أسود و أبيض :

مساء الخير بنات الغربه الله يردكم لحبايبكم بصحة وسلامة أنا أن شاء الله رايحه لندن بعد 3 أسابيع وعندي أسئله كثيره ياريت تجاوبوني بالتفصيييييل الممل لأني جايه لحالي زوجي سابقني والصراحه مرة خايفه أول شي بنات بالنسبة للصلاة عادي تصلون في الأماكن العامة ؟ وكيف أعرف أوقات الصلاة؟ وجهة القبله؟ السؤال الثاني ودي أخذ معي رز خخخخخخ لا تضحكون جد والله لأني بقعد لين رمضان تقريبا 3 شهور ما أقدر أعيش على خرابيطهم كل هالفترة بس خايفه أبلش بعمري بالمطار وشلون أشحنه أحطه بكرتون ولا كيف؟؟؟ خصوصا ما معي رجااااال ومعي عيالي وش رايكم؟؟ السؤال الثالث: بالنسبة للكريمات وخرابيط الحريم زيوت ومش عارفه أيه عادي تكون في الشنط اللي بالشحن ولا بيسون سالفة ؟؟ وش بعد.. وش بعد ..بس كذا عاد الله يعينكم علي كل ما تذكرت شي بجي أسدحه عندكم مالي أحد بعد الله غيركم ^ _ ^

مساء الخير بنات الغربه الله يردكم لحبايبكم بصحة وسلامة أنا أن شاء الله رايحه لندن بعد 3...