اعلان هام

يمنع منعا باتا من جميع الاخوات وضع اي صور للاكل سواء حار او حلو :22:
وذلك تقديرا لشعوري :( لوين انفوت فترة الوحم
شن رايكم خخخخخخخخخخخخخخ :42:

:26: :26: :26:

ام محمد
كيف حالكم او حال الصغيويرة او بو محمد ان شاء الله ما بيكمش
او كيف حال بوك توا ان شاء الله ما بيشي , ربي ايطمنك عليه ان شاء الله

:26: :26: :26:

عيوني..ام مودي وميمي ..ام لاء .....
مرام..هناء..سلفيه....اريام..مهاد .... ليبيا قلبي.. ..سهلولة1 ..ريحانة السنة.....بهراء.... nonasemo....
almsbahi ..de lyon ..بهراء...ام تقي دين.. انا اعتزلت الغرام..فاطمه كمال..الدرناويه

ان شاء الله تكونوا بخير جميعا او ما بيكمش .

السلام عليكم ورحمة الله وبركاته,,,,

شنو اخباركن يا بنات
امس طول اليوم مشغوله من الصبح برا الحوش وبعدين مشينا فى الليل لحفلة التبرع امتاع الجامع
ماشاء الله جمعوا امس 220 الف دولار اللهم زد وبارك
والله لما الشيخ ايحفز فى الناس ويقوللهم هذه تجاره مع الله حتى العيال الصغار قعدوا ايجوا لأهلهم ويأخذوا فى الفلوس ويدفعوا لبناء المسجد والشيخ دعلنا كلنا ولوالدين ولكل من نعرف
وهو يدعى والناس يأمنوا على دعائه
اول مره انشوف تجمع هكى ماشاء الله تعرفن الواحد ايحس روحه يبى يبكى وفرحان فى نفس الوقت
وتعرفن الجاليه 99 فى الميه هنود وباكستان لكن ما عمرى شفت كيف نظامهم وترتيبهم وحتى القاعات فاصلين الرجاله على الصباياوالعويله حاطينهم فى الجيم وامصبيين عليهم ايلعبوا فيهم
والماكله امعرمه خيرات الله
توا انحط الصور فى موضوع صدقه جاريه المثبت
ويا بنات الفرصه مفتوحه للى ايدور فى الخير ,,,,

انا واخذه على لندن المسولين عرب واجتماعاتهم مختلطه تلقى الطاولات عائليه اتقول فى نادى ههههه
وفوضى وانروح راسى واجعنى من دوشة العيال
لكن امس ما شاء الله حتى راجلى كل ما ايكلمنى ايقولى هيا انقوله خلينا سهرانيين
روحنا الساعه 11 ونص للحوش والحمد لله مبسوطين
واليوم عندى عزومه من الصبح واقفه فى المطبخ وهذا وين حطيت اعظامى فى الوطا
وتخيلن اليومين اللى قبلها برا الحوش ونضت اليوم متأخره وقعدت امغير نجرى ونطيب وانظف
بس الحمد لله كل شيئ ماشى تمام .
يادوبك انخش اندير حمامى ونرقد امعش عندى جهد
غير قلت انشوفكن ع السريع .

