أخباركم بنات يارب تكونوا بخير أف داخله من الاي فون بنتي كبت مويه على لاب توبي وخرب المهم وش فيكم مطقمين التوقيعات يحياتي كنكم صبابات بعرس تاهت نظرتي وينك ماتدقين علي تري انتظرك ويمكن الويك اند الجاي نروح إيست بارك دقي بسرعه
هلا والله عاشقة الجنه اخبارك خلاص قلبي وصلني رقمك اصلا انا جالسه استناك تدخلين عشان تقرين ردي لان كذا مره ارد عليك وماتقرينه ماشاء الله المنتدى بحركه وتروح الردود مع كثرة الصفحات
الصفحة الأخيرة
العفوووو يا حبي لك :26:
أدري السؤال لأم هنو بس بقول لك تجربتنا (إزا بدك) ههههههه
أهلي ما شاء الله الله يحفظهم كانوا أكثر من أهلك :35:
جدولنا السياحي كان :
مدة الرحلة 28 يوم تقريباً
رحلتهم كانت عن طريق الرياض - دبي - نيوكاسل
وصلوا الظهر وناموا في بيتي
البيت زحمة عليهم صراحة بس من بكره انطلقنا لليك ديستريكت
استاجرنا باص على قدنا والسواق انجليزي طبعاً
ما أدري إذا فيه عرب يسوقون باصات
طبعاً قبل لا نمشي شرينا ما يلزم للكشتة :42:
مقاضي أكل يعني ولحم ودجاج و قهوة و غيره
وبعض مواعيني ترامس وقدر ضغط
وفرشة << لو بغينا نقعد برا
وقعدنا أسبوع مع ان يكفيها حدود 3 أيام أو أقل
كان النت في المنطقة ضعيف بس أخوي جايب الكونيكشن حقه أو مدري وش اسمه
حلو يأدي الغرض
بعدها نزلنا على لندن وقعدنا أسبوع و زي ما قلت لك شقتنا كانت بعيدة للأسف
بس شوفي هالموقع توني طايحة عليه ان شاء الله ينفعكم
http://www.bookapartmentsinlondon.co.uk/search.php?location=ANY&nights=ANY&room_type%5B%5D=3-8&room_type%5B%5D=4-9
كتبت في قوقل furnished apartment in London
عاد في لندن حاولنا نروح لأهم المعالم مع اننا ما لحقنا عليها كلها
الأسواق:
رحنا لمول البلو واتر Blue Water (حليل ومو كبير مرة)
http://www.bluewater.co.uk/content/store_map
ولو كنت ذاك الوقت أعرف الويست فيلد كان رحنا له لأن أحسه أفضل على كلام البنات
http://uk.westfield.com/london/stores/
وراحوا أخواتي لهارودز والأسواق على اكسفورد وهالطقة ومدام توسو
من ضمن الأسواق اللي حلو تروحون لها سلفردجز
أنا عجبني أحسه مرتب مع انه زحمة بس حلو
أفضل عندي من هارودز
هارفي نيكلز أشوفه زي سلفردجز أقصد نفس الماركات ولا أدري ما دققت كثير
آوت لت بيسستر فيليج كنا ناوين نروح له بس صار مشوار عن مكاننا
وألغيت الفكرة أسمع العالم تمدحه بس ما أعرفه صراحة
طبعاً بما ان عددنا ما شاء الله كبير فأكيد كلن له ذوقه
فاللي بيروحون للسوق يروحون واللي يبون البارك يروحون
صح يضيع الوقت في اتخاذ القرار :35:
بس انتم حددوا ورتبوا جدولكم من قبل عشان ما تصير صراعات داخلية :22:
والأفضل تحجزون من النت لأماكن الترفيه يصير أرخص لكم
أكثر شيء حبيته في لندن الباص السياحي ركبناه من عند قصر الملكة
(كنا ناوين نتفرج على قصرها وملابسها خخخخ
بس ما أمدانا لأن السرا عليه طوييييل ياخذ له ساعة أو أكثر)
المهم لقينا الباص السياحي و لفينا على لندن يمكن حول الساعة أو أكثر ناسية
بس كان الجو حلو وشفنا أهم المعالم وخرشة الناس مرررة انبسطنا فيه
واللندن آي للأسف ما أمدى أهلي عليها بس انا ركبتها بعدين
بس أنصحكم فيها تجربة حلوة صراحة
وتغيير الشفت حق الحرس الملكي ما أمدانا عليه مع أهلي
بس رحت له مع زوجي بعدين ومع اننا وصلنا على الوقت بس زحممممة
ما شفت شيء بس رافعة الكاميرا أحاول ألقط شيء ما يسوى المشوار
هامليز أشهر محل ألعاب على قولتهم يجيب الهم ما حبيته أبد حار ورطب كأني داخله خزان !
