا حرتكم ومرتكم خخ خخ):) باقي الاخوات ان شاء الله اموركم تمام ونسمعوا عليكم كل خير. استودعكم الله الذي لاتضيع ودائعه.
السلام عليكم كيف حالكم فردا فردا وحال عويلاتكم ان شاء الله ياربي في خيار الخير تجويد- كوني في...
السلام عليكم
كيف حالكم فردا فردا وحال عويلاتكم ان شاء الله ياربي في خيار الخير

ام الاء- كيف حالك وحال حملك ان شاء الله علي خير،(وخيرك العفو كلهم ذكرتيهم الا اني :icon33: ،زعلانة هلبة هلبة وعاد شني يرضيني).



ane asfa gdn yakte lena rde kan ektbas wmakdetsh bale wa allah samhene habebte :26: akbar al alhaml kways ane twa fe 8 adole almara hde rabe yarzgne bwald ywans akwath we yfarh boh en sha allah samhene mara tanya elle yerdek hader
twa be salama :09:
greenstar
greenstar •
greenstar greenstar :
السلام عليكم ورحمة الله أم محمد ــ أمواج ــ عيونى ــ مشيمشة ــ حياة حلوة ــ تقربصتى ــ ليبيا قلبى ــ غادة ــ وسطية ــ أطفالى حياتى ــ آآمل حياتى ــ سلفية 1 ــ omalaa2005 ــ تجويد ــ مشتاقة لبلادى ــ مدام على ــ أم تقى الدين ــ ليبية 100 % ــ أريام الحنين ــ كوكم ــ انا اعتزلت الغرام ــ مراااااام ــ الليبو والتحنو ــ قود لايف ــ هناء 13 ......أم دانيا كيف حالكم كلكم ....قصدى اللى سميتهم بس...( :42: انبصر ...) ...انى معاش خشيت ...لأنى كنت تعبانة ومريضة شوية ...:( ومع عيطات بنتى ...قريب نعيط معاها:06: ..توا رقدت قلت خلى نكتب كلمتين مع انى ظهرى قريب ينقسم نصفين ...ومع الحوسة متع المرواح والحوش مقلوب ...السقف تحت والأرض فوق ...لين نفسيتى تعبانة من الحوسة ...ومع بنتى معاش قدرت ندير شى ...ربى هو المعين ....الحمد لله على كل حال أم محمد ...وينك مغطسة ...ان شاء الله لاباس ..عسى ماشر ...شكلك تعبتى من العزومة ..ربى يعاونك أمواج....كيف حال البيبى ...ان شاء الله ربى يسخرلكم المرواح ويجمعكم بأهلكم , كيف حال زوبة ومغامراتها مع صبعها عيونى...كيف حالك ..شكلك مش لاقية وقت .. ربى يعاونك على الوضع الجديد حياة حلوة ...ان شاء الله تمشوا وتجوا بالسلامة تقربصتى...كيف حالك وحال عمك توا ...خشى فضفضى ...حتى ترتاحى ان شاء الله يكون بخير عمك مشيمشة ...كيف حالك انت والبيبى ... عالعموم مش ذاكرتينى فى القايمة نهائى ...من توا عاد بتنسونى خلى حتى نروح قبل وبعدين ساهل:42: اامل حياتى .... كيف حالك ..وشن اخبارك ان شاء الله تمام ليبيا قلبى ...كيف حالك ...وين امغطسة...؟؟ غادة ..كيف حالك ..شكلك لاهية ...ان شاء الله ربى يعاونك
السلام عليكم ورحمة الله أم محمد ــ أمواج ــ عيونى ــ مشيمشة ــ حياة حلوة ــ تقربصتى ــ ليبيا...