ماشاء الله ربى يثبتكن ويثبت الحفظ فى قلوبكن
والحمد لله على سلامة المرضى والغياب ,,
عيونى طيب على سلامتك وطهور أن شاء الله
امواج أن شاء الله هذا حد السو ومعليش ما رديتش على مكالمتك يا حنا لى ثلاث ايام امغير جرى ان شاء الله بكرا انكلمك بعد ما انكمل مشاويرى ...
ومبارك عليك يا امشيمشه ان شاء الله ربى يثبت حملك ويحسن خلقه وخلقه ويقذف التوحيد فى قلبه
هالمره نبوا بنوته بيش تلعب مع خيتها .
وتغذى كويس واشربى سوائل هلبه
وربى يرزق كل من يتمنى أن شاء الله .
قود لايف ما شاء الله تبارك الرحمن الكيكه اتهبل
أنا فى الحلو صفر على الشمال كيكاتى ديما ايدرهن الكبد ,,,
حياةما شاء الله شكل الافخاذ حلو نحسابهن كفتة دجاج امبطنه وامزينه بالبطاطا زمان كنا انديروا فيها فى رمضان فى ليبيا ,,,
رمضان العام اللى فات صمت فى ليبيا وماشاء الله عندهم اشكال وألوان جديده للمعجنات والموالح
انخش امعاهم للمطبخ امغير نقعد فاتحه فمى
وايقولوا لى تره ورينا شيئ خاجه من امتاعات كندا
انقوللهم عطونى نغسللكم الماعين وألا اندير الوجبه الكبيره لكن الشقاشق يبن وسعة بال وبعدين أنا ضيفه ليش اتعبوا فيا (ههههه)
ام تقى الدين كيف حالك يا حنا
وهالايام اللى انطيبها انصورها وترقبونا ما زال فيه هلبه صور (انسهف فى الناس اللى اتوحم ههههه)
قرين ستار شنو حالك ؟
وسلمك نشاده ,وهيا عدى ديرى تحليل وان شاء الله خير
وتأكدى أن الخيره فيما اختاره الله
لو نحنا انحددوا الوقت معش نحملوا بكل لكن ربى هو الرزاق وعمرك ما تتشفعى من النعمه .
ومن تجربه ايجوا ورا بعضهم خير لك ولهم
واللى اتربى الواحد اتربى الاثنين بيش يلعبوا مع بعضهم وبعد يكبروا ترتاحى .
غاده كيف اخبارك
ليبيه عاش من شافكم انتن يا تغيبن كلكن يا اتجن مع بعضكن ,,,
تقربصتى ربى يعينك شكلك كيفى عظم شقا
حتى انا راجلى ديما يذبح كل شهر ايجيبى خروف وحتى الراس يسلخه وايجيبه يا حنا وياخذ فى العيال امعاه للمزرعه وايروحوا حاله ورجليهم مليانات فرث ونوحل فى الغسل والتنظيف
وكان شديت العيال ايقولى انا كله امدايره جو للصغار بيش يلعبوا ويتعلموا العادات (الذبح )
ايعلم فيهم فى الاجرام يا حنا .
عيون النسر
اهلاً بيك معانا فى ملفنا
واحكى لنا انتِ وين قاعده فى ليبيا ؟
وأى مساعده من ليبيا كلنا جاهزات

سماسحاب أول مره اعرف انك بليبيا
وين موجوده فى اى مدينه
وكويس مش متغربه بعيد عن بلدك
وبعدين ليبيا ومصر واحد
وحتى المصريين فى ليبيا ممكن اكثر من الليبيين خصوصا فى الشرق

باقى البنات شنو الاخبار ؟

وهذا جدول حفظ الاسبوع هذا
الأثنين ,,,,,,سورة عبس
الثلاثاء والاربعاء ,,,,سورة النازعات
الخميس والجمعه سورة النبأ

لأن السور بدن يطولن زدنا الايام
هيا شدن الهمه وموفقات ,,,

تصبحن على خير وفى أمان الله .

السلام عليكم و رحمة الله و بركاته

كيف حالكم وشن اخباركم
طبعا ما زلت ما قرتش كل الرودود وسعوا بالكم عليا شوية و ان شاء الله نردعليكم
ما شاء الله شن هالحاجات الي تسفه لين تحشمت قولت حتى اني ما نجيش ايديا فاضيات

هذا غدانا اليوم


و هذا دوقة

و هذا بش تحلو
واخداته من قسم الحلويات للاخت همسة شوق لكن بنته رهيبة محشي بجنة كيري
بالاخص للناس الي يحبوا القرفة زي حالاتي راح يعجيهم

اعلان هام

يمنع منعا باتا من جميع الاخوات وضع اي صور للاكل سواء حار او حلو :22:
وذلك تقديرا لشعوري :( لوين انفوت فترة الوحم
شن رايكم خخخخخخخخخخخخخخ :42:



احي احي
ما انتبهتش للاعلان الا بعد ما نزلت الصور:09:
و الف الف مبروك:icon28: :icon28: :icon28:
و ان شاء الله ربي يتمملك علي خير و تنوضي لاسو و لا سوية

و توا خلي نسألوا عليك و علي عويلتك
كيف حالكم و شن اخباركم
و ان شاء الله مش متعبك الحمل
و ردي بالك علي روحتك
:26: