هناء13 :

امويجة بعيد السو علي اكرومة ان شاء الله مايشوف شر هو وزوجك وباقي الصغار والله صدقتي حتى نحن الشياب عندنا انهبلو ربي يثبت عليهم العقل وصار الجو رد كيف قبل تعرفي اليوم عندنا اجو يهبل احسن حتى من الايام اللي فاتن قريب نطيرو من الفرحة والثلج بدا يذوب لكنانتوقعو التلج ينزل مرة اخرى....حياة حلوة كيف حالك يا حلوة وكيف حال ماما وحنو ان شاء الله بخير واكيكة لما انديرها حانصورها لكن بالخطوات وانزلها مع ان كل مكوناتها متوفرة عندي لكن عندي اشوية ضروف ان شاء الله ربي يفرجهن علي ونبي نسألك عندكم حد من اقاربكم في الجمرك لان عندي مشكلة وبالك تساعديني فيها لانك انتي الوحيدة اللي من مصراته ردي علي بسرعة .... ام محمد كيف حالك انتي والصغار وان شاء الله صحتك احسن وانا معاكم في الحفظ وراجعت جزء عم والحمد لله تمام وربي يقدرني ونستمر معاكم بس يرتاح البال ربي يستر... انطيب الغداء ونكمل باقي الردود في امان الله

امويجة بعيد السو علي اكرومة ان شاء الله مايشوف شر هو وزوجك وباقي الصغار والله صدقتي حتى نحن...

em mohamed :

السلام عليكم ورحمة الله وبركاته ,,, كيف حالكم اليوم فرداً فرداً؟ ما شاء الله نويشطات ,عينى ما تضركن ايوه هكى نبوا الحماس والحفظ أن شاء الله ربى يثبتنا كلنا ونختموا الحفظ ويثبته فى قلوبنا ويكون لنا حرز من النار ,,, لو تستمرن فى كل 3 اسابيع نختموا جزء بأذن الله يعنى كان عطانا ربى عمر فى سنه نحفظوا المصحف تقريباً بس اشوى عزم وهمه ... يا رب سخر لنا حفظ كتابك وقدرنا عليه وثبته فى صدورنا يارب ... حياة قولى انتِ شنو يريحك فى التسميع وحاضر اللى تبيه انديروه المهم استمرى وربى ان شاء الله ينجحك ومن الاوائل أن شاء الله ... غاده لاباس على جديدتك بس ما فهمتش شنو تشعرينه فى العظم ؟؟؟ لا باس على كريم يا امواج هذا حال الجو هاليومين لما يتغير فيسع العيال ما يلقطوا العدوى من بعضهم وبراو شطوره فى الحفظ ديما خليك هكى أنا نعرف أن شانئك هو الابتر أنقالت على العاص ابن وائل لأنه كان يعجب فى الرسول عليه الصلاة والسلام (شانئك ) وكان ايقول انك يا محمد ابتر يعنى ذريتك بس بنات وما ايعيشولكش الذكور فقال ربى سبحانه وتعالى انه هو الابتر بمعنى مقطوع من رحمة الله ... بس شنو حكاية الفيل محمود ؟ هذه ما نعرفهش عندى شريط تفسير للاطفال وما فيش القصه بس الشريط يحكى على سورة العصر وعلى فضلها ويحكى للاطفال انهم لازم يقروها كل ليله ... هذا موقع الموسوعه روعه ومبسط بكل فيه التفسير http://www.islampedia.com/MIE2/MainInter/default.htm قرين ستار ان شاء الله لابس عليك وما اتخافيش ممكن احيانا فى نص الدوره ايجى الالم هذا من المبيض ولو تدققى حتلاقى الالم هذا ايجيك كل شهر فى جنب مرات فى اليمين ومرات فى اليسار ويجى يوم التبييض وحتى الاطباء يلخبطوا بينه وبين الم الزائده الدوديه وعدى للمستشفى ان شاء الله خير عموما اطمئنى الامراض الخطيره ما يكونش معاها الم بس الامراض البسيطه او الحاده تكون مصحوبه بالم ان شاء الله ربى ربى يشفيك وطمنينا على صحتك قود لايف وهناء ومرام والمصباحى وعيونى وامشيمشه وتقربصتى واريام ليبيا قلبى وريحانه وسهلوله وبهراء وكل الغاليات أن شاء الله كلكن بخير انا طالعه مشوار لتورنتو ادعولى ما انريحش بالصغار من الصبح وانا نطبع فى الخرايط ويستر الله كان طولت معناها ودرت الطريق دورونى وبلغوا الشرطه ههههه بالسلامه توا

السلام عليكم ورحمة الله وبركاته ,,, كيف حالكم اليوم فرداً فرداً؟ ما شاء الله نويشطات ,عينى ما...