اهو رجعت ...المهم شن كنا نحكوا قبل ...اا على المرواح ...يمكن ما زال اسبوع او 10 ايام بالكثير ...هو انى ما نقولش بنروح لين نلقى نفسى فى الطيارة ...انى ولا ما نحبها الطيارة نخاف ....عندى شورا فوبيا الطيران ...:22: ....نخاف من الأماكن العالية بشكل رهيب ...انى توا ساكنة فى الخامس ...وعمرى ما نخش للبلكونة الا لما ننشف بس ...او ننشر الحوايج ....قولوا زى الصغيرة ...لكن الله غالب هذا ما دار لى ربى ...حتى لما نخطم من فوق جسر ...مانكمله لين ياخد فيا ربى ويعطى ....(( حال يحشم نعرف:35: .... )) والبحر مستحيل نخشله ...نخاف موووووت :08:
قولولى ...شن هو اللى ما تخافيش منه ...شن بندير جبانة ...يمكن اجبن وحدة فى الدنيا ....
أم محمد ...خليتى مكانك ...تعالى حتى بالخنبة مرة مرة
امواج .....الحمد لله على السلامة ....هى احكى بالتفصفيص ...مش تفصيل
عيونى ....ان شاء الله تنحل مشكلتك....تعالى هدرزى قبل ما تروحى
ام الاء ....كيف حالك ...انت مواظبة ماشاء الله ....خشى ديما وهدرزى ليييين تجيبى ...ان شاء الله بالسلامة
غادة ....كيف حالك وشن اخبارك ...مع التبتيت ...حتى انت ماشاء الله مواظبة .....ديما خشى ليين تتزوجى ...وبعدين نعطوك راحة شوية
وسطية ....انت غيابك كثر ...قريب نديروا اجراء فيك مع جماعة كندا
امل ....حتى غيابك كثر ....وانت اللى كنت مواظبة ....وينك هالايام ...؟؟؟؟؟
باقى البنات نسلم عليكم كلكم ....غير توا بنمشى ....سلامات
اهو رجعت ...المهم شن كنا نحكوا قبل ...اا على المرواح ...يمكن ما زال اسبوع او 10 ايام بالكثير...
كيف حالك مع الخوف , اهو فيه وحده اجبينه خواف اكتر من اللزوم
انا البحر انموت فيه لكن مش ادخله مستحيل اما الطياره والمكان العالى ما نحكياكش على الليه اللى تجينى فى بطنى تصيرلى احويله .
من كثر ما اخاف من الاماكن العاليه الى ان نبدا احلم بيها واحلم انى بطيح وهذه كلها حالات نفسيه ,الحمد لله على كل حال مع كل هذا الى ان الواحد مرات يتغلب على الخوف امتعه فى بعض الاحيان .
فيه مره رحنا الى مدينه الملاهى طبعا خلصنا كلنا ولم اركب فى اى واحده غير اكون اعيونى على العيال ليضيعوا منى .
والمره التانيه قلت فى بالى اخلص التكت بشى الفولانى وما اركب لا ما يصير وركبت وصارت فيا اشماته قلت مستحيل اروح تانى المره هده بس نحيت حقها تالت ومتلت ومنها ,لو بتروحوا روحوا انتوا وابوكم بس .
امواج البحر
وينك نستنوا فى التهذريزك والله ليك وحشه