باقي البنات كيف حالكم جمعة مباركة عليكم كلكم ما تنسونيش من الدعاء

السلام عليكم
كيف حالكم ياحلوات ياليبيات وعربيات ان شاء الله اموركم تمام التمام:)
holls35
مرحبتين بيك معانا وموضوعنا يتشرف بيك بس اقعدي معانا ديما مش تكتبي يوم وبعدها تروحي وتتركينا
واهلين وسهلين مرة ثانية:26:
امواج يالغالية كيف الاحوال وحال الصغيويرة وبوهم وحال البيبي المدسوس خخ ان شاء الله في خيار الخير ،والله مافهمت منك حاجة علي المراة الي قلتي عليها هل نعرفها هنايا في لندن والا في ليبيا معليش وضحيلي حاشاك الدماغ مرة مرة يستاكا وبالنسبة لولدي الحمد لله امس سكر العامين والحليب رافض يشربه لدرجة بوه قالي رجعيله الشيشة باش يشرب الحليب قلتله:angry2: بجميع اللغات(لا-نو- نونتي- نهي هاذي الاخيرة بالهندي)انردله الشيشة خلاص ساده حتي ربي قال وفصاله في عامين .
ليبيا قلبي - الف الحمد لله علي طلوع بنت اختك من المستشفي وان شاء الله تتربي في عز اماليها ،والف لاباس علي خالك وربي يسمعكم عليه كل خير.
ام محمد - كيف حالك وحال الصغيويرة وينك يابتي ،اني خفت قلت كان مالزردة والا السفرة اثرت فيها وكنت والله بنكلمك لين قريت ردك بان الكمبيوتر متاعكم ما فيشي عربي قلت باهي الحمد لله مافيش سو .
ام الاء- ربي يسهلها عليك وتجيبي وتنوضي وانت طيبة وكولي التمر راهو يساعد هلبة في فترة المخاض اقتداء بالسيدة مريم ربي قاللها (وهزي اليك بجذع النخلة تساقط عليك رطبا جنيا)وان شاء الله خير.
امل- كيف حالك وحال زوزك ان شاء الله باهيين وربي يعاونكم في المحوال ويجيبهالكم زينة.
مدام علي - كيف حالك وحال بوك ان شاء بخير وينك غطستي تغطيسة سمحة (علي قولتكم ) ،الله يرحم جاركم ويجعل مثواه الجنة ويصبرمرته وصغاره.
اطفالي حياتي- كيف حالك وحال الصغيويرة وبوهم وحال اميمتك ان شاء الله باهي ،سبحان الله غريبة مادرتيش صاحبات والا جارات مع ان بريطانيا معبية عرب وليبين ،عالعموم اعتبريني مش صاحبتك اختك وخودي راحتك معاي وهدرزي عليه ووسعي خاطرك.
انجيمة- الحمد لله علي سلامتكم ،الزوز الغاز والحديد لا ردي بالك وقبل ماتطلعي ديري دورة ووصي راجلك يدير طلة قبل ما تطلعوا عادي ما فيها شي الحرص باهي (وشكله الضي مش عليكم اللي ناسيتيه وطالعة انبصر راهو)
تقربصتي -كيف حالك توة بعد هاديكا الرعشة ان شاء الله باهي ،والقربوجة كيف حالها توة امسيكينة عين وطارت،وكانا علي اللصقة اللي بتحولها عادي ديما العيل اول مرة يكون عنده فضول للحاجة ويبدا يبربش فيها ويبي يحولها وبعدين يتعود عليها المهم ديريها وحتي كان حولتها عادي رديها مرة ثانية لين تايس وتعطي احكامها لربي وان شاء الله ربي يحفظهم ويحفظ صغار المسلمين (جملية).
كوكم- ربي ايسهل عليك ويساعدك في الوحم وباهي اللي عمتك معاك تونسك وتاكلي من يديها وربي يونسكم مع بعض.
باقي الاخوات الحاضرات الغايبات ان شاء الله احوالكم باهية وخشو طمنونا عليكم لان فيه انذرات واجراءات( قالوا اني ما شفتش بعيني )
وتوة ياحلوات بالسلامة لاني بنخش نرقد الساعة عندنا 2 والسهر هلبة هلبة مش باهي .:09:
استودعكم الله الذي لاتضيع ودائعه

هلااااااااااااااااااااااااااااااااااا والله تقربصتي
شكراً كتير يا بنات على هــ المبادرة الجميله وهذا ما كنت اتوقعه من بنات اجمل شعب عرفته في حياتي الله يخليك بنوتاتك يا رب وان شاء الله تكوني مبسوطة وين ما كنتي.
انا من فلسطين استقريت فيها من اربع سنين قبل هيك كنت بليبيا وعشت فيها عشر سنين في مدينة بنغازي ودرست الجامعه في مدينة البيضاء والان متزوجة وعندي بنوته واظن في واحد في الطرق بعد ما تأكدت ;)
ههههههههههههههههههههههههههههههههههه

قبل ما نطلع قريت ردك يا ام الاء وما انتبهتش انك قاعدة السموحة ،طايحة نكتب وعيوني مسكرات من النوم وجمعة مباركة للجميع بالسلامة معاش فيها

شكرا greenstar على الرد الجميل وان شاء الله اكون ضيفة عزيزة خفيفة عليكو معلش انا بتاخر مره مره عليكو بس معلش عندي شوية ظروووووووف وبوعدكو اني احاول اكون اكثر اتصال معكو