كوكم ....كيف حالك وحال البيبى ...ان شاء الله ربى ينوضك بالسلامة ...شكلك انت جديدة ..((.قصدى فى القفص ))
أم ألاء ...كيف حالك وحال ألاء ...ان شاء الله تكونوا بخير
مشتاقة لبلادى ...ان شاء الله تمشوا وتجوا بالسلامة
وسطية ...كيف حالك وحال اوليدك ...مافيش مشية لليبيا ولا مازال ...؟؟؟
تجويد....كيف حالك توا ...ربى ان شاء الله يونسك بعيلتك ...والله الواحد فى الغربة يفرح لما يلقى ناس كويسين ويخالطهم ...لكن الله غالب هذا حال الدنيا فراق ولقاء ...وان شاء الله تتلاقوا عن قريب
ليبو وتحنو ...كيف حالك وحال العويلة ...ان شاء الله كويسين
مدام على ...كيف حالك وشن اخبارك ...وين غاطسة..؟؟؟
اطفالى حياتى ....كيف حالك وحال الصغار ...ان شاء الله تكونوا بخير
سلفية 1 .. كيف حالك وحال البنوتة ..شكلك مازال قاعدة فى ارض الوطن
وفى الختام ...انى طبعا قريب نروح :icon28: :icon28: ...وانى بنسكن عند اماليا مؤقتا , لين نجهزو الحوش ...وانركبوا الكومبيوتر والأنترنت ...يمكن نبوا شهر ...وبعدين ان شاء الله نلتحق بيكم ...مع انه مع الخدمة معاش فيه وقت ...لكن نحاول ...انى ما نغيبش
سلامات توا ..فى امان الله
اطفالى حياتى
اطفالى حياتى •
سلفية 1 سلفية 1 :
وعليكم السلام ورحمة الله وبركاته استمعى بالجو الحلو ووقت ممتع ليك مغطسين مع الصغار والغدى وحوسته بنسلك انت فى اى بلاد ؟؟؟؟:)
وعليكم السلام ورحمة الله وبركاته استمعى بالجو الحلو ووقت ممتع ليك مغطسين مع الصغار والغدى...
اولا السلام عليكم ورحمه الله وبركاته.
تانيا:كيف حالك وحال صغارك واهلك ان شاء الله بخير وعافيه.
كلنا انغطسوا ونطلعوا هده حال اللى عنده اصغار لابد ان يغطس الواحد يجرى من الصبح الى الليل ومش املحق وتلقى روحك امقصره فى شى ربى ايعيننا ويعطينا الصحه مش الواحد يربى ويكبرهم على خير.
انا فى بلاد الله متغربه لى تسعه سنوات فى بلاد الضباب ببريطانيا,وكل همى ان القء ببنات الحلال ليونسونى وحدتى وغربتى ولله الحمد اجتمعتوا بيكم ,وان شاء الله اتكون معرفة خير اعلينا كلنا.:)
وانتى اين غربتكى ؟:26:
مشيمشة
مشيمشة •
greenstar greenstar :
السلام عليكم ورحمة الله أم محمد ــ أمواج ــ عيونى ــ مشيمشة ــ حياة حلوة ــ تقربصتى ــ ليبيا قلبى ــ غادة ــ وسطية ــ أطفالى حياتى ــ آآمل حياتى ــ سلفية 1 ــ omalaa2005 ــ تجويد ــ مشتاقة لبلادى ــ مدام على ــ أم تقى الدين ــ ليبية 100 % ــ أريام الحنين ــ كوكم ــ انا اعتزلت الغرام ــ مراااااام ــ الليبو والتحنو ــ قود لايف ــ هناء 13 ......أم دانيا كيف حالكم كلكم ....قصدى اللى سميتهم بس...( :42: انبصر ...) ...انى معاش خشيت ...لأنى كنت تعبانة ومريضة شوية ...:( ومع عيطات بنتى ...قريب نعيط معاها:06: ..توا رقدت قلت خلى نكتب كلمتين مع انى ظهرى قريب ينقسم نصفين ...ومع الحوسة متع المرواح والحوش مقلوب ...السقف تحت والأرض فوق ...لين نفسيتى تعبانة من الحوسة ...ومع بنتى معاش قدرت ندير شى ...ربى هو المعين ....الحمد لله على كل حال أم محمد ...وينك مغطسة ...ان شاء الله لاباس ..عسى ماشر ...شكلك تعبتى من العزومة ..ربى يعاونك أمواج....كيف حال البيبى ...ان شاء الله ربى يسخرلكم المرواح ويجمعكم بأهلكم , كيف حال زوبة ومغامراتها مع صبعها عيونى...كيف حالك ..شكلك مش لاقية وقت .. ربى يعاونك على الوضع الجديد حياة حلوة ...ان شاء الله تمشوا وتجوا بالسلامة تقربصتى...كيف حالك وحال عمك توا ...خشى فضفضى ...حتى ترتاحى ان شاء الله يكون بخير عمك مشيمشة ...كيف حالك انت والبيبى ... عالعموم مش ذاكرتينى فى القايمة نهائى ...من توا عاد بتنسونى خلى حتى نروح قبل وبعدين ساهل:42: اامل حياتى .... كيف حالك ..وشن اخبارك ان شاء الله تمام ليبيا قلبى ...كيف حالك ...وين امغطسة...؟؟ غادة ..كيف حالك ..شكلك لاهية ...ان شاء الله ربى يعاونك
السلام عليكم ورحمة الله أم محمد ــ أمواج ــ عيونى ــ مشيمشة ــ حياة حلوة ــ تقربصتى ــ ليبيا...
