تقربصتي :

اهلا بيك ومرحبتين بيك يااختي بينا ويشرفنا انا نتعرفوا عليك وان شاء الله تكون معرفة خير علينا وعليك ويلا قولي انتي من وين بنسب لي ان ان موجوده في نيوزيلند وعندي زوز بنات عيوش وشيمو

اهلا بيك ومرحبتين بيك يااختي بينا ويشرفنا انا نتعرفوا عليك وان شاء الله تكون معرفة خير علينا...

greenstar :

السلام عليكم ورحمة الله كيف حالكم يابنات بلادى العزيزة ...( عجبتنى العزيزة ) وكيف حال عائلاتكم ....ايه خشوا ديما هدرزو على الاقل لما نلقوا التهدريز ...نتشجعوا ونكتبوا .... تقربصتى.....الحمد لله على سلامتها بنتك ...وباهى جتها سليمة ....ردى بالك من هالمرش ..انى من توا انقول ما يكبر راس لين يشيب راس holls35 ....اهلا وسهلا بيك بيننا ...وآنستينا فى اللمة هذى ...وعرفينا على نفسك اكثر توا بالسلامة ....بنتى تعيط

السلام عليكم ورحمة الله كيف حالكم يابنات بلادى العزيزة ...( عجبتنى العزيزة ) وكيف حال عائلاتكم...

وسطية :

تقربصتي- الحمد لله علي سلامة السنفورة ،والله وجعتني وقعدت نتخايل فيها مسكينة ،ربي لطف،وسلم اوخيتي ياتحوليها الطاولة والا لبسيها حتي باللصقة الكبيرةالعادية (الشاروطو)وخاصة الحواشي وبعدين حطي عليه الشنترو باش ماتبانش المهم ديريهلها حل هالطاولة ،وربي يحفطهم وهو خير الحافظين، وبعيد السوء عليكم مرة ثانية. امويجة - تي تي وينك معاش امبينة ،شني انسميك ام بطوطة ما شاء الله من رحلة لرحلة ربي يدوم عليكم الونس والدهوير، وخيره وليدك بسم الله عليه ،سخفني امسيكين صار يتفرج علي المية وما يقدرش ايخش ،وقداش يبيله الجرح باش يبرا لانه مشكله حتي لو تلفوه بالنايلو تخافي مرات المية تخش ،فكرتوني علي سريب الجرح ،مرة لما كنت عايشة ب اتاوا روحنا لليبيا وراجلي خلي شقتنا قاعد فيها شاب ليبي عزابي (5شهور)ولما روحنا قعدت انضم في المطبخ ونغسل في الماعين اندير عليهم في دورة:angry: ودخلت يدي في طاسة وما نحسابهاش مكسورةوتجرحني جرح عالمي والدم معاش بيكف وراجلي مهناش خديت شوية قهوة وحطيته علي يدي وكملت حوستي بيدي اليسار لين روح بعلي تغدي وبعدين قلتله علي الجرح ،مشينا للمستشفي قعدنا ست ساعات انتظار هذا غير زعميتك طواري (الله يرحم مستشفيات ليبيا اتخشي علي طول)المهم من القصة ان الممرضة استغربت في الحاجة القهوية اللي في يدي ولما قلتلها قهوة وعلاش حاطتها ماعجبهاش الحال ودارتلي بنج باش تنظفها وقعد الدم يفيع مرة ثانية هاداكا وين اقتنعت وقالتلي باهي اللي ديرتيه كنهادا راهو انزحتي وبعدين دارولي سبعة بونطوات وروحت (قصة حياتي) هي بالسلامة والحمد لله علي سلامة صغاركم مرة ثانية:) استودعكم الله الذي لاتضيع ودائعه

تقربصتي- الحمد لله علي سلامة السنفورة ،والله وجعتني وقعدت نتخايل فيها مسكينة ،ربي لطف،وسلم اوخيتي...

holls35 :

السلام عليكم ورحمة الله وبركاته مرحباااااااااااااااا بنات ليبيا العزيزة قبل كل شي انا حابة احكيلكو اني مو ليبية ولاكن يحصلي الشرف اني اكون ليبية لاني عشت فيها وكان لها خير كبير علي لاني عشت احلى ايامي فيها ويا ريت يا بنات تعتبروني وحدة منكم اذا ما في مانع لاني انا مدينة للبلد هذه ولشعبها كمان احسن شعب اشوفه في حياتي الكرم والعزة والعشرة الطيبة.. بس يا ريت تردو علي اني مرغوب فيها وسطكم ولا لا؟؟؟؟؟؟؟؟؟؟:26:

السلام عليكم ورحمة الله وبركاته مرحباااااااااااااااا بنات ليبيا العزيزة قبل كل شي انا حابة...

omalaa2005 :

اهلا وسهلا بيك وانستي اللمة وتفضلي امتي ما تبي وعرفينا عليك اكتر

اهلا وسهلا بيك وانستي اللمة وتفضلي امتي ما تبي وعرفينا عليك اكتر