وعيالي الله يهديهم يبون المحل كله صرنا نشيل لعبة وحدة وان أعجبتهم لعبة ثانية نخيرهم
وهكذا وطلعنا بلعبة وحدة لكل واحد .. و السعر غالي أعتبره !
وفوق هذا كبير 4 أدوار
ألعابه من وجهة نظري مو مميزة
يعني ممكن ألقى أحلى وأفود منها في التعليم المبكر و تويز آر أص
فأنتم حددوا لو الشيء يستاهل العنوة روحوا له لو بيضيع وقتكم اصرفوا النظر عنه
ملاهي الـ ليقو لاند حلوة رحت لها مع زوجي وعيالي
هي للصغار أكثر بس حلوة للكبار بعد يمدي يلعبون
صح ما تقارن بألعاب التون تاور وبلاك بول (حسب ما شفت في مواقعهم)
بس تعتبر حلوة
http://www.legoland.co.uk/
المطاعم:
المطاعم ذكرتها من قبل في هذا الموضوع بس بعيدها
المسكوف عراقي جاب لنا أخوي لشقتنا عقب يوم شاق من التمشية ما فيه مجال نقعد في مطعم
مرررة روعة أهلي انبسطوا عليه
http://www.masgouf.com/
مطعم صدف إيراني تعشينا فيه حلوة قعدته وأطباقهم ومشاويهم خطيييرة
http://www.sadaf-restaurant.co.uk/index.htm
ناندوز جبنا منه للبيت حلو بس أهلي ما حبوه مدري ليه
مطعم نورا لبناني مرررة يجنن مقبلاتهم شيء (جربته مع زوجي)
http://www.noura.co.uk/
الباركات اللي رحنا لها الهايد بارك والريجنت بارك كلهم حلوات بس الريجينت أروق
و مجهزين طبعاً الفرشة والقهوة وكذا
قضينا من لندن ورجعنا لنيوكاسل قعدنا 5 أيام تقريباً
كنت حاطة في بالي اننا نروح لحديقة ألنويك Alnwick Garden
مررررة رااااايقة
http://www.alnwickgarden.com/thegarden/the-garden
و متحف بيمش Beamish
http://www.beamish.org.uk/
يعرضون فيه حياتهم القديمة بأشخاص حقيقيين ويسوون حلوياتهم القديمة قدامك
وكيف كانت بنوكهم وكذا
ومزرعة الفراولة اللي تقطفين الفراولة من الشجر مو اللي تبيع جاهز
لأن رحنا لمزرعة فراولة وكان مافيها تقطيف .. بس بيع فراولة فريش صح انها لذييييذة
لكن أحلى لو كنا حنا اللي نقطف
لكن ما أمدانا وراحت هالخمس أيام في التسوق :42:
و راحوا بعض أهلي لآوت لت اللي في يورك يبعد عننا ساعتين
أعجبهم مرررة
بعدها وبما اننا في الشمال رقينا لاسكوتلاند
أروع مكان رحنا له صراحة
يعني جد جد أنصحكم تروحون لها
قعدنا تقريباً أسبوع بس استاجرنا باص والسواق سكوتلاندي
و يدل البلد زيييين
حنا بس نقول له وش مزاجنا عليه قعدة بحيرة أرياف ويودينا
سكنا في هالسكن
http://www.taymouth.co.uk/
البيت كبير و رااااائع ونظيف وكل شيء فيه والأروع مكانه على بحيرة التي
سبحان الخالق المبدع
وبس خلصت الرحلة و رجعنا لنيوكاسل وراحوا من بكره للسعودية
ويوم رجعوا للرياض << بتكمل القصة .. لا لين هنا وستوب لأن بعدها أفلام هندية :22:
شوفي ردودي هذي وان شاء الله تفيدك
http://forums.hawaaworld.com/showpost.php?p=60541946&postcount=1041
http://forums.hawaaworld.com/showpost.php?p=60558470&postcount=1067
وشوفي هالمواضيع عن بريطانيا في ألبوم المغتربات
http://forum.hawaaworld.com/showpost.php?p=30053761&postcount=5
http://forum.hawaaworld.com/showpost.php?p=30054272&postcount=6