نجيمة سامحيني يا حبيبة والله نسحاب كتبتلك رد حتى انت
لكن امسحيها في وجهي :(
او معقولة ننسوه النجمة الخضراء والناس الطيبة
والله بتخلي مكانك او هدرزتك الباهية ديمة امنورة اللمة
لكن كويس اللي عندكم انترنت او بتتواصلي معانا من ليبيا
او نيالك يا غالية , ان شاء الله العقبالنا ياربي
ان شاء الله ربي ايعاونك مع الحوسة امتاع المرواح او توصلوا
بالسلامة لليبيا
واني الحمد لله اخباري مع الحمل احسن من قبل غير مرة مرة ايجيني
صداع نتيجة الهبوط اللي عندي والحمد لله
وان شاء الله ما نفقدوك يا حبيبة :42:
اطفالى حياتى
اطفالى حياتى •
السلام عليكم ورحمه الله وبركاته
كيفكم يا احباتى فى الله
مشيمشه :
كيف حالك وحال الوحم امعاك علاش ماتاخديش فيهم الحبوب اذ كانا حبوب فولك اسد اذ كانوا هما نفسهم لابد انكى تاخديهم لانه مقوى للعمود الفقرى وكذلك للجنين على العموم هده الحبوب تاخد فى الثلاته الشهور الاولى من الحمل اذ كان لذيك علم بذلك ,على العموم ربى اكمل اعليك على خير ويسهل وضعك يارب وسمعنا اعليك اخبار اكويسه.
وسطيه :
الغاليه الله ايبارك فيك على السؤال وما يحرمنيش منك ومن كلامك الحلو اهو ما نسيتنيش الله ايبارك فيك وفو اهلك ويعطيك ما بخاطرك ,انا صح مش قادره اتلايم مع القروب ويعلم الله انكم تبعتون السرور فى قلبى انا عندى مشكله فى النسيان وان شاء الله ما تتواخدونيش ان نسيت احدكم من الدعاء والسؤال اعليه.
ليبيه100%:
وينك يا هرابه وين غطستتى ما شاء الله انتى وصلتى بسلامه الله وتلاقوكى العراس ان شاء الله ايامكم كلها افراح وما تنسينيش من حصتى من الحلواته ههههههههه.
وربى ايكمل على حماتك على خير.
ااامل حياتى :
هدا وين فقت من الغيبوبه انتى جارتى اهنا وتعرفناش على بعض ان شاء الله اتكونى بخير وان شاء الله نتعرفوا اكثر ,انتى فى اى منطقه ساكنه؟
ام الاء:
كيف حالك وحال الاء ان شاء الله كلكم بخير
تجويد :
كيف حالك وكيف الفلبيين وشنى الشو غادى بالله كيف امدايره فيه جاليه عربيه الواحد لابد ان يتاءقلم مع الوضع ولول شهر هذا نصيبك ونصيب كل متغربه منا.
حياه حلوه :
ان شاء الله ايامك ديما حلوة وعلى فكره الكيك حلوة برشه برشه تسلم يدك اعليها اتجى فى الخاطر,سفهتينى والله خاطرى اجربها لكن انا مدايره رجيم ومنقصه الحلو يا حلوه.
امواج البحر
وينك امغطسه معليشى انا مقدره الوضع ,الحمل والصغار اسلامتهم وزيدى الغربه ليها دور اكبير تخايلى الواحد بروحه توى كانا مع الاهل راهوا ايقيموا الحمل بكسر الحاء امعاك ,ربى ايكون فى عونك وعون الحوامل اللى امعاك.