حيا الله الكل ما شاء الله فيه مجموعه جديده بتنور سان انتونيو
البنات اللي بيجون او اللي موجودين جداد في سان انتونيو لاحظت كثير شايلين هم الغربه و الوحده
بقولكم شي لا تستعجلون على التعرف اكيد كلنا سواء اجتماعيه او لا محد يحب الوحده نصيحتي لكم اول شي داومو على دعاء اللهم ارزقني الصحبه الصالحه وش الفايده تجين و تدخلين في تجمع و بعدين يصير لك مشاكل بحكم قل الخبره و تندمين و صدقوني مهما طالت مدة انك لحالك بتحسين براحه لانك دعيتي بالصحبه الصالحه حتى لو ماحصل و تعرفتي فهذي خيره لك و ربي بيعطيك الافضل
و انا من وجهة نظري حلو في البدايه تكون حياتك زوجك و اولادك استغلي الفرصه انكم تقربون من بعض و تجلسين معهم اكثر صدقيني بتلاحظين أشياء ما كنتي تنتبهين لها في بلدك
و اصنعي من وحدتك قرب لربك حد دي وقت تقرين فيه قران او تقرين في شي ديني او حتى اي موضوع ينمي ثقافتك في كل المجالات سواء تربيه او غيره
الشي الثاني لازم تتعلمين اللغه حرام الوحده تجي ست شهور و الا سنه و ترجع ما استغلت الفرصه و دخولك المعهد فيه منفعه ثانيه انك تتعرفين على ناس

ادري بربرتي كثيره بس والله ابي لكم الخير
والله يوفقكم و يطوي غربتكم و يردكم سالمين غانمين لاهلكم

عسولات تكفون من فيكم راحت دالاس
تعطيني اماكن حلوه فيها

روعه الايام
مجمع لاقاسي حلو بالمره ودورين
قريب للقاعده
اثاثه بس الاساسي من غساله ملابس ومواعين وجفف وفرن
قريب منه مسجد عالرجول ودي كير وصيدليه وسوبر ماركت
انا اعرف سعوديه توها ساكنه من شهر فيه والحمدالله مرتاحين

بالنسبه للعفش مثل ما قالت لك بنك شادو
يا الطيار يا المؤيد
احنا شحنا عالطيار ٤٥ كيلو ب١٠٨٠ ريال
لكن طولت شوي او بالاصح وصلت ولا دقوا علينا
احنا رحنا نسال يوم شفنا المده طولت
بالنسبه للخصم في السكن والله ما ادري عنه
والهوليدي ان فيه كذا شي فيه اللي فندق وفيه مويتل
تقرف الاسعار بينهم
مو مشكله السعر اذا هو مؤقت ما اتوقع يزيد عن ال١٥٠ مجرد توقع
وخذي راحتك اسالي مثل ما تحبين

الاخت لاما
ما ودي اضيق صدرك
حسب ما فهمت من القرار الغبي حقت الوزراه
انو هذي السنه قالوا خلاص معد فيه معادله كل طالب نسوي له اختبار ونحطه في المرحله اللي يستحقها
 هذا اللي فهمته اول ما جيت كان القرار حق المعادله بعده بكم شهر قريت موضوع انهم الغوا المعادله

لكن اسألي المدرسه كيف الوضع هم ابخص
واذا ما فيه معادله حرام تروح السنه عالبنت اجلسي لين تخلص بعدين الحقي زوجك
تروح عليها سنه ثاني ولا انها تعيد اولى
مجرد اقتراح اذا يناسبك
عموما انا راح ارجع قريب جدا للسعوديه وراح اوافيكم باخبار الدراسه كيف هل هم يبقبلون بنتي تكمل السنه. او انهم راح يخلونها للسنه الجايه


ليه
يا حلوك تكفين بالعكس كلامك يجنن وكلام عاقل وسليم ١٠٠٪

ام العفش
حاليا انا طلعت من سان انتونيو لولايه متشقن

بنك شاود
هلابك
جونا اذا فيه هواء يكون بررررررررررررررد
اذا مافيه برد لكن بمجرد تلبسين كويس خلاص ما تحسينه يدخل في العظم

قبل امس نزل سنو وكان فيه هواء يطير من قوته ونسبه السنو كانت عاليه
الجو كان مأساوي
كنت عند زميلتي لما جيت اطلع والا عند الباب طعس سنو
يمديكم علي طعس
كان هوآ من جه بيتهم ويجمع عند الباب

الله يسعدكم اخواتي في الدارين قولو امين ويهون علينا غربتنا يارب ومشكور ة اختي وان شاء الله بنتصل على الشركة ونشوف كيف الشحن ومثل ما قالت اختي ننشغل بالطاعة و الدعاء بالرفقة الصالحة والأنشغال بالأولاد وتقرب منهم فعلا شي جدا رائع انا وراح اخذ بنصيحتك لكن انا ما عندي غير ولد الله يحفظة وزوجي راح يكون مشغول بالدراسة فما ودي نشغلة معانا ياليت اذا في معلمة تجي البيت لتعليمي اللغة وبكم تكون ومن ناحيةمجمع لاغاسي والفندق تكفون جاوبوني لآني قلت لزوجي اخواتي في المنتدى مارح يقصرون وبيعطوني العلم الوافي ان شاء الله وما ودي اتفشل وبصراحة هو شايل هم اكثر مني وفي البداية ما كان بياخذنا معه على طول لكني اقنعتة وقلت ان في عوائل كثير سافرو سوا في البداية وما صار شي وتسهلت الأمور وانا في انتظار ردكم